Rasul 20:34 - Eipomek

³⁴ Na winilamse ning ara, anggun kele. Na ap, nun neika pil dopra balamubu nang ap, na taruk mikip deice aryuk pil dopropnopura, yo bok dololamsirye, nun patalamsuk ning ara, deklamse. ‘Yuk nang arye talye arenamniyak’ tenen, morona deiceuk kum ulamse.

Rasul 20:34 ပူးပေါင်းရင်းမြစ်များ

2 Raja-Raja 6:2

Ati ara, ance ur telebe nyapsutumce, nunti ‘Yordan mekin uk aik binuka doplulume,’ nyapsutumba, doptibirye, aik dopnamtibye,” nyabuka morobikba, “Telebe ur dabinuka doplulume,” nyabuk.

Rasul 18:3

Paulus ap, anang bitinye ap, yupu talipdayikura, Paulus arye uruna ati sik aik biyuk. Anang bitinye ara, tia dolin aik tenda aik wilamrik touk, Paulus babye, tia dolin aik tenda wilamuka ati, sik neika ulamikce, tenda aik ati wilamik.

Rasul 19:22

Nyabukce el melina nang bitinye nang ara, Timotius ap, Erastus ap, minopce Makedonia mutuku dopdeibuk bukni, elda Asia tam noutam akuk mitik ton ulamuk.

Rasul 19:29

Tonap, ayupu uk, pia nyanmeka ani, aminyan ara, anyasik domika noutamak ulamik ninye babye, yu arye sik nirya, kanye walwal kibukura, ‘Se,’ tenebikce teninmek. Winibik akarye, adiparyuk sik anang nirya arye, Paulus ap, Makedonia mutuku arye yarik nang ara, Gaius ap, Aristarkus ap, talibuka doprobikce, anang nirya, tonok bisikuk bulubuka talipdaka neika biyik. Talipdakuka, tonok bisikuk biyik akarye, tonoknye tenepmok kanye atonun bobikce, amutuku ninye bulubuka weklamikce, yupu talilamik aik weknuyik.

Rasul 20:35

Na pil dolamsa ap, na winilamse ning ap, deice arye peterelamsise. Pia teleb ning ara, anyuk. Na ikin pil dolamse touk, nun ato pil dobibya deice arye, bona utotoa talina kum ninye, ap, mitang ninye ap, ati melinamabe. Aning ababye peterelamsise. Nun tukak unamap talak nirya ara, Yesus el nyapsuk yupu ara, pia dib tenenamabe. Ara, ‘Sikce nun arepsiceura, mitik-mitik kanye delinyap, bukni, nunce yuk nang ati aribibyopura, pia weik kanye delisulule. Pia teleb ning ara, yuk nang arena ati, mitik malye ning ara, nun dolona atia.’ Utenenauk unamlulume.” Paulus arye, Efesus mutuku diba tenebik nang, sik deiyok nang yukubukura, Miletus mutuku yayikura, ayupu nirya laka nyabuk.

1 Korintus 4:12

Nun bidamnye taruk deice aryuk, ikin pil dobuka ulamibyopura, dikdik usiliba mitang asauk unyabe. Yuk ninye arye, nunti, malye yupu nyabuka, ikin ning nun nong deice deipsicopura, nunce tamubuka aninye ati, teleb yupu uk nimalye arye, nyanyabe. Allah el pil dopya ati ara, yuk ninye arye, ‘Anang ara nun lik,’ tenebuka, ikin ning weik nun nong deice delisinyak bukni, kwang dakna kum aryuk, talye lamapdongobuka, tuba pil donyabe.

1 Tesalonika 2:9

Nun kayapu, anggun dipkoprop tuba tenelulume. Anggun ap neika ulamubu talak noutamak ara, nunce weik pil dolamubu ning ap, ikin ulamsuk ning ap ara, kum lupakeipsulume. Winilamupa deiyok ara, nunce, Tesalonika mutuku ninye ati, Allah el laka teleb yupu, ninye lyena yupu peterenamap talak nirya ara, ‘Nun patan ning ati, arepsikibuk, sik ikin upnul’ tenen, keting noutam ap, lukunyan ap, pia pil dolamubu.

Titus 3:15

Telebe, na mi Tituso, na ap unyap ninye nirya arye, anti, “Telebe,” nyapkiake. Aning atouk, an dam unyak nang diba tenenyakce, nunti teleb tenebuka kanye delisinyak nang ati, “Paulus arye nyapsile,” nyabuka sikti nyapnulyame. 'Allah arye bico tenesilirye, el kanye aryuk, anggun pil dona ati, melibuka arinamsil ning, anggunti weika arye arisiliba, dolonamlum' tenen, na Paulus arye, anggun nirya ati, Allah morosunune. Telebe, na Paulus arye nyapkine. Asukumuk deipkine.