Rasul 17:19 - Eipomek

¹⁹ Ura, aminyan talak, sik Epikuros tam nang ap, Setoa tam nang ap arye, amutuku yupu bokolin nang atonun, Arepagus nyalamik nang ara, ‘Yupu talipnamap’ tenen, wekmekak Paulus dobuka, sik neika biyik. Bobiyikura, Epikuros nang ap, Setoa tam nang ap arye, Paulus ati nyabik. “Anda winiryuk yupu nyapmasilama ara, ‘Nun bita moubuka kekeptibye’ tenen, ayupu tonap laka nyapsilyame,” nyabik.

Rasul 17:19 ပူးပေါင်းရင်းမြစ်များ

Yesaya 21:12

Nyabuka asipnukba, narye tamubuka, el anye biti nyapse. “Berekna ara yanul, bukni aminyan talak ara lukunyan babye tamubuka yanamale. Aning ati, aminyan talak, ‘Ton ap asipdenune,’ tenepminyeura, tamubuka yan asilyanamsilyame,” nyapse.

Matius 10:18

Nati, diba tenepnulumce, na yupu peterelbinamluma ati, yuk nang arye, anggunti tapu koupsikirye, ‘Nun mutuku talibuka deiyok usinyak nang arye, Yesus el mapu opnamak’ tenen, weik ninye deiyok nang, Gubernur nang ap, sisinanye weik ninye deiyok nang, Raja nang ap, sik dam bobinamsiyake. Bobisikceba, anang ap ara, ton yuk Yahudi yala kum nang ap, ‘Sik kekenamak’ tenen, na si deice arye pil domunye ning nirya ara, laka kibuka laka nyapnamlulume.

Markus 1:27

Yesus arye winibukopura, abulubuka wekmek nang nirya arye, ngalukuka malye nyanmekce asildanmek. “Se, awinipmasil ning ara, yata ning do? Yuk nang arye nunti peterelamsik yupu atonun kume. Elce weik mikip ap, weik kel ap, arye peterenmasile. Isa mer ababye, Yesus arye ‘Winiplulume, winiplulume,’ nyaplye ninguk kekebuka banyake,” nyanmek.

Yohanes 13:34

Wini talak ara, ‘Wininamlum,’ tenen, winiryuk yupu ton nyapdeipnusine. Ayupu ara ani. Anggun nirya arye bico tenelamunce, melilanauk pia wininamlulume. Narye anggunti, bico tenebuka melilamsise touk, anggun babye atonun, bico tenebuka melilanauk unamlulume.

Rasul 17:20

“Anyanmalamto yupu ara, minop arye kum kekenyap yupu, pia yuk yupu nyanmasilame. Ayupu ara, yata winipnamabe ati, nyanmasilam do? Nun kekepdenamaba ati laka nyapsilyame,” nyabik.

Rasul 17:22

Anang arye Paulus ati, “Lak nyapsilyame,” nyabik ati, Paulus arye Arepagus nang bulubuka wekmek noutamak tikukce ayupu nyabuk.

Rasul 17:34

Anang ulamik noutamak arye ninye tonok-tonok Paulus nyanmok yupu kekebuka diba tenebikce, el tam kipdobikura, Yesus diba tenebikce Paulus ap, neika balamik. Adiba tenebik nang ulamika noutamakarye, kil tonok el si ara, Damaris ap, tonoknye, el si ara, Dionisius ap, diba teneprik. Dionisius ara, Arepagus nyalamik nang ara, eluk ara, Arepagus ulamuk. Sik, akil ap, anye ap, ton yuk ninye mitik weiktonun, dib tenebik.

Rasul 23:19

Nyabukura, ayin talin nang, sik weik deiyoknye birye, akamnye taruk talipdanuka yukak delilbiyukce “An tenepmalam yupu dan do? Ayupu nyapnulyame,” nyabuka asipdeyuk.

Rasul 24:24

Gubernur Feliks nyabukce yukak biyukura, daulamuka ani, atalak akunum ubukopura, el ap, el kil, Yahudi yala kil, el si ara, Derusila ap, neika tamubuka Kaisarea mutuku yarik. Yarikura, Feliks arye yuk nang ati, “Paulus dobuka boyalulume,” nyapdeibukura, sik kekebuka dobuka yayikura, Paulus akunum yayukopura, Paulus arye, Yesus Kristus, diba tenebuka talina yupu Pileks ati laka nyanmokura, Feliks arye ayupu kekenmok.

Rasul 25:22

Festus nyabukura, Raja Agripa arye Festus ati nyabuk. “Na patapmanila ara, na babye anye yupu kekepnaman tenepmane,” nyabuk. Agripa arye nyabukura, Festus tamubuka, “Ambusum el nyalye yupu kekepnamalame,” nyabuk.

Rasul 26:1

Festus el yupu akunum nyabukura, Raja Ageripa arye Paulus ati nyabuk. “Winira, ance, an binalam ati melina ati ara, yupu nyapsiminyeura, kekepnuyabe,” nyabuk. Nyabukura, Paulus arye, ‘Na aryuk yupu sekdanirye, sik yupu deice bisipnamne,’ tenebukce, el taruk moup deibuk akarye, ayupu nyabuk.