Rasul 16:36 - Eipomek

³⁶ Nyabika ati, awenena aik kalikna deiyoknye birye Paulus ati nyabuk. “Anango, anyaik domika deiyok nang arye ‘Abitinye nang lopdeiplulume’ nyapmaniaka ati, anggun talye dabindoprurume. Talye kanye deibuka tunim abuka binamarurume,” nyabuk.

Rasul 16:36 ပူးပေါင်းရင်းမြစ်များ

2 Raja-Raja 5:19

Nyabukura, Elisa birye, “Telebe ati ara, mangkau kanye bobuka dabinulyame,” nyabukura, Naaman adiparyuk biyuk.

Keluaran 4:18

Musa tamubuka, el yamal koproba Yitero dam biyukce nyabuk. “Wini talak ance nati, “Telebe,” nyapniminba, ‘Na asik nang tuba unyak do?’ tenen, Mesir mutuku dilbinamne,” nyabukba, “Yo, telebe, adiparyuk dabilyame. ‘Danirya teleb kipnamkil’ tenen, Allah moronamkine,” nyabuk.

Markus 5:34

Akil arye aning nirya laka nyabukura, Yesus arye tamubuka akil ati nyabuk. “Na ka kilo, an diba tenepmanilama deice arye akunum kwetepmakine. An kanye imun wamkuk ning, akunum kwetepmakine ati, kanye deibuka telebuk binamlyame,” nyabuk.

Yohanes 14:27

Nyabukce, ayupu ton nyabuk. “Ikin kanye bona kumce, kanye deibuka yuk nang ap neika teleb una ati, deiyok ning aresunune. Sik diba tenena kum, talye tukwak ninye arye, yuk nang ati, tenebuka arye arenyak touk, kum aresunune. Ikin kanye bona kumce, teleb kanye bobuka, teleb una deiyok ning aresunun ning ara, na ninguk aresunune. Aning ati ara, anggunce, ‘Se,’ tenen, ikin kanye bona ap, ilil una ap, ikin kanye bobuka bouku sukuna ap, aning nirya kum unamlulume. Ilil asa kum aniryuk, kanye deibuka telebuk unamlulume.” Yesus arye nyabuk.

Rasul 15:33

Amutuku uk mitik weik tonun tonap, ulamika ani, ‘Anang sik bokolina deiyok nang dam tamubuka binamak’ tenen, amutuku dib tenebuka, sik du weit atonun ulamik nang arye, teleb yupu nyapdeibikce, “Telebe, dabilulume,” nyabuka, ayupu laka nyalyanamik nang tamubuka bokeibik.

Rasul 16:23

Anang arye, sik nong deice weika kama arye kulabuka obik akarye, abitinye nang dobuka, wenena aik dongobik. Dongobik anye, amutuku deiyok nang arye, awenena aik kalikna deiyoknye ak nyabik. “Anda abitinye nang ati, pia moubuka kaliknulyame,” nyabik.

Rasul 16:27

Anirya winibukopura, awenena aik kalikna deiyoknye bukrobukce, anyaik pum bisik buplan nirya talye kukultaknauk upmokbuk eibukopura, ‘Anyaik wenena ati dongamik, nang nirya akunum bindopmake,’ tenebuka ati, el parang ya atonun ning dobukce, ‘Na badamnye opdanun’ tenen, kintinipdayuk.

Rasul 16:35

Berekukopura, anyaik domika deiyok nang arye, ‘Awenena aik kalikna deiyoknye dam yupu nyalbinuyak’ tenen, sik melin nang ak yupu nyapdeibikura, laka nyalbiyik. “Anggun yupu nyalbilulume. ‘Abitinye nang lobuka bataklulume,’ nyapnululume,” nyabik.

Hakim-Hakim 18:6

Nyabuka morobikura, aimamnye birye tamubuka nyabuk. “Yo ura, telebe. Anggunda, ‘Se,’ tenena pia kume. Allah Yahweh arye, anggun banamlum ning ati, pia kalikuka dinamsile. Elcuk melisiliba, telebuk unamlume,” nyabuk.

1 Samuel 1:17

Nyabuka moronmokba, Eli kekebukce, nyabuk. “Akilo, telebe. ‘Kanye deibuka, an aik koprop tamubuka binulyame’ tenen, Allah moropnukine. Tonda, ‘Israel ninye ati, kalikuka, pia melilul Allah arye, an morolyam yupu kekepkilirye, an tenepmalam touk eripnamkil’ tenen, moropnukine,” Eli birye nyabuk.

1 Samuel 20:42

Winibuka aning akunum mutupdarikce, engepdarikopura, Yonatan birye, Daud biti nyabuk. “Telebe, wini talak teleb kanye bobuka, dabinalyame. An ap, na ap, nun ni koproba Allah, el si Yahweh si deice arye, akunum nyalin yupu nyapdanume. Ara, ‘Nun teleb kanye deipdanimirye, pia kanye talima dukdongobuka, teleb ubuka neika unaname,’ nyapnumue. Tonda, Yahweh kekepsilirye, pia dinamsila anya arye, nun nyapdanumu yupu ara el kele. An ap, na ap, tonda ance deipminba, deipdanin banamak ninye babye, na yala ninye babye, Allah arye, ‘Sik nyapdarik yupu ara, tuba wininamak do?’ tenen, pia dinamsile. Elce melipsiliba, aning tuba unaname,” Yonatan birye, nyabuk. Nyabukopura, Daud adiparyuk yuk mutuku bindobuk bukni, Yonatan bira, tuba tamubuka asik biyuk.

1 Samuel 25:35

Daud ayupu nirya, akunum nyabukopura, Abigail boyanmok ning, binuka doprobuk. Akunum doprobukopura, Daud birye tamubuka, Abigail biti nyabuk. “Ance na dam yanuka, nyapmanilam ning ara, ‘Daud birye wiripnamnil do, kum do?’ tenen, an ilil kanye bona meme. Ance moropmanilam ning ara, dipkoprob winipnamkin ati ara, teleb kanye deibuka, ur an asik tamubuka dabilyame,” nyabuk.

1 Samuel 29:7

Ati ara, anda adiparyuk, teleb kanye bopmince, an mutuku tamubuka, binulyame. Tonda, Pilistin mutuku arye, talibuka unyak nang, sik dinmak noutam arye, banumunye talak ara, ance malye ton winipminba, malye-malye nyapsikcak ati, ‘Teleb aryuk binulyamʼ tenen, nyapkine,” nyabuk.