Rasul 19:40 - Eipomek

⁴⁰ Bukni, asum wininmap ning ati, yuk nang arye dobuka nun deiyok nang dam nyalbisitingopura, sik kekebikirye, “Sikce yupu talipdakirye, nun deiyok nang kanye walwal kipliba winilamap ning sik anang arye yanipmasiake,” nyapnamsitinge. Nyapsitingopura, ayupu nyapdanmabce kwepdanmap ning ap, walwal kanye bopmap ning ap, “Nunda adeiyok ati yupu talipmabe,” kum nyaptibye. Deiyok kum upmasilabuk wininmaba atia,” amutuku Sekretarisnye nyabuk. Ayupu nyabuknye bira, ara, amutuku deiyok nang nyalamik yupu kekepnarye, sekuka laka nyalamuknye birye, anyaik bulubuka wekmek nang nirya ati nyabuk.

Rasul 19:40 ပူးပေါင်းရင်းမြစ်များ

1 Raja-Raja 1:41

Sik anang nirya awininmek talak ara, yuknye el si Adonia, ‘Na ninye deiyoknye unamne,’ tenelamukce, ‘Ereipniting’ tenen, el ap, el kwit capu nang nirya ap, weik kwalina yubuka deipmekce dinmek talak ara, asum weik arye nyanmek nang arye, Raja Salomo telebe nyana ati, weik arye nyanmekba, Adonia ap, el kayapu ap kekebik. Pong-pong an ning, el si terompet kekenmekba, tonoknye el si Yoab birye asipdeyuk. “Otam weik asik noutam ara, weik lelim nyanmaka ara, yata deiyok ati do?” nyabuka asipdeyuk.

Matius 26:5

“Kum de, nun Kaplina ati Kwalina talak noutamak arye kum opnuyabe. Ninye pia weike amutuku wekmeka ati, Yesus obibyopura, aninye weik yu upliba derepsicak ati, daupmalibuk,” ‘Aminyan talak arye Yesus optibye’ tenen, nyabik. Nyabik bukni, atalak ara Yesus kum obik.

Lukas 1:1

Allah arye, ‘Aminyan talak winipnamuk ning ani,’ nyamuk ning ara, wini talak nun kan-kan Allah arye, pil weik dolamuka ani, sirya dakuk ning ara, sik ninye weik elilamikce, aning nirya laka nyana ati, yupu sekdeibikura, laka nyanyake.

Rasul 19:39

Tonda, anggun babye, yupu ton upsilyeura, nun deiyok nang arye, “Yupu talipnuyabe,” nyabice talakuk, anggun ap, anang ap, yupu talibuka lipsisiknamlume. Anyak kume, tonda yuk talak ton kume, sik yupu bokolin talakuk nyapnamlume. Wini talak ara, kume.

Rasul 19:41

Anirya akunum nyabukopura, abulubuka wekmek nang nirya ati, “Winira akunuma. Anggun yuk-yuk talye-talye balolulume,” nyabukura, anyaik batakuka bindobik.

Rasul 20:1

Efesus mutuku ninye arye Yesus yupu ati, yu ubukura, yupu waldana ap, malye-malye una ap, awininmek ning nirya akunum winibikce, tunim abikopura, Paulus arye Efesus mutuku ninye Yesus winilamuk ning piribuka kel kiyamikce, dib tenebik ninye, yukubuk. Yukubukura, yayikbuk sik talima kwa dina ati yupu nyapdeibukce, “Telebe na bine. Anggun daulamlulume,” nyabuka, amutuku batakuka Makedonia mutuku biyuk.

Rasul 21:31

Anang arye, Paulus tuba olinmek talakuk, yuk nang arye, Roma yin talin nang sik deiyoknye ati nyabik. “Yerusalem mutuku unyak nang ara, ‘Paulus opnamap’ tenen, yu weik upmal ati kwelanmake,” nyabuka laka nyabikura, kekebuk.

Rasul 21:38

Min arye Mesir mutukunye, ‘Amutuku talilyanganyak nang obuka bisipnamap’ tenen, ninye on nang yupa weik 4 ribu nang bulubukaplumce, buru mutuku bobilumnye bira, an do? Yuknye do?” nyabuka asipdeyuk.

Rasul 24:22

Paulus nyabukura, Gubernur Feliks Yesus Bisik yupu ara, mitik weik akunum kel kiyamuknye, Paulus nyabuk yupu kekebukce, nyabuk. “Yin talin nang, sik weik deiyoknye Lisias yalibuk, yupu talibuka bokeipnirye, an yupu nyapdeipnamkine. Arup ara, yupu kekena ara, akunuma ati ara, anggunda bilulume,” Feliks arye nyabuk.