Mazmur 94:17 - Eipomek

¹⁷ Yuknye birye kume. Nun ni koproba Allah Yahweh, elcuk nati, pia melibuka lyelonulule. Diba, Allah arye kum meliamnutopura, yu nang arye, akunum opmanitingba, nara akunum dibilamak nang wininyakakuk, akunum binuka unmatinye. Wininmatinirye, akunum diamtinye.

Mazmur 94:17 ပူးပေါင်းရင်းမြစ်များ

Mazmur 115:17

Tonda, akunum dibikiba, ninye wein damak weilbice talak ara, tuba tonap tamubuka yakirye, Allah Yahweh, el si erena ati, kanye lon mot kum senyake. Sikda, talye tunim abuka, dabinuka unyake.

Mazmur 118:13

Nara, na oldan nang, sikce mikip weik arye yaribuka, ‘Dopkwetepnamap’ tenen, dopkwetepnikba, kote sakmanto ulamse bukni, atalak-atalak nirya ara, Allah Yahweh, el mikip weik arye, nati meliamnukba, aolyangalamnik nang nirya ati, olbisilamse.

Mazmur 125:1

Weik asik Yerusalem mutuku noutam welebuka bibirye, ‘Mambul weik sum ati, kwalya kwalibuka wininamap’ tenen, kanye lon mot nyanyabe. Allah Yahweh ati, ‘Dip tenebuka,’ anggun kanye talima nirya, el deice delinyak nang nirya ara, anggunda, weik tonun bukuk mutuku, el si ara, Sion mutuku, pia kum lulukulula nyalula atonun ubuka, sik babye, kanye imun weik ning yatua babye, imun kanye bobuka, kum unamake. Aning kum bukni, sikda pia, kanye deibuka, telebuk unamake.

Mazmur 13:3

Se na nio, yata barye wala ton kunum uplyeura, na talima pum tam aryuk, ‘Yata wiriptinye deice arye, na ikin unilye ning ati, kum daneipnutum do? Aning winiptinye do, kum do?’ tenen, naryuk teniltonauk unamne do? Ara, beren tam talak arye dipdongobuka, keting noutam nirya ara, ikin kanye bopnirye, na kanye pum noutam arye, pia engenauk unamne do?

Mazmur 31:17

Ati na nio anda, ‘Weik tonun bico tenepnutumce, an amu tam pil donanye, nati, kanye deipnutumce, lyepnutum’ tenen, moropkine. Ance, nati, ‘Bico tenyamnulumce, tuba-tuba melinamkine,’ nyabuka, ‘Nyalin yupu deice arye, nyapdeipnulum ning nirya ara, anyapnulum touk winibuka, lyepdopnutum’ tenen, moropkine.

Yohanes 16:32

Bukni, aminyan yanamle talak noutamak ara, malye nang arye anggun nong deice ikin ning deipsicopura, anggun nirya na batakuka, yuk-yuk bindopnamnulume. Nati, bataknumunce, anggun aik ap, anggun mutuku koprop ap, batakuka yuk-yuk benamlume. Ilil ati, anggun nirya arye na batakuka, yukak bindopmunyopura, na yuk unamne. Na ni Allah ap, na ap neika tuba unyama anya arye, dipkoprop na yuk kum unune.