Pilipi 4:13 - Eipomek

¹³ Yata winin ning do nirya, Kristus ap, kanye dukdongobuka unirye, el mikip arinilya deice arye, aning-aning nirya winiptinye.

Pilipi 4:13 ပူးပေါင်းရင်းမြစ်များ

Yesaya 41:10

Ati ara, narye nyapsise. Anggunda ilil una meme. Nara anggun dam unirye, pia melinamsine. Nara, anggun ni koproba Allah ununa ati, anggun kanye teniltona kum unamlume, Imun kanye bobuka kum unamlume. Nara anggun ni Allah unirye melinamsine. Na aryuk mikip arenamsine. Tonda nara, malye ning tonok ning babye ton kum ununye birye, na sirik taruk deice arye, pia talinamsine. Winibuka melipsinya deice arye, aning-aning nirya malye kum kipnamsine.

Yesaya 45:24

“Na si erebikirye, nyanamniake. ‘Teleb kibuka diksukum winina ap, pia mikip arye winina ap nirya ara, Allah Yahweh elcuk ulule.’ Na Allah ara winibuka ununa ati, nati yu tenebuka, malye yupu nyaninyak nang nirya ara, aminyan talak ara na Allah ati eibikirye, alye upliba ilil unamake.

Matius 14:29

Peterus arye nyabukba, Yesus tamubuka, “Telebe anda yalyame,” nyabuk. Nyabuk ati, Peterus ‘Yesus dam binun’ tenen, mek lia yo deice sakuka, mekwen deice yanibuka banmok.

Yohanes 15:7

Bukni, anggunce na batakana kumce, na ap talima dukdongobuka, nauk diba tenebuka, na yupu kekemunce, ayupu anggun kanye talima noutamak tuba uplyopura, yata ning do nirya, anggun patapsilye touk moropnumunyopura, kekepsinirye aninguk arenamsine.

Efesus 3:16

Na Paulus birye, anggunti, Allah morosunun ning ara, nyapnusine. Ara, ‘Nun ni Allah kopropa arye, aning-aning nirya talilulce, mambul weiknye ulye touk, el Dib Kanye arisiliba, melisilya deice arye, el mikip weik aresiliba, anggun kanye talima weik arye, melinamsile’ tenen, Allah morosunune.

Efesus 6:10

Winira na kayapu, asurat sirya dakna ati, yuk yupu ton nyapnusine. Anggun ap, nun Deiyoknye Yesus ap, talima dukdongobuka neiktoto unamlum talak noutamak arye, el mikip weik arisilya deice arye, lamapdongobuka mikip arye, unamlulume. Mikip unamlum ning ara, Allah el mikip deice aryuka.

Kolose 1:11

Tonda, Allah el weik mikip weik ulamle touk, elce anggun Kolose ninye ati, mikip weik arisilibuk, kanye imun ning weik upsilya babye, ‘Batakana pia kum arye, pia pi dobuka pil domunce, kanye teniltona kum arye, telebuk unamlume. Tonda, ikin upsilya babye, yuk nang ati, minpola arye yu uplibuk, pil kum batakanamlum bukni, nimalye aryuk unamak’ tenen, nunce anggunti Allah morosinyame.

1 Timotius 1:12

Nun Deiyoknye Yesus Kristus arye nati, ‘Na pil melinanye ulirye, batakna kum arye, pia sirya dakdongobuka, na pil donamnile,’ tenepnukak arye, wibuka deipnuke. Utenyamnuk ati, wipdeipnuk akarye, el mikip areamnuk ati ara, elti, “Naie, anda pia telebe,” nyanune.