Nehemia 13:16 - Eipomek

¹⁶ Aning atonun, Tirus mutuku nang ton sik mining dam Yerusalem mutuku noutam aulamik nang arye, mek pum bal ikan ap, tonda yuk-yuk yala ning ap, sik talibuka ulamik ning nirya ara, Sabat sum deice arye boyanganmika ara, ‘Yudea tam ninye sikce deknamsiyak’ tenen, boyayik.

Nehemia 13:16 ပူးပေါင်းရင်းမြစ်များ

Nehemia 13:15

Atalak ara, narye dinmasiba, Sabat sum deice arye, yata barye nang do, Yehuda yala ninye weik arye, anggur tapu duk purulamikce, pil dolamikak eipse. Allah arye, “Sabat sum deice ara, pil tonok ning babye kum donamlulume,” nyapdeipsuk bukni, aninye arye yanibuka, ayupu kum kekelamike. Ton yuk ninye ara, gandum ap, anggur tapu duk ap, ara yo duk ap, yuk aning-aning nirya ap dobuka, keledai basam balye deice libuka deipmekce, Sabat sum deice arye Yerusalem mutuku yanganmek. Winipmekba narye eipsirye, “Yata ati Sabat sum deice arye, aning ara dekelyanganmalum do?” nyabuka wenepse.

Nehemia 13:17

Wininmeka ati, narye, ‘Yata deiyok ati, Sabat sum deice arye wininmak do?’ tenen, Yudea tam talibuka ninye deiyok nang ati yu upnukba, “Yata deiyok ati malye wininamlum do?” nyapse. “Anggun aninye wininamlum deice arye, pia malye-malye weik wininmalumce, Sabat sum yanibuka malye kipdeipmalume,” nyapse.

Keluaran 20:10

Bukni, tekbarye sum ara, el si ara Sabat sum. Asum ara, Allah na mem sum anya arye, asum deice arye na Yahweh atibuk tenenanululume. Ati ara, yata pil do nirya, asum deice talye pil dona meme. Ara, anggun babye, anggun mapu babye, anggun kilmapu babye, anggun pil don nang ap, pil don kilapu ap babye, anggun weilulum ning keledai basam do, sapi do, aning babye, pil kum donamake. Tonda, yuk mutuku arye, anggun mutuku noutamak tikilyangan nang babye, pil arukmunye pil kum donamake. Anang sik bidamang pil ton kum donamake. Asum, Sabat sum ara, talye pil aning-aning nirya ara pil dona meme,” Allah arye nyabuk.

Keluaran 23:12

Like nakub barye (6) sum ara, anggun pil koproba donamlume. Bukni, tekbarye (7) sum kiplyopura, anggun pil dolulum ning nirya batakmunce, adiparyuk dikdik sepnamlume. Winipmunyopura, anggun pil melibuka dona ati, yo bok deice dekelulum ninye ap, kilapu ap, tonda, anggun pil melin ninye, ninye asik nang ap nirya ara, sik babye dikdik senamake. Tonda, anggun keledai basam ap, sapi ap, atalak ara dikdik senamake. Ati, tekbarye (7) sum uplyopura, anggun nirya dikdik sepnamlume.

Ulangan 5:14

Bukni, like tekbarye (7) sum kunum uplyopura, talye pil dona kumce, dikdik sen sum anya arye, kintinip deipmunce, dikdik senamlulume. Asum tekbarye ning ara, nara, anggun ni koproba Allah Yahweh ati, na si eren sumuk unamake. Asum noutam ara, ninye tonoknye babye, pil ton kum donamlule. Ara, anggun babye, anggun mapu nirya babye, tonda anggun pil melin nang babye, atonun tonda anggunce talibuka weilulum domba ato ning babye, tonda, yuk mutuku arye, tikilyanganamak ninye asik nang babye, talye pil kum donamlume. Ara, anggun babye, anggun ap neika unamlum nang nirya babye ati, nyapsine. Winibuka winipmunyopura, anggun babye, anggun pil don nang babye, sik dikdik sen sum noutam ara, pil pia kum donamlume. Anggun nirya ara, dikdik senauk wininamlum touk, anang babye, atonun wininamake.