Nehemia 10:9 - Eipomek

⁹ Aning atonun, Allah el aik pum tam pil dona deiyok nang, sik melin nang ara, Lewi yala nang ulamik. Sik asekna ning deice sik si sekuka deibik Lewi yala nang, sik si ara ani. Ara, Hazanya el mi Yesua ap, Henadad birye deiamukba, dadeipdanin yangalamik nang arye yanuka deibiknye, Binui ap Kadmiel ap, sik si sekdeibik.

Nehemia 10:9 ပူးပေါင်းရင်းမြစ်များ

Nehemia 10:10

Tonda, aninye sik kwit capu nang koprop atonun nang, sik si ara, Sebanya ap, Hodia ap, Kelita ap, Pelaya ap, Hanan ap,

Nehemia 12:24

Allah el si eren aik, pil talibuka donamik ati, deiyok kibik nang, sik si ara ani. Asabya ap, Serebya ap, Yesua ap, Binuai ap, Kadmiel ap, sikce Lewi yala nang, sik bulubuka yuk-yuk ati deiyok kibik. Atalak ara, sik nirya arye, asum-asum unyak bitinye-bitinye kipdeibik. Ara, Allah el si eren aik noutam, el yupu keken talak, mot nyana ati, tonok bulubuka ton kibik. Tonda Allah ati, ‘Telebe,’ nyabuka, si erena ati, yuk bulubuka ton kibik. Sik bulubuka yuk-yuk ulamik touk kibuka, ayupu nyanmek. Akibik ning ara, min talak Allah el pil dolamuknye Raja Daud birye, ‘Aning ara, wininamlume,’ nyapdeiamuk touk, winibik.

Nehemia 12:8

Allah el si eren aik pum tam pil dona deiyok nang, sik melilamik nang, Lewi yala nang sik Yerusalem mutuku tamubuka yayik nang si ara ani. Ara, Yesua ap, Binuai ap, Kadmiel ap, Serebya ap, Yehuda ap, Matanya ap, ulamik. Matanya ap, el kayapu nang ap arye, Israel yala ninye yuk-yuk bulubuka wekmanak uk, mot sepra bana deiyok nang ulamik.

Nehemia 3:24

Ninye si Henadad, el mi Binui birye abatakikak arye dukdongobuka dopnin balamuka ani, Asarya el asik dam ulamukak binuka deibuk.

Nehemia 7:43

Aning atonun sik Lewi yala nang Babel mutuku arye tamubuka yayik talak Yesua ap, Kadmiel ap, Hodewa ap, sikce deibikba dadeipdanin balamik ninye yupa ara, 74 nang Yerusalem mutuku tamubuka yayik.

Nehemia 8:7

Tonda, atalak uk, Allah arye, ‘Wininamlulume, aning ara ton kum wininamlume,’ nyabuka minop talak nyalamuk yupu ara, sik Lewi yala nang, Mem Yupu peterena deiyok nang unmeka anya arye, anang arye, “Allah nyalamuk yupu deiyok ara, ani, ani,” nyabukabikce, Israel ninye ati lak nyabuka peterenmek. Sik Lewi yala nang, peterenmek nang, sik si ara ani. Yesua, Bani, Serebya, Yamin, Akub, Sabetai, Hodia, Maseya, Kelita, Asarya, Yosabad, Hanan, tonda Pelaya. Anang arye peterenmekba, sik atikmek nang moubuka kekenmek.

Nehemia 9:4

Lewi yala nang tikina ati, yo morobuka lapdeiamika ara, Yesua ap, Katmiel ap, Bani ap, Sebanya ap, Buni ap, Serebya ap, Bani ap, Kenai ap, tikmek. Sik anang binuka tikikce, yupu weik asa arye, sik ni Allah, el si Yahweh ati, moronmek.