Rasul 23:17 - Eipomek

¹⁷ Nyabukopura, Paulus arye yin talin nang sik deiyoknye ati nyabuk. “Awel mi ara, an weik deiyoknye ati, ‘Yupu ton nyapnaman,’ tenepmala ati, el dobuka an weik deiyoknye dam bobilyame,” nyabuk.

Rasul 23:17 ပူးပေါင်းရင်းမြစ်များ

Amsal 22:3

Pia moubuka tenena kanye teleb tenelinye bira, malye un ning el binmalyak aupmalebuk, moubuka eiplirye kel biklyopura, adiparyuk leilolule. ‘Amalye un ning dam kum unamne’ tenen, memebuka yukak balule. Bukni, walwal ninye ara, moubuka kum tenebikirye, ‘Abisik ara talye parapkabuka banamane’ tenen, balamak kili sal ara, pia weik ikin ning dolonyake.

Matius 10:16

Domba basam tonok bai kam weik ulamice kan-kan ulyopura, bai kam arye domba basam opmanto ulye touk, narye dopdeipsiniba, na yupu bobuka peterelbimunyopura, kanye talima malye kanye bobikirye, yu ulul nang arye, na mapu anggun nong deice ikin ning deibuka, opmanto unamsiake. Aning ati ara, ninye ton kwatima arye, kanye wisibuka ulamle touk, anggunce aning-aning nirya ati weik kel kipmunce, kanye pia moubuka unamlulume. Tonda, yu upsiliba, yu asa una kum bukni, yalma maka talima namin asa ulirye, ninye kum opmanto ulamle touk, anggunce talima namin asa ubuka telebuk unamlulume.

Yohanes 18:12

Yesus arye nyabukba, sik yin talin nang ap, sik deiyoknye ap, sik Yahudi yala deiyok nang ap, sik nirya arye Yesus tomobikce, tapu koubuka bobiyik.

Rasul 22:26

Nyabukura, ayin talinanye, ninye deiyoknye atonunye kekebukce, ayin talin nang, sik weik ninye deiyoknye dam laka nyalbiyuk. Laka binuka nyabukce ayupu nyabuk. “Anye bira, dipkoprop Roma mutukunye atonun ulula ati, yata wiripnalam do?” nyabuka asipdeyuk.

Rasul 23:16

Nyabik bukni, Paulus el makal kil el mi arye, “Paulus opnamabe,” nyabuka talilamik yupu kekebukce, ayin talin nang, sik aik wekelbiyukce, “Paulus opnamkiyaka ati yupu talikenyake,” nyabuka lak nyalbiyuk.

Rasul 23:18

Paulus arye nyabukura, anye birye Paulus el makal kil el mi dobuka yin talin nang sik weik, deiyoknye el dam dobiyuk. Bobiyukura, ayin talin nang, sik deiyoknye birye nyabuk. “Awelnye bira, an dam ‘Yupu ton nyapnukine,’ tenepmakila ati, nun min arye tapu koubupunye birye, na ak elce ami dobuka, ‘An dam bobinamle’ tenen, moropnue. Ara, ami arye an dam yupu nyapnukil yupu ara, aupmale atia,” nyabuk.

Rasul 23:23

Ayin talin nang sik weik deiyoknye birye nyabukura, el yin talin nang, ara deiyok nang atonun nang, bitinye nang ati nyabuk. “Nun yin talin nang yupa weik 200 nang ap, kuda balye tam bukuka banyak nang, 75 yin nang ap, yo dula mal bobalamak nang ap, yupa weik 200 nang ap kintinipnamlulume. Alukunyan akunum maplukice talak ara, Kaisarea mutuku binamlulume.