Rasul 2:47 - Eipomek

⁴⁷ Tonda, Allah el si erena ati, “Allah el pia telebe,” nyabuka el si erelamikura, amutuku nirya, Allah arye yuk ninye lyelamuk akarye, dobuka deipra balamukura, Yesus ati min arye dib tenelamik nang ap tabaklamik akarye, weik kipnin balamik.

Rasul 2:47 ပူးပေါင်းရင်းမြစ်များ

Lukas 19:48

Pirildelamik bukni, atalak ara Yesus nyanmoka, kekenmek ninye nirya arye, el yupu moubuka kekenmekce, Yesus ati, pia kanye deipmeka ati ara, amalye nang arye Yesus opmanto kum ulamik.

Lukas 2:52

Allah arye Yesus ati, kanye deibukce, pia melilamukura, Yesus el nong ap, Allah arye winin ning kel kina deiyok ning ap, weik winilamukura, ninye nirya arye elti, kanye delilamik.

Rasul 11:21

Allah arye anang ati, mikip weik melyamuk arye, amutuku, Antiokia mutuku ninye kekebikce, weika arye diba tenebikce, sik kanye tenen ning nirya, Yesus deiceuk deibikura, ‘Yesus elda nun yupu bokolinye ati, nun weik deiyoknye pia unamsile,’ tenebuka Yesus ati dib tenebuka ulamik.

Rasul 11:24

Barnabas, elda kanye teniltona kum diparyuk, Yesus ati pia mikip dibuka dib tenelamukura, Allah El Dib Kanye el talima ak langdibukura, pia telebnye ulamuk. Winibuka ulamukura, amutuku ninye, nun ni Yesus ati, weika arye diba tenebuka tabakikura, yupa ara, weik kipnin balamuk.

Rasul 13:48

Paulus ap, Barnabas ap, ayupu nirya nyaprikura, sik Yahudi yala kum ninye kekebikce kanye deibikce, nyabik. “Se, Allah el yupu ara, pia mambul,” nyabuka Allah si erebik. Winibikce, Allah arye, ‘Sik kam pia una deiyok ning dopropnamak’ tenen, minop arye kintinibuka wipdeiamuk ninyeuk dib tenebik.

Rasul 14:1

Paulus ap, Barnabas ap, Ikonium mutuku akunum birikopura, Antiokia mutuku ulamrik touk, sik Yahudi yala nang sik Allah yupu peteren aik wekrik. Anyaik wekrikce, sik Allah yupu pia teleb ubuka peterelamrik ati, Yahudi yala nang ap, ton Yahudi yala kum ninye ap, weike diba tenebik.

Rasul 14:21

Derpe mutuku birikopura, ‘Yesus aryuk ninye lyesulule,’ nyabuka Yesus el laka teleb yupu petereprikura, ninye weik dib tenebikce, Yesus el winilamuk ning piribuka kel kibikce talibuka ulamik.

Rasul 16:5

Winilamik ati, amutuku diba tenebuka Allah yupu aik weklamik ninye ara, sik Yesus dib tenebuka pia talibik ning ara, mikip weik kibukura, pia kanye lamabuka ulamik. Tonda, asum-asum nirya ninye tonap, diba tenebik anye tabakikura, sik yupa weik kipropnin balamik.

Rasul 17:12

Winilamik akarye, Yahudi yala nang yupa weik ap, Yunani yala weik kilapu ap, ton Yunani ninye ap, weika arye dib tenebik.

Rasul 2:39

Allah arye, ‘Aning arepnamsine,’ nyalilamsuk yupu ara, anggun ap, anggun mapu ap, sik mapu deibikibuk dadeipdanin binamak mapu ap, tonda, pera mutuku unyak nang ap ati, ayupu nyalilamsuk. Ura, Nun ni Allah arye akunum wibuka deibukce, yukupnamle ninye nirya ati, ‘Allah El Dib Kanye arepnamsile’ tenen, nyapne,” Peterus arye nyabuk.

Rasul 2:41

Peterus arye awekmek nang ati ayupu nyanmok talak ara, ‘Dipkoprop nyanmasile’ tenen, kekebuka doprobik ninye ara, mek dongobik. Mek akunum dongobikopura, sik winiryuk dib tenebik ninye ara, min arye diba tenyamik ninye ap, tabakik. Tabakikopura, yupa weik kipnin balamuk. Asum deice arye tabakik ninye ara, 3.000 ninye diba tenebikce, Yesus ati diba tenyamik ninye ap tabakik.

Rasul 4:21

Ura, sik winipman kum pil dopmarik ak, Allah arye yok kwanyamuk anyak kwetebuknye bira, keting tahun yupa weik 40 tahun akunum wisi deiamuka ati, amutuku ulamik nang nirya arye Allah ati, “Allah anda pia teleb,” nyabuka el si erenmeka ati, aSandeheren deiyok nang arye, ‘Abitinye nang ara, nunce yata wiribuka obuka weneptibye do?’ tenen, teniltonauk unmek.

