Atalak noutam ara, Israel tam taleamuk deiyoknye Raja Hizkia, el nong deice torok moubukce, uk weik dilamuk arye, dipmanto ubuk. Dipmanto ubuk talak ara, Amos el mi nabi Yesaya arye, Hizkia dam yayukce, ayupu nyabuk, “Allah Yahweh arye, anda ninye deiyoknye Raja biti, nyapkile. ‘An pil dopmanto ning nirya ara, adiparyuk dobuka sirya daknule. Aning-aning nirya lelebuka deipnamlume. Deiyok ara, an uk dikulul ning ara, ton kum danamkile. Tonda, anda sik kum upnalame. Adiparyuk dipnalame,’ nyapdeipmakile,” nabi Yesaya birye, yanuka laka nyabuk.
Pilipi 2:27 - Eipomek27 Yuk nang arye, “Epafroditus uk weik dinmale,” nyabik yupu ara, talye yupu kume. Dipkoprop, uk weik dilamukbuk, dipmanto ulamuk bukni, Allah arye elti, bico tenebukce, melibuka kwetebuk. Tonda na kanye ara, Allah arye, ‘Na mi Paulus ikin akunum unmal bukni, el kwit Epafroditus diplyopura, ikin weik tonap, upnamle,’ tenepnuke. Anya arye, Allah arye Epafroditus kwetebuke. Allah arye Epafroditus el kwetebukura, nati bico tenepnuka arya. အခန်းကိုကြည့်ပါ။ |
Pilipi 2:27
23 ပူးပေါင်းရင်းမြစ်များ
Ninye ikin ning dopdobikirye, kanye talima uk dipliba, imun kanye bobuka unyake. Wininyak talak ara, kanye lamapdongobuka unyak ninye arye, tenelamak ning kum winipmanto kibikirye, ‘Se’ tenen, malye kanye bolamak talak ap, pia engenauk ulamak talak ap, Allah Yahweh arye, ‘Sik talima pum tam melipnamle’ tenen, sik aninye dam, ulirye lyelolule.
Allah arye el mapu Israel nang ara, sik malye ulamik ning ati, yupu bokuka arebukce, sik wenena ati ara, sik mutuku noutam arye inibuka donokukba, yuk pera mutuku nang arye yanuka, obuka sirya dakikce, tuba kam ulamik Israel nang ara, sik unyak pera mutuku tamubuka binuka, tapu koupdongobikba, ikin weik daulamik. El mapu, Israel nang inibuka yuk mutuku nang unyak donokona ati ara, winipmanto keting panalyangan tam ulul kumanya, pia weik buppu kum nun mutuku noutam yangalamle touk, Allah arye pera mutuku yu nang dopdeibukba, yayikce dopdakuka binamik.
Dipkoprop na akunum moubuka kel bikse. Ara, na talima uk dinilye ning ara, ance na teleb kinina ati arepnulume. Kanye imun uk dilamnukba, dipmanto uamse bukni, tuba ton ap teleb kibuka kwetepdeipnulumba, adiparyuk kum dipse. Deiyok ara, narye malye un ning weik tonun winilamsa ani, ance, aning nirya dobuka, an dong tam deiplume. Na nie, ance pia kanye imun ning dam arye, lyepdeipmanilamce, na malye winilamse ning kum kipdeipnulume.
“Ati, anggunce weik mek koubuka banamlum bukni, mek noutam banumunye talak babye, narye melipnamsina deice arye, amek optua babye, mek koubuka banmamunye talak arye, kum dopnamsile. Tonda, weik uku buk pakanmalyak banamlum bukni, uku buk noutam banmamunye talak babye, narye melipnamsina deice arye, auku weik arye diptua babye, uku noutam bamunyeba, auku arye kum dipnamsile. Atonun ton, yuk asilen ning nirya anggun dam yangasilya babye, malye kum kipnamsine.
Aning ati ara, na ni Allah ance, nunti wenepnamsilam bukni, nun ni Allah, an yu weik upkilye talak arye, nun deice weik kanye imun ning deibuka wenebuka ona kume. Dipkoprop, an yu upkilye talak arye, wenepsiminyeura, nunda adiparyuk, an dam arye, kum kipdopnamsile. Ati, ‘Mitik ikin ninguk, nun deice deibuka wenepsutumeʼ tenen, moropkine na nio.
Na Allah Yahweh arye, anda Baruk biti, ayupu nyapdeipkine. Ance utenebuka nyalyame, “Se, Allah arye, ikin ning weik arepnukba, nara ikin deiceuk ununa ati, na mambul kanye bobuka unune. Na ikin ning dopropsirye, kanye imun pia weik unulule. Wininulul talakuk, Allah arye tonap tabakuka, ikin ning weik tonun ton, na deice delinulule. Ati ara, narye, ‘Se, aning ara, yata deiyok ati unulul do?’ tenen, teninauk unune. Tonda, nara urdem tunim abuka kum unune. Ikin ning yaniliba dopropnirye, imun kanye bobuka ununa ati, dikdik sepmanto kum unune. Winipniliba, na mitang asa ununa ati, kum winipmanto unune. Baruk ance, na Allah ati nyabuka, malye nyanilyame.” Allah arye, Baruk biti nyabuk.
