Pilipi 2:10 - Eipomek

¹⁰ Allah arye Yesus erepdeibukura, pia mambul si dobuka deiyok ara, ani. Ara, im deice unyak nang ap, tukwak mutuku nirya unyak ninye ap, tukwak amu tam ulul ning nirya ap, babye, yata kam un ning do nirya, sirya talak ara, ‘Yesus el si kekebikirye, kutam tuku dinikdongobuka si erepnamake. Narye anang nirya dobuka, Yesus el amutamuk bulubuka deipnamne,’ Allah arye tenyamuk. ‘Winipnamne’ tenen, Allah arye Yesus erebuka deibuk.

Pilipi 2:10 ပူးပေါင်းရင်းမြစ်များ

Kejadian 41:43

Tonda Firaun birye nyapdeibukba, sik amutuku ninye deiyok nang balamik touk, kuda basam libuka, tuku deice balamuk ning ton arebukba, Yusup aning wekuka adeice tikukce, balamuk. Firaun bira, pia deice tam ninye deiyoknye ulamukce, Mesir mutuku nirya taleamuk bukni, el amu tam weiknye bitinye ning ara, Yusup binyak erepdeibukba tikuk. Amutuku noutamak Yusup balamuk talak, yuk nang arye, “Memepdoplulume,” nyanmikba, sik talye daulamek ninye nirya memepromekba, Yusup banmok. Firaun anirya winibuka deiyok ara, ‘Yusup birye Mesir mutuku noutamak wininamap ning nirya ati, yupu bokolina deiyoknye, weiknye unamsil’ tenen, winibuk.

Mazmur 95:6

Aning ati ara, Allah Yahweh elcuk, nun nirya kwepdeiamsuk anya arye, nun nirya arye, gutam tuku dipdongobuka, nun ni Allah Yahweh, el si atibuk erenamabe.

Matius 12:40

Weik mekin bal arye Yunus amkorokukba, mekin bal mun pum bisik ara, like winilye umoka ani, amekin bal arye Yunus el nong dukdonokuk. Winibuk touk, nada, Ninye Mi Koprop Atonunye tuku pum unmanya ani, like winilye akunum upyopura, kam buknamne.

Matius 27:29

Winibikce, tace weik ning kwanibukabikce, Yesus el kisok deice parikeibik. Tonda, ‘Ninye deiyok mambul nang teleb kama talibuka balamak touk winipnul’ tenen, talye kama arebikopura, el urasin tam gutam tuku dipdongobuka, Yesus el nalibuka akutuna ati, ayupu weik arye nyanmek. “Naie, Telebe. Yahudi yala nang, sik mambul ninye deiyoknye ulyama anya arye, nunce si erekinyabe,” nyabuka nalinmek.

Matius 28:18

Yesus sik dam yayukce ayupu nyabuk. “Im deice ulye ning ap, tukwak mutuku ulye ning nirya ara, Allah arye na amu tam akunum deipnuke. ‘Aning-aning nirya talibuka weik ninye deiyoknye unamle’ tenena ati, Allah arye el mikip weike akunum arepnukba, talinune.

Roma 11:4

Elia birye nyabukura, Allah arye tamubuka Elia biti nyabuk yupu ton, na yupu kekenmanulum ninye tuba tenepmalum do, kum do? Ayupu ara, ani. ‘Elia ance, “Nabi-nabi nirya oplopmake,” nyabuka engenmalam bukni, na dipkoprop nyapkine. Israel ninye ton yupa weik 7.000 nang, na tenen ati, bulubukapsirye, moubuka deipmanbuk, wini talak tuba kam unmake. Aning ara, isa el si Bahal ati, ‘Nun ni kopropa’ tenen, gutam tuku dipdongobuka, el si kum erenyake. Allah arye nyabuk.’ (1 Raja-Raja 19:18)

Efesus 1:10

Allah kanye deiyamukce, winibuka tenyamuk. ‘Kume, na tenyamsi talak akunum uplyopura, yata ning do nirya, tukwak ulul ning nirya ap, im deice ulul ning nirya ap, dopropnyak arye, tonok Weik Deiyoknye, Yesus Kristus, el amu tam deipnebuk, aning nirya talibuka, teleb kibuka neiktoto unamle. Kristus ara, aning-aning nirya deice tam ulirye, weik Ninye Deiyok kibuka talinamle,’ Allah arye, tenyamuke. Allah minop talak tenyamukce, aning nirya duknyamuk bukni, wini talak akunum lakak kipdeipsuk ning ara, akunum nyapsine. Na Paulus birye, nyapsine.

Efesus 3:14

Ara, na kayapu, Allah tenyamsukce, pil dolamsuk ning nirya ara, tenepne ning ara, nun Ni Kopropa Allah ati, ‘Anda pia teleb’ tenen, urasin kanupdongobuka moronune.

Efesus 4:9

Ayupu nyabuk noutam ara, “Welebuke,” nyabuk deice arye, akunum laka upsile. Ara, im deice tuba tamubuka min kum welyamuk talak ara, minop talak tukwak mutuku yanamuk.

Ibrani 1:6

Arup nyapmasin touk, Allah arye, el minyuma deibuk Mi Kopropa ati, tukwak mutuku dopkwetepsuk talak ara, ami ati ayupu nyabuk. Ayupu ara ani. ‘Na im deice pil donyak nang, sik malaikat nirya ara, na Mi Kopropa ati, el siuk kibuka si erenamake,’ Allah arye nyabuk. (Ulangan 32:43)

Wahyu 20:13

Atalak ara, laut mekwen deice balamik bukni, diamikba weik laut mekwen dilamukba, danoutam ulamik bukni, min arye akunum diamik ninye lakak tikilyayik. Tonda dipna deiyok ap, diamik ninye ulamikak, el si ara Kerajaan Maut ap, asukum ulamik bukni, min arye diamik ninye ara, lakak yanganmekba, eipse. Aweik deiyoknye, weik buna ning deice bukmoknye birye, aninye nirya ati, yupu lipsisikuka bokeibukce, wenebuk. Aninye nirya babye, sik tukwak mutuku tuba kam ulamik talak noutamak arye, winilamik ning nirya, im deice buku noutamak akunum sekuka deiamika anya arye, abuku dipdeyikce, abuku sekeiyamika noutamak uamuk touk, yupu lipsisikuka bokeibukce aninye nirya ati, wenebuke.

Wahyu 4:10

Sik nirya arye Allah el urasin tam bukni, el si erena ati, tuku deice gutam tuku dipdongobikirye, el si weik arye erenyake. Amambul bun ning deice bululnye Allah ara, pia kamuk unamle. El pia min kum kum danamle. Sik 24 deiyok nang arye, sik kisok deice koupdongamik emas ning kwiribuka el bun dam tuku deice deibikirye, ayupu nyanyake.

Wahyu 5:3

Malaikat arye nyanmok buk, im deice unmek kili sal nirya ap, tukwak mutuku unmek kili sal nirya ap, tuku amu tam unmek ninye nirya ati, ‘Amambul buku bikilin ning deiamuk ning, cobuka isipturye siklipsutu do?’ tenen, dipdeyik bukni, pia diksukum ululnye tonok babye kum ubuka ati, abuku delina ap, tebuka delina ap ati, winipmantonye kum ubukba, kum eibik.