Winibukopura, Allah el si Yahweh arye, Abram biti nyabuk. Ance deipminyeba, dadeipdanin banamak mapu ara, sik mutuku koproba kum unamak bukni, yuk mutuku nang, mikip arye doprobikirye, tapu koubuka, sik nong deice ikin pil weik delinamake. Ance deipminyeba, dadeipdanin banamak mapu bukni, amutuku noutam ara, ninye asik nang atonun ubikiba, keting tamun yupa weik 400 tahun arye, ikin asa weik unamake.
Rasul 12:11 - Eipomek11 Min Peterus walwal upmokbuk, Allah el im deice yupu lak lenanye tunim abukura, ‘E, dipkoprop buru tam bine,’ tenebuk. Ton tenebukce. ‘Winira na kele, Allah arye el im deice melinanye, im deice arye malaikat dopkwetepmanilba, Gubernur Herodes arye ‘Winipnamane,’ tenepmanu ning ap, tonda, ‘Sik Yahudi nang arye nati, winipnamabe,’ tenepnik ning ap, ambusum winipnamanungu bukni, arup akunum lyepnila ati, kum winipnamaniake,’ tenebuk. အခန်းကိုကြည့်ပါ။ |
Rasul 12:11
27 ပူးပေါင်းရင်းမြစ်များ
Eibukce, aminyan ara, Abimelek birye Isak biti, “Na dam yalyame,” nyabuka yukubukba, el dam yayukopura, ayupu nyabuka wenebuk. “Akil Ribka bira, an kil koproba bukni, anda yata deiyok ati, ‘Akil ara na makal kil binya,’ nyalyamce, kunusa dosilyam do?” nyabuka wenebuk. Wenebukba, Isak birye tamubuka nyabuk. “Kume, na tenenya ara, ‘Amutuku nang arye, akil doproptibye,’ tenebikirye, ‘Na nong opnicak’ tenen, ayupu nyanune,” Isak birye nyabuk.
Allah el si Yahweh arye, Raja Daud biti, akunum lyebukopura, Daud kanye delin mot senmok. Aning ara, urdem ati kume, ‘Daud optinye’ tenen, el oldan nang nirya ap, Saul ap arye, Daud dobolamikce, opterelamik bukni, Allah arye meliamukba, kum omika ati, Raja Daud birye, ayupu mot deice arye sebukce, Allah el si erebuk.
Ance amal olan nang obuka, sirya daklum ning ara, talye dem kume. Allah Yahweh arye tukwak mutuku noutam mutuku sirya im sirya nirya unyak nang ati, pia moubuka dilirye, el weik mikip dobuka, elti, teilintona kumce, pia pi dobuka, diba tenebuka unyak nang, sik deice uk ninye ona deiyok ning delilule. Anda, ‘Aning ara pia teleb ning,’ tenena kumce, walwal un ning ap, malye un ning ap, uminya ati ara, an dam ara, wini talak arye dipdongobuka, dounalam talak nirya ara, mal olan ning, an deice uk upnamkile. Yuk mutuku nang ap pia olana uk unamlume. Allah el yupu laka nyananye, nabi Hanani birye, Raja Asa biti nyabuk.
Sik minop danirye melibuka, na aik pil dolamnik ninye ara, na aik delinun din ning ara, sik dobuka, talye dilamika anya arye, sik din ton, kum patalamuk. Bukni, na pil melin nang do, yuk asik nang do, din patalamuk talak ara, na din ning awamnutu bukni, eibuka bikmatiniryuk, bataklamtinyopura, aning ati Allah arye, wenebuka opnutue. Bukni, aning babye, kum winilamse.
