Ura amapo, yuk yupu ton nyapnusine. Tonok kil el si ara Febe akunum diba tenebuka anya arye, Yesus ap talima dukdongobuka unyaba ati, akil ara nun weit kil kopropa atonun ulirye, mutuku si Kengkeria mutuku asik dobuka unyak mutuku noutamak diba tenebuka unyak ninye ati, Allah yupu aik talibuka melina deiyok kil atonun ulirye, melilule.
Pilemon 1:2 - Eipomek2 Asurat ara, an ap, Yesus ati diba tenebuka anya arye, nun weit kil atonun kil Appia ap, tonda Arkipus ap ati, asurat sekname. Arkipus ara, yin talin nang pia piribuka, pil dolamak atonun, elce Yesus el yupu peterelbana ati, nun ap neika pil dolule. Tonda Allah diba tenyamikce, an aik bulubuka Allah yupu kekelyanganyak ninye ap, anggun nirya ati, asurat sekeipsiname. အခန်းကိုကြည့်ပါ။ |
Pilemon 1:2
7 ပူးပေါင်းရင်းမြစ်များ
Tonda, anggun Roma mutuku diba tenelulum ninye arye, Periskila ap, Akwila ap, sik aik pum, ‘Allah yupu kekenamap’ tenen, buluyak ninye, sik diba tenenyak ninye ati, “Paulus arye telebe nyapsuke,” nyabuka laka nyapnamnulume. Tonye el si ara, Epenetus, elda Asia tam noutamak unyak ninye kan-kan arye, minyuma deiyok koubuka diba tenyamuknye anya arye, elda na kanye delinanye ulule. El ti, “Paulus arye telebe nyapdeipmakile,” nyabuka nyapnamnulume.
Ara, Asia tam dib tenebuka unyak ninye nirya arye, anggun Korintus mutuku ululum ninye ati, “Nun kayapu, telebe,” nyalisinyake. Aning atonun, Akwila ap, el kil Pereskila ap, nun nirya ap, Yesus ap talima dukdongobuka neika unyaba anya arye, sikce, anggun Korintus mutuku ululum ninye ati kanye deibuka, “Telebe,” nyalisururake. Tonda, sik aik pum wekuka Allah yupu kekenyak ninye arye, anggunti, “Telebe,” nyalisinyake.
‘Yanamne,’ tenenun bukni, tonda, na kwit Epafroditus ara, anggun dam tamubuka dopdeipnamsine. Anggunce, ‘Epafroditus bira, Paulus el patana ning ati melibuka winipnamle’ tenen, minopce na dam dopdeiamnulume. Epafroditus ara, na weit atonun ulirye, Yesus el laka teleb yupu, ninye lyen yupu ati, melibuka neika pil dolamnumu. Tonda, yin talin nang arye, ‘Aning opnuyabe,’ tenebice nang ati, pia darabuka olbisilalamak atonun, Epafroditus ap, na ap, nun neika, pia pi deibuka, mikip arye, Allah yupu peterebuka balamnumu. Ara, Yesus el yupu ati, “Deiyok ani,” nyabuka, pia moubuka lakak peterelamnumu.
Laodikia mutuku unyakce, Yesus yupu dib tenena ninye ap, amutuku ulul kil tonok, el si ara, Nimfa ap, Yesus diba tenen nang, Nimfa el aik pum bulubikirye, Allah yupu kekenyak ninye ap, anggun nirya ati, “Paulus arye telebe nyapmasile,” nyapnamlulume. Na Paulus arye, anggun Kolose mutuku ninye ati nyapsine.
Ayupu sekuka dopdeipnusin ara, nun kwit Arkipus el kekena ati, ayupu dobuka el dam nyalbinulyame. Ayupu ara, ani. “Arkipus anda, ‘Apil dopnamle’ tenen, Allah arye wibuka deipkuk ning ara, ‘Dipkoprop pil donmanya ani, sirya daknamne’ tenen, kanye moubuka pil donamlame. An ap, Yesus ap, kanye dukdongobuka ururuma anya arye, Paulus arye anti, ‘Wininamlyame,’ nyabuka nyapmakile.” Ayupu ara, asurat dopropnamlum nang arye, na kwit Arkipus ati nyapnamlulume. Na Paulus arye nyapsine.
ကြော်ငြာတွေ