Rasul 10:29 - Eipomek

²⁹ Aning ati ara, ance dopdeipmalum nang, anang arye na aik yayikce ‘Yasilyame,’ nyapmanungu yupu ara, kum bisipmane. Kekepsirye talye mangkau arye anang melibuka yanmane. Ati ara, anggunda yata ati, ‘Ninye boyanamak’ tenen, wibuka dopkwetepmanulumbuk, na dam binuka boyanmaniak do? Yata deiyok ati, amutuku boyanmanulum do?” nyabuka, Peterus arye anang ati nimalya arye asipdeyuk.

Rasul 10:29 ပူးပေါင်းရင်းမြစ်များ

Mazmur 119:60

Narye wini talak aryuk, ayupu nirya bobuka banamne. ‘Wini talak kum bukni, aminyan yuk talak teleb wininamne,’ kum tenenamne. Ati ance, “Aning ara, wininalulume. Aning ara, pia kum wininamlulume,” nyapdeiamsulum yupu bobuka banamne. Ayupu batakuka, talye kanye bopmaniryuk, kum wininamne. Ayupu ara, pia ati talibuka wininamne.

Rasul 10:28

“Anggun dipkoprop kele. Nun Israel nang nun mem yupu deice arye yuk-yuk mutuku ninye, ara, Yahudi yala kum ninye ara, ‘Sik pia malye ninye,’ tenenyaba ati, neika una ap, uruna una ap kum unyabe. Winibuka unyaba anya arye, anda Kornelius Yunani yalanye ulyame ati ara, an aik min yanuka kum wektinye tenepse. Aning tenepse bukni, Allah arye winiryuk nyapdeipmanil yupu deice arye na kel kipse. Ara, yata yala nang do nirya, ‘Sik nininga atonun, malye unyake,’ kum nyaptinye.

Rasul 10:30

Asipdeyukura, Kornelius arye tamubuka nyabuk. “Kume. Or winilinye sum ato keting sintam deice arye Allah moropse. Moronmasi talak ara, minopce dirina weik cang baju ongamuknye, na donga tam tikilyayuk.

1 Peterus 3:15

Ilil kum unamsil bukni, anggun talima noutamak ara, ‘Yesus Kristus na Deiyoknye eluk unamnile’ tenen, wibuka kintinilinamlulume. Anggun kanye talima ara, Yesus deiceuk delinamlulume. Sik asilenamsiak nang nirya ati ara, ‘Allah arye lyepnamnil’ tenen, ‘El deice kanye delinuna ara, laka nyabuka deipnamne’ tenen, kintinilinamlulume. Yesus el lyen yupu laka nyanamlum bukni, yuk nang nirya ati, si erebuka, nimalye aryuk nyanamlulume.