Nehemia 3:25 - Eipomek

²⁵ Tonda, Uzai el mi Palal birye, akeil poka ulamukak arye dukdongobuka dopnin balamuka ani, itam ninye deiyok nang, Raja ulamik aik dam ap, bisik kalikna nang bulubuka weklamika dam binuka deibuk. Ninye si Palal birye, dopnin balamuka ani, binuka deibukak arye, Paros el mi Pedaya birye, asukum aryuk dukdongobuka dobuk.

Nehemia 3:25 ပူးပေါင်းရင်းမြစ်များ

Esra 2:3

Tonoknye, el si Paros, elce deiamukba, dadeipdanin yangalamika ani, sikce deiamik yala nang ara, dua ribu seratus tujuhpuluh dua, (2.172.000) nang ulamik.

Nehemia 12:39

Winibuka pia bana uk unmapurye, Efraim yala ninye sik bisik bublan kirikuburye, minop talak domik bisik bublan dam biburye, mekwen pum bal ikan bublan dam beipu. Abiburye, weik cang ning, el si Menara Hananael ap, tonda Menara Seratus nyabuka domika dam biburye, domba bobuka wekelbalamik bisik bublan dam beipu. Winibupu ura, nunce deiyok koubuka banmapu nang yupa nirya ara, Allah el si eren aik wekelban bisik bublan kalikna deiyok nang, sik aik dam sukumuk binuka deibupu.

Nehemia 7:8

Paros elce deibukba dadeipdanin biyik ninye yupa weik 2172 ninye deiamuk nang ara Yerusalem mutuku tamubuka yayik.

Nehemia 8:4

‘Esra bira Allah arye nyalamuk Mem Yupu, buku yininamal’ tenen, cang yo dobuka deipmekak, welebinuka tikukce ayupu yinibuk. El binuka tikuk talak ara, el sirik tam ara, ninye ton tikik. Sik si ara, Matica ap, Sema ap, Anaya ap, Uria ap, Hilkia ap, tonda Maseya ap, neika tikmek. Aning atonun, el kwanim tam neika yanuka tikmek nang sik si ara, Pedaya ap, Misael ap, Malkia ap, Hasum ap, Hasbadana ap, Zakaria ap, tonda Mesulam ap tikmek.

Yeremia 22:14

Raja Yoyakim elce nyabuk. “Narye istana Raja, urasin pia teleb ap, aik pia weik ning ap, alip tam aik ap, pia teleb kibuka dopnirye, aik lo weik kipdeipnamne,” nyabuk. Nyabukce, anyaik dobuk talak ara, Libanon mutuku, urasin pia teleb wa mutmuta yo arye, aik abilinga ton memepdeibuk. Winibukce, bai tam ton el lina ati, aik abilinga dobukce, jendela bisik ton moubuka botobuka, kintinip deibuk. Ajendela memepdeibuk yo deice ara, ‘Urasin pia teleb upnamleʼ tenen, cat merah likdeibuk.

Yeremia 32:2

Tonda, atalakuk Babel mutuku yin talin nang, Yerusalem mutuku yayikce warikik. Ara, ‘Amutuku wekibirye, anang opnamapʼ tenen, Yerusalem weik asik dana-dana tam antanap dongobuka warikik. Awarikik talak ara, na nabi Yeremia bira tomobuka, Yehuda mutuku tam nirya talina ati, Raja kibuka taleamuknye, el si Raja Zedeikia, el weik aik dam bukni, anyaik kalikna ati, yin talin nang unmek aik koproba deipnukba unmase.

Yeremia 33:1

Babel mutuku ninye deiyoknye biti, kalikna deiyok nang, sik wenen aik tuba ulamse talak ara, Allah Yahweh arye, yuk yupu ton, na dam yanuka nyapdeipnuke. Ayupu ara, ani.

Yeremia 37:21

Morobukba, ayupu ninye deiyoknye, Raja Zedeikia kekebukce, Yeremia biti, “Anye bira dopropmunce, na weik teleb aik damak bukni, na yin talin nang, sik aik bisik bublan wekelbana damuk binuka, deipnamlulume,” nyabuk. Nyabukba, anyaik binuka deibik. Abinuka deibikba, asukumuk ulamuk. Ulamuk talak ara, Raja Zedekia aik anyuk ton nyabuk. “Sumu-sumu nirya, din ning el si roti dabikiba, tonok ning dobuka, anye biti arelyanganamlule,” nyabuk. Nyapdeiamuk touk, din ning amutuku tuba aubuk talak ara, Yeremia biti, roti dobuka arelyanganlamik. Ati, Yeremia bira, ninye deiyoknye, el weik teleb aik pum tam bukni, wenen aik dongobikba, asukumuk ulamuk.

Yeremia 38:13

Winibukopura, sik awinilye nang arye, tapu talipdongobuka, liboweleyayikce, Yeremia yanuka deibik. Akunum dobuka deibikopura, ninye deiyoknye, Raja el yin talin nang, sik aik damuk, deipmekba unmok.”

Yeremia 39:8

Winibik talak aryuk, sik Babel mutuku yin talin nang arye, Raja Zedekia el aik ap, elce talilamukba, amutuku ulamik nang, sik asik nirya ap ara, uku dongobik. Anirya uku dongobikba, dibukura, Yerusalem mutuku asik dobuka ulamikce, min talak weik cang keil poka dobuka, amutuku dana-dana tam nirya antanap dongamik ning nirya ara, akeil poka ulubuka daklobik.

Mika 4:8

Yerusalem anda, na Allah arye, tonap tuba teleb kipdeipnamne. Na Allah ara, na mapu koproba, sik Israel ninye ara, Yerusalem mutuku noutamak unamake. Minop talak ara, Yerusalem mutuku daulamik ninye arye, yuk mutuku, dana-dana tam mutuku nirya talibuka, pia mikip weik ulamik touk, aminyan talak babye, narye anggunti, teleb kipdeipsiniba, tuba tonap tamubuka, anggun mikip weik ninye unamlume. Anggun Yerusalem mutuku unamlum ninye ara, ‘Se, sikda na kilmapu atonun unyake’ tenen, weik arye bico tenesununa ati, teleb kipdeipsinyopura, yuk mutuku unamak ninye nirya ara, anggun amu tamuk unamake.