Penghotbah 11:7 - Eipomek

⁷ Beren tam talak keting panaplirye, dirina weik uplye talak ara, pia telebuk ulule. Winiplyeba aketing ara, dirina lak deiplyopura, ninye nirya arye, pia teleb kanye bobukabikirye, sik kanye deibuka unyake.

Penghotbah 11:7 ပူးပေါင်းရင်းမြစ်များ

Ayub 33:28

Tonda, anye birye, “Nara walamnik nang unyakak binmanto uapsebuk, Allah elce nati, Anye bira akunum diplamik nang unyakak ara, bana kume,” nyabuka lyepropnuke. Winipnukba, wini talak nara kam tuba unamne. Tonda, dirina ara tuba dinauk unamne,” nyanamle.

Ayub 33:30

Winilula deiyok ara ani. Ara, Allah elce nun tukwak nang ati, apil dosilya deice arye, diamikce nang dam binmanto upmapnyebuk, aminyan talak lyelosulule. Winipsilirye, nun una ara, pia teleb kipdeipsilyeba, kanye deibuka telebuk unyabe. Kam tuba ubirye, dirina aulyeba, adirina ara dinamabe.

Mazmur 56:13

Se, na ni Allah, narye, ‘Anti wininamkine. An ti, teleb aren ning arenamkine,’ nyabuka nyalin yupu deice arye nyalamse ning nirya ara, dipkoprob winipnamnarya! Tonda, narye anti, “Naio anda pia telebe nyapkine,’ nyabuka, an si erenamkine.

Mazmur 84:11

Teleb weik ning ara, tonok sum Allah an si eren aik dam yanuka eipkitinyeura, telebe teneptinye. Bukni, yupa weik seribu sum ara, talye yukak daunmatinye babye, telebe kume. Tonda, na ara, an si eren aik bublan dam kalikna pil doptinye babye, pia telebe. Bukni, malye wininyak nang, sik teleb aik binuka uptinye babye, aning telebe kume.

Amsal 15:30

Ninye ton sik urasin etek-etek abikirye, kanye deibuka unyak nang ara, ninye yuk nang nirya eibikirye, sik babye kanye delinyake. Aning atonun, yuk nang arye nun melina ati, teleb yupu dobuka, yuk pera mutuku arye, nun dam laka nyalyasicopura, ayupu kekebibirye, nun kanye deibuka unamabe.

Amsal 29:13

Bona utotoa talina kum ninye ara, sik deice tam talibuka ukirye, ikin ning bobuka, sik bona utotoa talina kum ninye, sik nong deice delinyak ninye deiyok nang ap, nirya arye, sik tenebice ninguk wininyake. Ara, abitinye yala ninye ati, Allah el si Yahweh arye, sik asing lapdeiplirye, el dirina arepliba, sik asing arye aning nirya elinyake.

Penghotbah 12:2

Aminyan talak ikin upnamkila ati, nyapkine. Ikin upkilyopura, an asing kupkilye talak ara, keting ap, wala ap, kurya ap, sik dirina ton teleb kibuka kum eipnamlame. Atalak nirya ara, pia kunukna uk upnamkile. Tonda dua bum tobuka balamle talak ara, mok duk bobuka yangalule. Awininamle ning ara, ‘Na opnilyak’ tenen, an ilil pia weik unamkile.

Penghotbah 6:5

Deipmakcebuk, adiparyuk akunum dipmalye mi ara, keting deipmalya babye, ton pia kum elilule. Tonda aning atonun, el ami arye, aning-aning kel min kum bikamlye talak, akunum dipmalula ati, ‘Se, na kam una ara, yata ati do?’ pia kum tenelule. Ati, na kanye ara, amapu nirya ara, nemalyap arye tunim abuka manyake. Bukni, bona weiknye, elce talilamuk ning nirya kum uplyopura, elce nemalyap arye tunim abuka pia kum malule. Elda, ‘Seʼ tenen, malye kanye bobuka ulule.

Penghotbah 7:11

Ura kam tuba unyak nang ara, dipkoprob moubuka tenebikirye, weik tonun kel bikinyak nang ara, telebuk unyake. Sikda, moubuka tenebikirye kel bikinyak ning, nong upnamle ninguk nyanyake. Winipmanto ara, sikce nyanyak yupu nong ara, mambul weik ning ulule. Ati, sik nong dodarapce taleamik ning dobuka, sik deiamik mapu ati arenyak mutuku ulye ning talibuka ulamle atonun, sik kel nang arye nyanyak yupu babye, pia telebuk ulule.

Matius 5:45

Wininamlum ning ara, anggun ni Allah, im deicanye, ‘El mapu unamak’ tenen, wininamlyame. Allah ara, pia telebnye ulula anya arye, teleb ninye babye, malye ninye babye, bico tenebuka, kanye talima aresulule. Anggunda, el mapu ululuma ati, anggun babye atonun unamlulume. Allah el keting ara, elce nyaplyeba, malye nang dam babye, teleb nang dam babye, delilule. Mok ababye, Allah elce nyaplyeba, malye nang dam babye, teleb nang dam babye, mok celule.