Rasul 15:34 - Eipomek

³⁴ Bukni, Silas arye, ‘Asukumuk unamne,’ tenebukce amutuku uk mitik ton ulamuk.

Rasul 15:34 ပူးပေါင်းရင်းမြစ်များ

Rasul 11:25

Ura, aminyan talak, Barnabas arye, ‘Saulus elbinamne’ tenen, amutuku batakuka Tarsus mutuku biyuk. Tarsus biyukopura, pia dipdepnin banmoka ani, Saulus eibuk.

Rasul 15:33

Amutuku uk mitik weik tonun tonap, ulamika ani, ‘Anang sik bokolina deiyok nang dam tamubuka binamak’ tenen, amutuku dib tenebuka, sik du weit atonun ulamik nang arye, teleb yupu nyapdeibikce, “Telebe, dabilulume,” nyabuka, ayupu laka nyalyanamik nang tamubuka bokeibik.

Rasul 15:35

Tonda, Paulus ap, Barnabas ap, Antiokia mutuku asukumuk weik tonun ton ulamdika ani, sik ap, ninye weik tonap arye, Yesus yupu laka nyana ap, peterena ap, ulamik.

Rasul 18:27

Ara, aminyan talak, Apolos arye, ‘Na Akaya mutuku binaman’ tenen, patanmokura, Efesus mutuku dib tenebik nang arye, “E ara, merekuka,” nyabikce, el talima mupdeibike. Winibikce, ‘Akaya mutuku dib tenebik nang arye, Apolos ara, sik mutuku bilyeura, kanye deibuka kipnamak’ tenen, surat sekuka dopkwetebik. Apolos Akaya mutuku biyukopura, Allah arye, Akaya mutuku ninye bico tenyamuk ati, talye melyamuka deice arye, amutuku nang arye dib tenebuka ulamik. Adip tenelamik ninye ati, Apolos el peterelamuk yupu deice arye, anang ati weike melilamuk.

1 Korintus 16:12

Winira, nun kwit Apolos biti nyapnusine. ‘El ap, sik yuk nang, dib tenebik nang ap, sik Korintus mutuku neika biting’ tenen, na mikip arye, el Apolos biti nyapse bukni, wini talak ati ara, elce, “Kume, na wini talak kum benamne,” nyapnuke. Ati, aminyan lo uplye talakuk, elce anggun dam yanamsile.