Rasul 13:35 - Eipomek

³⁵ Tonda yukak sekamik yupu ara, ani. ‘Ance wibuka deiamlum ak, pia diksukumuk unamlanye, an mi kopropa aminyan talak diplyopura, pia kum lyupnamle.’ (Mazmur 6:10) Ayupu nyabuk deiyok ara, Daud ati kume. Ara, Yesus ati nyabuk.

Rasul 13:35 ပူးပေါင်းရင်းမြစ်များ

Mazmur 16:10

Aning ara, urdem ati kum nyapne. Na dipnya babye, Allah ance kum bataknamnilame. Winipnimince, ance wibuka deipnulumnye, pia diksukum winibuka telebuk wininunye bira, dipnyopura, tuku pum tam weipnica babye, nong ara, kum lyupnamnile. Kam bukeipnamnilama ati nyapne.

Mazmur 49:9

Aning-aning nirya areptinga babye, ninye kam una deiyok ning ara, kum winipmanto ninge. Ninye, sik kam una deiyok ning ara, kum winipmanto ning ulule.

Mazmur 89:48

Na ni Allah, na moropkin ning ara, na kam una ati ouku ara, lo weik kum upnile. Tonda, Allah ance kwepdeipsulumba, unyap kili sal nirya ara, mikip kum ninye uk unyabe. Nun kam unyap talak nirya ara, ‘Aning ara mambule, winibuka wininamabe,’ tenena kumce, talye kanye bobuka unyabe.

Lukas 2:26

Minop talak Allah El Dib Kanye arye Simeon ati nyalamuk. “An min kum dipmamenye talak, ‘Ninye nirya lyeplirye, sik talima talinamle’ tenen, Allah arye dopkwetepnamlanye Kristus bira, an asing arye eipnamlame,” nyamuk.

Yohanes 3:36

Yata nang do nirya, Allah el Mi Koprop ati, diba tenebicopura, Allah arye kam una deiyok ning ariliba, pia kam unamake. Bukni, Allah el Mi Koprop ati, ‘Nun like’ tenen, batakice ninye nirya ara, Allah arye aninye ati, yu kiplirye, weik arye wenebuka opnamle ati, kam un ning kum dopdopnamake. Sik dibikibuk, tuba tamubuka tonap, kam pia kum unamake. Allah arye aninye wenena ati, el yu sik deice tuba delinamle. Yohanes arye ayupu nirya nyabuk.

Yohanes 8:51

Tonda ayupu dipkopropuk nyapsine. Yata ninye do nirya, na nyasinye yupu diba tenebikirye, pia talibuka dobolbanyak ninye nirya ara, sik nong dibikce babye, pia kamuk unamake,” Yesus arye nyabuk.

Ibrani 11:5

Ura, Henok ara, pia teleb kibuka, diksukumuk ulamukba, Allah arye elti, “Henok bira, pia telebuk ulula anya arye, elti, na kanye deipne,” nyabuk. Allah arye Henok biti nyabuk ning ati ara, Henok kum dibuk. Min kum dibuk bukni, tuba kamuk ulamuk talak danoutam ara, Allah arye Henok dobuka, im deice bobiyuk. Allah arye Henok dobuka bobiyuka ati, akunum tunim abukba, atalak ulamik ninye arye, ‘Elda dan do, el nong eiptibye’ tenen, eibreyik bukni, kum eibik. Allah arye Henok dobuka, im deice bobiyuk deiyok ara, Henok weik arye diba tenelamuka deice aryuk, Allah arye elti, kamuk dobuka, im deice bobiyuk.