Rasul 4:33

Yesus el wipdeiamuk Rasul nang arye, Yesus el kam bukukura, eibik ati, mikip deice arye nun ni Yesus el kam bukuk yupu pia teleb kibuka yupu peterepra balamik. Tonda, apeterelamik nang babye, talye yuk ninye Yesus ati dib tenelamik ninye babye, Allah arye weik melilamuk.

Rasul 4:4

Sik Saduki nang arye dib kum tenebik bukni, sik peterenmarik yupu kekenmek nang ara, yupa weik diba tenebik akarye, Yesus minyuma dib tenelamik nang ap, tabakuka yupa weik pamubarye ribu (5.000) nang kibik.

Rasul 6:1

Ura, Yesus yupu kekebuka dib tenebuka dobolbalamik nang weik upnin balamik talak arye, sik anang noutamak arye sik nirya Yahudi yala nang bukni, Yunani yupu nyalamik nang arye, Ibrani yupu nyalamik nang ati, malye kanye bolamikce derelamik. Deiyok ara, youwak kilapu melin ati bokuka asum-asum nirya arilamik ning ati ara nyalamik. “Ibrani tam youwak kilapu arenyak bukni, nun Yunani tam youwak kilapu ton, kum arisinyakce batakaldongosinyake,” nyalamikce dereldalamik.

Rasul 6:7

Ura, Allah yupu pia peterelamikbuk, Yerusalem mutuku ulamik nang weik tonap kekelamikce, dib tenebuka tabaknin balamikce, minopce yupa weik uptabaknin balamik. Tonda, sik Yahudi yala nang, sik Allah ati arena deiyok nang Yesus peterelamuk yupu, ninye lyena ati laka teleb yupu kekelamikak arye, ninye weik tabaklamikce, Yesus el yupu talibuka dobolbalamik.

Rasul 9:31

Winibikce, aminyan talak, sik Yudea tam ap, Galilea tam ap, Samaria tam ap, Yesus diba tenebuka ulamik nang ara, sik diba tenena kum nang arye, ikin ning kum delilamik ati, teleb kanye bobuka ulamik. Atalak ara, Allah El Dib Kanye arye, Yesus diba tenelamik nang nirya ati, sik kanye talima mikip kipdeibukce, melina ati teleb yupu nyalamukce sik talima kwa dilamuk. Yesus ati diba tenenyak ninye nirya ara, ‘Se, nun ni Allah weik mambulnye ulule’ tenen, elti, kibuka el si erebuka ulamikce, ‘Malye winibibiba wenepsilyak’ tenen, pia kanye moubuka ulamikce, Allah ati ilil ulamuk.

Rasul 9:35

Winibukura, Lida mutuku ap, Saron mutuku ap, ulamikak arye Eneas kwetebuk ning elilamika ati, sik elilamik nang arye, sik malye winilamik ning batakikce, nun ni Yesus ati dib tenebik.

Roma 14:18

Yata ninye do nirya, arup arye nyapmasin touk, winibikirye, Kristus el amu tam ubuka, elti, pil dolamunyopura, Allah arye anggunti kanye delinamsile. Tonda, yuk nang nirya arye anggunti, “Sik wininyak ning nirya ara, telebuka,” nyabuka, si erenamsiake. Ati ara, Allah El Dib Kanye melisilya deice arye, diksukum winina ap, yuk nang ap kanye deibuka namin asa arye dukdongobuka neika una ap, pin-pin kanye deibuka, melilana ap, anirya ara weik mambule nyapmasine.

Roma 8:30

Tonda, minop talak arye akunum wibuka deiamsuk ninye ati, ‘Na damak yalulume,’ nyabuka, nun talima pum tam yukupsuke. Allah arye yukupsuk ninye ara, nun malye winin ning kilipsukce, “Sikda diksukum un ninyeuk akunum keipsine,” nyabuka, teleb kipdeipsukba, el mapu kopropa unyabe. Diksukum teleb ninye akunum teleb kipdeipsuk nang ara, aminyan sirya talak pia teleb kipdeipsilyopura, weik arye erepdeipnamsile.

Roma 9:27

Ura, yuknye, Allah el yupu laka nyalamuknye, nabi Yesaya birye Israel ninye ati, ayupu sekamuk. ‘Laut mekwen kup-kup arye, keil wenenga pia weik uliba ninye arye wibuka, nukmanto kum ulamak touk, Israel ninye arye delilamikba, dadeipdanin yangalamik mapu ara, yupa weik unyak bukni, aninye noutamak, Allah arye ninye mitik tonunuk wibuka lyepnamle.

1 Korintus 1:18

“Weik kel yupu deice arye kum peterenune,” nyapmasina ara, deiyok ton nyapnusine. Ara, dib kum tenebikceura, Allah arye oplopnamle ninye ati ara, “Kristus wanwanun yo deice dipsuka deice arye lyepsuke,” nyabuka peterebibibuk, kekebikirye, ‘Ayupu ara, nong kum ulule. Ayupu ara, walwal arye, lup nang nyalamak touk nyanyake,’ tenepsikirye, akutusinyake. Bukni, nun kele. Diba tenebibibuk, Allah arye, lyesulul ninye ati ara, Kristus el yupu ara, mikip weik ulule. Ayupu kekebuka dib tenebibya deice arye, Allah mikip weik arye pil dosulule.