Rasul 10:47 - Eipomek

⁴⁷ Teniltonmek bukni, aminyan talak, Peterus arye nyabuk. “Yata nang arye, ‘Kume,’ nyapsitingura, anang dobuka mek kum dongoptibye do? Nunda Allah El Dib Kanye akunum doprobupu touk, sik anang babye, Yahudi yala kum nang bukni, Allah El Dib Kanye akunum dopropmaka ati, mek dongoptibye,” Peterus arye nyabuk.

Rasul 10:47 ပူးပေါင်းရင်းမြစ်များ

Rasul 10:44

Peterus arye ayupu tuba nyanmok talak ara, dib tenebikura, Allah El Dib Kanye arye ayupu kekenmek nang ati sik nong deice yayukce, sik talima noutam wekuk.

Rasul 2:4

Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Rasul 8:12

Winilamik bukni, Pilipus arye, ninye lyena yupu peterelamukba kekebuka doprobikce, dib tenebik ninye ara, sal ap, kilapu ap, mek dongolamuk. Pilipus arye peterelamuk yupu ara, Allah arye Yesus pil dopsuk deice, ninye lyepsilirye, talisulul yupu ap, Yesus Kristus si ap, peterelamuk.

Rasul 8:36

Apia peterepnin banmoka ani, bisik noutam mekwen deiyamukak birikopura, anye birye nyabuk. “Mekwen mening dam deibuka ati, adiparyuk mek dongopnutum do? Na talye ning ton aupmanil do? Kum do?” nyabuk.

Roma 10:12

Ayupu noutamak arye, “Yata ninye do nirya,” nyabuka ara, talye ati kum nyabuk. Kume, nun Yahudi yala ninye babye, sik Yahudi yala kum ninye babye atonun tenesulule. Nun Weik Deiyoknye Allah, elda tonoknye uka. Ninye mutuku-mutuku nirya atonun, ‘Elce melibuka lyelonamsil’ tenen, el siuk nyabuka, elti, moronyak ninye nirya ara, teleb kibuka weika arye melisulule.

Roma 4:11

Abraham diba tenebuka deice, Allah arye elti, akunum diksukum kibukba, daulamuka ani, aminyan talakuk, Abraham biti diksukum kipdeibuknye biti, yuk ninye ara, ‘Allah arye anye talilule, tenepnamak’ tenen, bikilin ning aribuk. Alaka kilin ning aribuk ning ara, Allah arye den bam bol mouse ning sekna pil aribukba, Abraham arye doprobuk. Aning ati ara, Abraham bira, nun deiyok kounanye, nun apu kopropa usulule. Ara, yata ninye do nirya, den bam bol mouse ning kum sekenyak bukni, ‘Allah arye diksukum ninye kipdeipnamsil’ tenen, diba tenenyak ninye nirya ara, sik apu kopropa Abraham ulule.