Rasul 21:2 - Eipomek

² Patara mutuku bipopura, Fenisia tam balamik mek bukna yo ati enmapu ani, aenmapu mek bukna yo ara, akunum binuyika ati, kintinibikbuk eibupurye, nun babye, amek bukna wekuka bukuburye, mekwen deice beipu.

Rasul 21:2 ပူးပေါင်းရင်းမြစ်များ

Yunus 1:3

Nyabuk bukni, Yunus bira, Allah el si Yahweh arye nyapmok yupu batakuka, ‘Allah dinmanil sukum ara, kum unune. Tarsis mutuku uk binune,’ tenebuka, yuk bisik banmok. Bisik banmoka ani, laut kup-kup mutuku si, Yopa mutuku biyukce, ‘Laut mekwen deice bana ati, kintinyamik mek lia yo weknirye, Tarsis mutuku binun’ tenen, el bana ati, yo bok akunum dekukopura, Yunusda laut mekwen deice bana ati, el si kapal, amek liya yo aik welebuka bukuk. Bukukopura, amek liya yo deice, el ap yuk nang ap, laut mekwen deice biyik. Yunus bira, Allah arye nyapmok yupu kum kekebukce, ‘Allah dam ara, kum unamne,’ tenebukce, ‘Tarsis mutuku binuka unamne’ tenen, biyuk.

Rasul 11:19

Ura, atalak ara, Stefanus obik talak arye, yu nang arye, Yesus ati dib tenenang ati, sik nong deice ikin ning weik delilamik deice arye, yuk-yuk pera mutuku bik-bik abuka biyik. Sik biyik nang arye, weik pera mutuku ton biyik. Fenisia tam ap, Siprus mutuku ap, tonda, Antiokia mutuku ap, biyikopura, anang arye Yahudi yala nang ati, “Yesus arye lyesulule,” nyabuka, Yesus ati teleb yupu peterepra balamik.

Rasul 15:3

Ara, Antiokia mutuku diba tenebuka ulamik ninye arye, ‘Anang Yerusalem mutuku binamak’ tenen, dopkwetebikura, Fenisia tam noutamak ap, Samaria tam noutamak ap, bisik mapdin balamik. Amutuku noutamak bisik mapnin balamik talak ara, Yahudi yala kum ninye, sik malye winilamik ning batakuka donga tamubuka, Yesus diba tenebuka doprobikce talyamik ning uk, ayupu laka nyapnin balamik. Ayupu laka nyalbalamikbuk, amutuku noutamak diba tenebuka ulamik ninye kekebikak arye, ‘E, Yahudi yala kum ninye babye, Yesus ati akunum dib tenebik’ tenen, bikikce pia kanye deibik.

Rasul 21:3

Kumanya mikip deice arye, mekwen deice banmapu ani, Siprus mutuku ara, laut mekwen sekdongamuk mutuku bisik noutamak ulamika anya arye, asinguk anyapce eitam eibupurye, Siprus mutuku eitam uabuk bukni, utam kirikuburye, laut mekwen deice pia banauk unmapu ani, Siria mutuku beipu. Siria tam bipopura, laut mekwen kup-kup mutuku si, Tirus mutuku mek bukna yo binuka deibukopura, sik amek lia yo lipmek bona yokuka deipnamek mutuku ati, nun babye, yokeipsuk.

Rasul 27:6

Asukum aryuk, min balamubu Kapal ara, amutuku batakuburye, yin talin nang, sik deiyoknye Yulius arye, Aleksandia mutuku arye yayuk Kapal ara, Italia mutuku binamek kapal eibukce, nun dobuka akapal yo pum bisik dongopsuk.