Rasul 2:29 - Eipomek

²⁹ Nyabuk akarye tuba tonap ayupu nyabuk. Na kayapu. Na teniltona kumce, dipkoprop laka anyanusine. Nun apu weiknye Daud, el deiamukba, el nong weiamik. Sikce Daud wiamikak dam aupmale.

Rasul 2:29 ပူးပေါင်းရင်းမြစ်များ

1 Raja-Raja 2:10

Raja Daud birye ayupu akunum nyabukce, daulamuka ani, aminyan talak dibukba, Daud el taleamuk mutuku, Yerusalem mutuku uk bobinuka, tuku palibikce, el nong weibik.

Nehemia 3:16

Salum birye, akeil poka dopnin balamuka ani, sukdongamukak ara, asukumuk Asbuk el mi Nehemia, Bet-Zur mutuku bokuka taleamuknye birye, acang keil poka dukdongobuka dopnin balamuka ani, Daud ap, el mapu ap, dipnopura, weilamikak binuka, dobuka dakdongobuk. Winibukopura, elcuk dukdongobuka dopnin balamuka ani, ninye arye palyamikba deiamuk mekwen dam ton dobuk. Tonda, ninye deiyoknye Daud Raja ulamuk talak arye, sik yin talin nang, ilil tenena kum nang ati, sik si erena ati, aik domik dam ara, keil poka dopnin balamika ani, asukumuk binuka deibik.

Rasul 13:36

Daud ulamuk talak Allah arye, ‘Daud apil donamle,’ tenyamuk pil dolamuka ani, sirya akunum dobukce, dibukopura, el apu yapu weilamik akuk weibikura, el boluk lyubuk.

Rasul 2:28

Pia kam una ati, “Abisik binalam ning ara, anye,” nyabuka laka nyapnulume. An dam unibuk, kanye deilin ning weika arye arenamnilame.’ (Mazmur 16:8-11) “Daud sekamuk yupu ara akunum nyapsine,” Peterus arye nyabuk.

Rasul 22:5

Winilamse ning nirya ara, Allah arena deiyok nang, sik deiyoknye ap, Yahudi yala nang, sik yupu lipsisikuka delina deiyok nang ap arye, sik babye, nyapsitinge. Aninguk kume. Tonda, anang aryuk, Damsyik mutuku unyak nang, nun Yahudi yala nang, ‘Nun kayapu nang arye melipnamniake. Melibicopura, elce Yesus yupu dib tenena nang tapu koupnamle’ tenen, surat dobuka arepnike. Aripnikura, dopropsirye, ‘Yesus ati diba tenebuka, el bisik balamik nang tapu koupnirye, Yerusalem mutuku tamubuka boyanyopura, sik wenebikirye opnamak’ tenen, Damsyik mutuku dolbanmasi.

Rasul 26:26

“Nun ni Raja Ageripa ara, ayupu nirya el akunum kel kiyamuka ati, narye elti, talye tilila kum nyaptinye. Na dipkoprop kele. Aulamuk ning nirya kum duknubuka ati ara, anirya ulamuka ani, el walwal arye kum elilamuka kume. Anirya el elilamuka ati, el akunum kele kiayamuke.

Ibrani 7:4

Ura, anggun ton teneipdelulume. Melkisedek bira weik mambulnye ulamuk. Weik mambulnye ulamukba, nun apu Abraham arye, yuk mutuku deiyok nang obukabukce, sik bona ning weik dalubuka bopdakayayuk ning noutamak bokukabukce, Melkisedek el kina ati, yupa weik sepuluh persen (10%) aribuk.