Rasul 20:9 - Eipomek

⁹ Upmekbuk, tonok wel mi, el si ara, Eutikus, jendela bisik pum bukmokbuk, Paulus arye Allah yupu pia nyanmok arye, ami ara, kekenmok bukni, wi talibuka dung-dung anmoka ani, wi pia weik ubukopura, jendela bisik pum mapmoka ani, kanye kum bobuk anye arye, mabuka wi dukuyuk talak ara, aik dukuka domika ara, winilye aik anya arye, ami ara, sakukabukce, tukwak pulbiyukura, obuk. Obukopura, anang asik dam kulukikce binuka tongobik bukni, anye bira akunum dibuk.

Rasul 20:9 ပူးပေါင်းရင်းမြစ်များ

1 Raja-Raja 17:19

Nyabuka engenmokopura, Elia birye tamubuka nyabuk. “Adipmal mi dopmince na arepnilyame,” nyabuk. Ami dobuka arebukopura, Elia birye ami dobukabukce, alip aik el Elia malamukak binuka mapdeibuk.

Markus 13:36

‘Ayam gamulamle talak do, bereklamle talak do, sintam talak do, pia lukunyan noutam talak yanamle do?’ pia kum teneluluma anya arye, kanye pia moubuka umunce kintinibuka dinauk unamlulume. Winibuka datalye unmamunya talak arye, ‘Na talye karin yanyak’ tenen, pia kintinibuka dinamnulume.

Markus 9:26

Yesus arye nyabukura, ami talyamuk isa ara, weik arye ngalukukce, ami sirim talibukce, ami talimak arye kubuka biyuk. Biyukbuk, ami ara, dipmakce nang atouk upmokbuk, awekmek nang kan-kan arye, pia weik tonun, ‘Ami akunum dipmale’ tenebik.

Rasul 14:19

Aminyan talak, Antiokia mutuku ap, Ikonium mutuku ap arye, Yahudi yala nang yanmekce, sik yupu nyabika ati, awekmek nang kekebikce, ‘Anang dib nyanmasiake,’ tenebikce, sik babye, anang nyabik yupu uk dib tenebikce, Yahudi yala nang tam kipdobik. Yahudi nang tam kipdobik akarye, keil dobuka Paulus el nong deice donokuka, obikce, ‘Akunum dipmale,’ tenebik akarye, el nong dobuka sik asik domikak buru tam libuka binuka deibik.

Rasul 20:10

Dibukopura, Paulus kutukukak arye, ami dam yayukopura, ami nong deice iribuka mabukce, Paulus arye nyabuk. “Anggunda, ‘Se, ami akunum dipmal,’ tenepmalumce malye kanye bopmaluma ara, bataklulume. Wini talak ara, el akunum kam bukle,” Paulus arye nyabuk.

Rasul 20:7

Teroas mutuku aunmapua ani, naku barye sum akunum ubukopura, anaku barye sum inibukopura, ‘Nun nirya dina neika dipnuyap’ tenen, bulubuka tonok aikuk wekupu. Wekupubuk, Paulus arye, ‘Ambusum akunum binamane,’ tenebuka ati, Paulus arye amutuku diba tenebik nang ati, kibukce, Allah yupu pia peterenmoka ani, lukunyan dukduk kibuk.

Rasul 20:8

Nun nirya bulubuka wekmapu aik, alip aik ara, weisa weik upmek.