Nehemia 3:28 - Eipomek

²⁸ Tonda, sik imam-imam sik asik dam yuk-yuk mining dam aulamik touk, akeil poka moubuka dopnin balamik. Ara, kuda basam wekelbana ati, botopdeiamik bisik bublan dam arye dipdongobuka, poka winiryuk ning tabakuka dopnin welyamik.

Nehemia 3:28 ပူးပေါင်းရင်းမြစ်များ

2 Raja-Raja 11:16

Nyabuka ati, sik yin talen nang kekebikce, adiparyuk ninye deiyok kil, ratu Atalye tomobukabikce, tapu koubikce, bobinuka ninye deiyoknye, el aik dam bukni, bai tam bobiyik. Ara, weiknye Raja aik dam bukni, buru tam, kuda basam wekelyangalamik bublan bisik damuk binuka, ratu Atalye obik.

2 Tawarikh 23:15

Sik anang arye ninye deiyoknye Raja, el aik dam akil ati enmeka ani, Raja el weik aik dam bukni, bisik wekelbanak si ara, ‘Kuda Basam Bisik Bublan,’ nyabuka sekiamik tam arye, akil unmokak eibikce, binuka dobikura, adiparyuk oplobik.

Nehemia 3:10

Asukum arye dukdonga dobuka deiyoknye bira, Harumaf el mi Yedaya, el aik mining dam, akeil poka tabakuka dukdongobuka dobik. Tonda, sik ap mining dam ara, Hasapnia el mi Hatus ap, el kwit capu ap arye, akeil poka tabakuka dukdongobuka dobik.

Nehemia 3:23

Asukum ara, Benyamin ap, Hasub ap arye, sik mining aik dam dukdongopdana ulamdik touk, wibuka dukdongopdik. Aning atonun, Ananya el mi Maseya ap, el mi Asarya ap sik babye mining asik dam dipdanuka ulamik touk, akeil poka dobuka dukdongobik.

Nehemia 3:29

Asukum ara, ninye si Imer el mi Zadok birye, acang keil poka el aik dam arye, dukdongobuka domuk. Abinuka dopnin balamuka ani sukdongamukak ara, yuknye ton el si Sekhanya, el mi Semaya birye, dukdongobuka dopnin balamuk. Semaya bira, keting yangan tam botopdeiamik bisik bublan dam, kalikina deiyoknye ulamuk.

Yeremia 31:40

Winibikirye, amutuku lyu nirya dana-dana tam nirya ara, na Allah Yahweh ati, lipsisikuka dobikirye, na si erena ati arepnamniake. Amutuku nirya ara, ‘Naʼ tenen mutuku,’ ati, pia talinamne. Ara, wini talak ara, uku dilamlye atu yamul balamakak ap, dipmakce ninye, sik nong weilbanyak sukum ap, kintinip deibikirye, anirye dipdongobuka, otam ulul yini mutuku ap, weik lyuak, el si Kidron mek lilun ap, tonda keting yangan tam dipdongobuka, cang keil poka, bublan bisik botopdeibikce, abublan si, Kuda Basam Bublan nyabik bublan dam nirya ara, lipsisikuka dobikiba, ‘Amutuku nirya ara, na ning uka,’ nyabuka talinamne. Yerusalem mutuku weik asik nirya akunum lipsisikuka dobikcopura, pia tonap kum ulupnamake. Yuk ninye arye, amutuku tuba tamubuka, tonap malya kum kipnamake. Na aryuk taliniba, pia aunamle,” Allah arye nyabuk.