Nehemia 4:9 - Eipomek

⁹ Nyabuka yupu talibik bukni, ‘Nun ni koproba Allah arye melinamsil’ tenen, Allah ati morobupu. Tonda, ‘Sik anang olyasicak’ tenen, keting noutam babye, lukunyan talak babye kalikin nang ton wipdeibupu.

Nehemia 4:9 ပူးပေါင်းရင်းမြစ်များ

Kejadian 32:28

Nyabukura, malaikat arye, Yakub biti nyabuk. “Wini talak ara, winiryuk si arepnukine. Wini talak arye dipdongobuka, doryanamle talak ara, an si ati ‘Israel,’ nyanamkiake. Deiyok ara, ance Allah ap, yuk ning ap ati, pia pi dobuka piripdenmalamce, an mikip arye akunum malye kibuka bisipmalama ati, an winiryuk si ara, ‘Israel’ arepmakina ati ara, dorunamle talak ara, asiuk nyanamkiake,” malaikat arye, Yakub biti nyabuk.

Nehemia 4:10

Anoutam talak ara, Yehuda tam nang arye nyabik. “Nun pil don nang ara, pil weik dobupa ati ara, nun mikip ara, akunum mitang kipnin banmasile. Tonda, nun pil donak ara, min arye uluplobik keil telebroba ning, pia weik ubuka ati, nunce apoka ara pil dobuka sirya kum daktibye,” nyabik.

Nehemia 4:11

Tonda, nun mal olan nang arye, nyapsike. “Sik Yahudi nang ara, walwal nang anya arye, bikuka kum eipmasikce talak aryuk, nunce sik noutamak aunmakibuk duknubuka wekipyopura, sik nirya obuka sirya dapnamabe. Apil donyak ning nirya bataknamake,” nyapsike.

Ayub 5:12

Winilul bukni, tenepce arye tilila yupu nyanyak nang arye, ‘Wininamap,’ tenenyak ning ara, yupu seklirye, kum kibuka delilule. Winipliba, ‘Aning winipnamabe,’ tenelamak ning ara, sukliba kanye imun arye batakanyake. Sik tenelamak ning ara, nong kum ulule.

Mazmur 33:10

Ninye im sirya, mutuku sirya nirya arye, ‘Nun mikip aniryuk wininamabe,’ tenenyak ning nirya ara, Allah arye kum kibuka delilule. Dan mutuku ninye do nirya, ninye tukwak ninye ayala-ayala nirya arye, ‘Winiptibye,’ tenenyak ning nirya, Allah arye kum kibuka delilule.

Mazmur 50:15

Tonda, na Allah arye nyapsine. “Ikin weik upsilye talak ara, anggunce nati, ‘Naio melibuka lyepropsilyame!’ nyabuka, moropnumunyeura, dipkoprob narye yanuka, lyepropnamsine. Akunum lyepsiminyeura, anggunce na si erebuka kina ati, “Nun ni Allah, pia teleb ulule,” nyabuka, yuk nang kekenak, lakak arye nyanamlume.

Amsal 22:12

Yata kili sal do nirya, sikce kel weik bikna yupu uk nyanyak kili sal ati, akilisal ap, sikce nyanyak yupu ap ati, Allah Yahweh arye, ‘Aninye melinamne’ tenen, pia moubuka dilirye, kalikilule. Bukni, ninye ton talye minina yupu ap, tilila yupu ap uk nyapra balulnye biti ara, Allah arye anye biti, ‘El tenelye ning ap, el wininamle ning ap ati, kum danamle’ tenen, anye deice ikin ning delilula deice arye, kum danalule.

Matius 26:41

Peteruso, pirilden ning deice arye, anda malye upminyak ati ara, ‘Nada malye winipyak’ tenen, kanye moubuka dilamince, Allah moronauk unamalyame. An talima kanye ara, ‘Winiptinye,’ tenelyam bukni, an nong mikip kum ati ara, kum winiptume nyapkine,” Yesus arye Peterus biti nyabuk.

Lukas 21:36

Aning ati ara, pia moubuka kalekuka dimunce, unamlulume. Tonda, ninye nirya ati, upnamle ning upsiliba, ‘Allah batakuka malye winibibyak’ tenen, Allah moronauk unamlulume. Tonda, ‘Ikin weik upsilyak’ tenen, Allah moronauk unamlulume. Ton ikin ning ara, Ninye Mi Koprop Atonunye birye, ninye nirya weneplirye, yupu bokipnamla talak ara, ‘El dam bibirye, alye kum daknamap’ tenen, Allah moronauk unamlulume. Yesus arye el mapu ati nyabuk.

1 Peterus 5:8

Ara, yuk yupu ton nyapnusine. Anggunce anggun bidamnye ati, ‘Malye ubibyak’ tenen, kanye moupmunce kalikildanamlulume. Tonda, leibuka unamlulume. Isa Mutuku Dongonye ara, anggun oldan nang atonun usulule. Elda, singa do, bai kam do, atonun, ‘Yata ning obuka diptinye do?’ tenen, kalikinmalirye, obina yana kibuka kalikilsulule.