Rasul 21:35 - Eipomek

³⁵ Nyabukura, sik Paulus dobuka bobiyikce, poka buplan dam apia welebayikba, ayu unmek nang ara, yu weik ubukura, ‘Paulus opnuyap’ tenen, yu arye talipkiriknin bayikce, dobolbiyikbuk, ayin talin nang, ‘Paulus dobuka obicak’ tenen, Paulus el nong dobuka alip ereptalibikce bobiyik.

Rasul 21:35 ပူးပေါင်းရင်းမြစ်များ

Mazmur 55:9

Winipmanto ara, weik kumanya ap, mok ap, liman ap yalyeba, ilil usilye touk, ‘Yu nang arye opnikcak’ tenen, ‘Minopce, bikbik abuka bindoptinirye, duknupdoptinyeura, teleb ubuka uptinye,’ tenenune.

Mazmur 58:2

Se, anggun weik nang ati asipdesine. Anggunce ninye yupu lipsisikuka bokolin talak ara, teleb kibuka, yupu sisikuka bokolilulum do, kum do? Tonda, ninye arye winilamikce ning ara, sik winilamak touk moubuka dipdemunce, yupu lipsisikuka bokolilulum do, kum do?

Yeremia 23:10

“Allah arye, amutuku ninye wenepnamsil ning ara, urdem ati kume. Nun unyap mutuku noutamak ara, Allah ati ilil kum ulul ninye weik unyake. Anya arye, Allah arye, ‘Wininamlulume,’ nyapdeibuk yupu batakuka, sikce tenebice ninguk, wininyake. Tonda, talye yolalamak nang weik unyake. Tonda, Allah batakikirye, yuk talye ning atibuk, si eranyake. Winibica deice, Allah arye sikti, yu teneplirye, supdeipsiliba, nun mutuku noutamak ulul ning nirya ara, malyeuk usulule. Aning ati ara, mok kum arisilibuk, kum cepliba, nun mutuku ara, maning ap, talye palamle ning ap nirya ara, sesal seplirye, kolulamle. Sik tilila yupu nyanyak nabi nang arye, wininyak ning nirya ara, pia malyeuk wininyake. Sikda nun deiyok nang unyak bukni, diksukumuk kum wininyakce, ‘Malye ninguk unamabe’ tenekirye, ikin ning weik, nun nong deice delisinyake anya arye, nun mutuku unyap ninye nirya ara, kanye imun deiceuk unyabe.” Yeremia birye nyabuk.

Lukas 13:7

Duk kum moubuka ati, el wa wibuka kouamukbuk, melibuka dola kwelamuknye ati, ayupu nyabuk. “Keting tamun winilye deice arye, ‘Akwarang yo duk moupnamnil’ tenen, pia dilyangalamse bukni, duk tonok babye, kum moubuka ati, adiparyuk weploplyame. Tuku teleb ak koupse bukni, talye bokuk bolula ati, weploplyame,” nyabuk.

Rasul 21:40

Morobukura, ayin talina deiyoknye birye, “Telebe ur nyaplyame,” nyabukopura, Paulus arye ayin talin nang, sik aik atolongna dam tikukce, ‘Yupu tunimapnuyak’ tenen, awekmek nang ati taruk kunupdeibuk. Taruk kunupdeibukura, sik nirya akunum tunim abikopura, Ibrani yupu deice arye anang ati Paulus arye nyabuk.