An Allah ati, ‘Telebe,’ nyanamkine deiyok ara, ani. Ara, anda Allah Yahweh arye, aning-aning talina kumce, pia talye kankan nang ara, anggun diksukum tam tikmunce, melinauk winiluluma atia. Anda Allah arye, sik kankan nang dam tikmince, melilyama deiyok ara, ani. Ara, yuk yu nang arye, atalye kankan nang ati, ‘Adiparyuk, talye minin yupu nyabibyak arye, ninye yupu bokeipminyeura, anang ati, talye luba kibuka oplopnamake,’ tenebikirye, kintinipnamake. Winipnamaka ati, anda Allah arye, akankan nang ati, melilyame. Ati ara, na Daud birye, an Allah ati, “Pia telebe,” nyabuka, an siuk erekunune.
Nun mikip deice arye kum lyepdatibye bukni, dipkoproba Allah ati, ilil tenebikirye, ‘Elda weik mambule. El amu tamuk unamabe’ tenen, el tibuk talibuka unyak ninye ara, Allah Yahweh elce elilulce, melibuka lyelolule. Tonda, anggun aninye ara, ‘Allah Yahweh arye, kum bataknamsile. Elda, bico tenesilirye, pia melibuka lyelonamsil’ tenen, el tibuk kintinibuka dinauk unyak ninye ara, Allah arye, pia melibuka kalikilule.
Tonda yu kanye bobuka, pia malye winin ninguk talibuka, wininyak ninye ara, sikce amalye ninguk wininyaka deice arye, sik bidamnyeuk olanamake. Sik bidamnye, malye wininyaka deice arye dipnamake. Tonda, Allah ati dib tenebikirye, diksukumuk wininyak ninye ara, yuk nang arye sikti, wilibuka deibikirye, ‘Aninye nun like ati ara, olbinuyabe,’ tenebuka, unyak ninye nirya ara, Allah arye, sik aninye ati, wenebuka oplopnamlarya.
Aning-aning talina kumce, pia bona uto-toa talina kum nang ati, bico tenebikirye, melinyak nang ara, pia telebuk ukirye, kanye deibuka unamake. Talye bona uto-toa talina kum nang ati, bico tenebuka melinyak nang ara, sik babye ikin uplye talak ara, nun ni Allah Yahweh arye, anang ati melibuka lyepnamle!
Ati ara, yata nang do nirya, sikce, Allah Yahweh ati, ‘Nun ni koproba ani’ tenen, diba tenebuka, elti, kanye deipmunce, bico tenelulum nang nirya ara, anggun nirya arye, malye un ning nirya ati, anggunce, ‘Nun like’ tenenamlume. Allah el tibuk, anggun kanye talima, el deiceuk delinamlume. Allah arye, ‘Naʼ tenen nang, ‘Winibuka wininamak’ tenen, akunum wipdeiamsuk nang ati, “Aning ara, wininamlume. Aning ara, pia kum wininamlume. Winipmunyopura, narye anggunti, pia teleb kilinamsine,” nyapdeiamsuk yupu, moubuka talinyak nang ara, Allah arye, pia melibuka kalikisulule. Winilula ati, anggun mal olan nang ap, sik pia malye ning talibuka, wininyak nang ap ati, obuka sirya daklyopura, el ‘Naʼ tenen nang anggunti dobuka, teleb kipdeipnamsile.
Nyabikba, ninye deiyoknye birye, “Winilye nanguk dongopmabe,” nyapmalum bukni, “Weik uku buk dinmala noutamak ara, dinmanabuk, ninye dumbarye banmakak eipmane. Adumbarye nang nirya ara, sik tapu koubuka dongopmapu ning ara, kum danmale. Tonda, sik nong bol deice ara, uku dila babye, ton pia kum upmale. Dumbarye ning ara, minop kwemdina ning atonun bukni, el urasin ara, malaikat atonun unmalak eipmane,” nyabuk.
Winibukopura, Raja Nebukadnesar birye nyabuk. “Sadrak ap, Mesak ap, Abednego ap, sikce si erenyak Allah ati, ‘Telebe,’ nyabuka, si erepne. Sikce si erenyak Allah arye, el malaikat dopkwetepmalba, el pil don nang Sadrak ap, Mesak ap, Abednego ap lyepmala ati bikne. Sikda na nyapse yupu yanipnikce, sik tenepmeka ara, ‘Nun opsitinga babye, teleb uka. Ara, nun si erenyap Allah arye lyepnamsila atia,’ tenebik. Utenebika ati, na yupu yanibuka, sik Allah ati, diba tenebik.