Ura, Allah arye ayupu nirya laka nyapnukba, kekepsirye, na talima noutam arye, pia uk dinilye ning ara, min kum winiptue. Ati, na kanye delinulula ning ara, dipkoprob akunum kum kipnuke. Imun kanye weik bobuka ununa ati, na kanye talima noutam ara, uk weik dinulule. Winipmanto ara, ninye dibikceba, aning ati tenebuka, tuku luklamak atonun, na kanye arye, tuba tenenun ning ara, na talima uk dinulul ning ara, kum kwetepmanto unulule.
Habakuk birye nyabuk. “Se, na ni Allah, ninye weik arye, an si ap, ance weik mambul pil dolamlum ning ap ara, nyalamikba, na akunum kekelamse. Tonda, an Allah Yahweh arye, weik mambul pil, minop talak dolalum ning ara, kekepse ati, ilil unulule. Aning nirya ara, keting tamun, keting tamun nirya weik, mambul pil dolamlum ati, ‘Wini talak babye, aning tuba lak kibuka, pil dopsutum’ tenen, moropkine na nio. Wini talak ara, nun Israel ninye, pia malye weik winilamupu ati, ance yu kanye bosimince, wenenamsilam bukni, wini talak noutamak ara, pia tuba bico ukilye ning ara, luba kina kume. Nun malye winina ati, adiparyuk obuka, sirya daksutum bukni, ‘Nun ti bico tenebuka melinamsilam’ tenen, moropkine na nio.” Habakuk birye, Allah Yahweh ati, nyabuka morobuk.
Ara, ‘Aning winipnune’ tenen, pataplya deice arye, talima lilosulul ning nirya ara, ninye mutuku-mutuku nirya aning aryuk, nun talima nirya lilosulule. Bukni, Allah arye nunti, “Ura, ‘Na mapu malye winibicak’ tenen, kalekuka melinamsile,” nyalilamsuk touk, pia kum batakasulule. Elce nyalisilye atouk dipkoprop usilirye, melinauk usulule. Elce kalekuka melisilyopura, nun talima lilosulul ning, kum bisipmanto ning ton kum yanamsile. Allah melisilya deice arye, aning nirya ara, malye kibuka bisiptibye. Ati, malye winin ning tenebibirye, ‘Aning winipnun’ tenen, kanye teniptobibyopura, talima lilosulul talak nirya ara, Allah arye nunti, ‘Amalye winin ning bataktingce, diksukumuk unamak’ tenen, loplobuka diksukum balamak bisikuk laka kipdeipnamsile. Talima lilosilye ning awabsilya babye, Allah arye, kintinipsilye bisikuk bipyopura, kanye darapdongobuka telebuk unamabe.
Wini talak ati ara, anggun adiparyuk el malye winibuk ning ati namin kipmunce, el talima moubuka melipnamlulume. Wininamluma deiyok ara, elce, ‘Se, na pia malye winilamse’ tenen, pia engena ap, tenena ap, ilil kanye bobuka ulamlya deice arye, ‘El bouku tonap sukuplyak’ tenen, nyapsine. Anggunce elti, akunum wenepmunyopura, akunuma nyapsine.
Epafroditus arye anggunti, ‘Se, na kayapu’ tenen, bico tenesulule. Tonda, yuk nang arye, “Nun kayapu, Epafroditus ara, uk weik dinmale,” nyabuka laka nyabikura, anggun Pilipi ninye kekeplume. Yuk nang arye, Epafroditus ati, ‘Uk dipkuk ning ara, Pilipi ninye akunum kekebik,’ nyabikura, Epafroditus kekebuk. Kekebukce, ‘Se na kayapu nang mambul kanye bopnikcak’ tenen, el babye, mambul kanye bopmale. Ati Epafroditus dobuka, anggun dam dopdeipnamasine. Aning tenenuna ara, telebuka. Na Paulus arye, nyapsine.
Epafroditus arye, ‘Na uk dipnuk ning ara, Pilipi ninye kekebika ati, se’ tenen, mambul kanye bopmale. Aning ati ara, na kanye pia teleb tenepnarye, Epafroditus anggun mutuku dopdeipnamsine. Dopdeipnyeba, anggun dam yalibuk, eipdamunyopura, anggun kanye deipnamlume. Tonda, elce melisilyebuk, anggun kanye deipmumya deice arye, narye anggunti, ‘Se, na kayapu nang teleb unyak do, kum do?’ tenelamsirye, ikin wamnuk ning ara, caknam upnamnile.
Anggunce nati kum melipmanto ulamnuluma anya arye, el dopdeipnumunba, ‘Kristus el piluk dopnun’ tenen, Epafroditus arye na melyamnuka deice arye, dipmanto ubuk. Kristus el pil dona ati, dipmanto ubuka anya arye, wini talak ara, elda anggun dam yalyopura, elti, weik kanye deibuka, kinamlulume. Na Paulus arye, nyapsine.
ကြော်ငြာတွေ