Daniel birye, ayupu ton nyabuk. “Na si erenun Allah arye, el im deice pil don nang, malaikat dopdeipmanilba, yu singa kuse nirya sik si yanuka, lipdongobuka talipmanguba, sikce na nong kum dipmaniake. Na telebuk unmane. Aning ara, na si erenun Allah ara, el kele. Ara, malye un ning, el dam ton kum wininune. Tonda, na deiyoknye an dam ton, malye kum wininune. Ati, Allah arye lyepdopmanile,” nyabuk.
Peterus ap, sik neika mapmarik yin nang ap, mapmekbuk, Allah el im deice yupu lak lenanye, malaikat, talye karin arye awenena aik pum bisik kutukuka tikilyayukura, dirina weik ubuk. Allah el im deice yupu lak lenanye birye, Peterus el nong yanuka bolpipdongobukce bukibuk. Bukibukce Peterus ati nyabuk. “Minpola buklyame,” nyabukura, Peterus taruk nakup ak kawat rantai tapu kirikdongopmeka lopsakuk.
Apia ulamdika ani, keting tamun bitinye akunum kibukopura, Feliks el pununa ati, yuknye el si ara, Perkius Festus, wipdeibik. Winibikura, Feliks arye, Yahudi yala nang yukuna ati, tonda sikce, ‘El telebnye, tenepnamniak,’ tenebukce, Feliks arye Paulus wenena aik adeiamuk touk batakukura, pia anyaikuk ulamuk.
Paulus nyabukura, Festus ara, ‘Yahudi yala nang ati, melipnyeura, elda telebnye, tenepnamniak’ tenen, Paulus ati nyabuk. “Ura an dan do? An ap, Yerusalem mutuku bipyopura, anang arye, ‘Paulus el malye winibuk ning ara, asukum,’ nyapkikceura, yuk yupu bokolin deiyok nang ton kekebikceura, narye yupu bokeipnamkin do? Kum do?” nyabuka asipdeyuk.
Anggun ton teneipdelulume. Allah el im deice pil don nang malaikat nirya ara, im deice ning, dib kanye atonun nang unyakba, Allah arye sik malaikat ati, ‘Kume, ninye tukwak ninye lyepneba, ninye lyen ning nirya dolonamak ninye ati, sik melipnamlyame. Tukwak ninye, lyepnamne ninye ara, sik melina ati, ‘Pil melibuka donamlum’ tenen, anggun malaikat dolkwetesunune.’ Allah arye untenyamukce, sik malaikat ati nyabuk. Malaikat ara, Allah arye lyelul ninye sik melina ati, dolkwetelula anya arye, sik malaikat ara, mitik mambul unyak bukni, Allah el Mi Kopropa ara, eluk weik mambul ulule, nyapsine.
Ura, arup anyapmasin ning nirya ara, Allah aning nirya ubuka deice arye, bitinye ning lakak upsiliba, diba tenebuka kele kiptume. Tonok ning ara, diksukum un nang, kanye imun ning ap, talima winin winildena ning ap upsile talak noutam, ikin kanye bobikcopura, Allah arye aninye, sik lyen ning ati ara, el kele. Bitinye ning ara, elti, diba kum tenebikirye, pia malye wininyak ninye ara, Allah arye sikti, atalak noutam babye wenelul bukni, sirya daknamle talak, ninye bokuka oplopnamle talak, aning ati ara, ‘Sirya talak arye, pia malye kibuka oplopnamne,’ tenelule. Bukni, wini talak ara, tia talak ati, anang sik weik wenena ning tenepce delina ara, el kele.
ကြော်ငြာတွေ