Ati ara, ‘Allah Yahweh elcuk melinamnile,’ tenepmunce, el nyapdeiamsuk yupu, anyuk moubuka talimunce, pia pi dobuka dukdongobuka wininamlulume. Winipmunyopura, Allah arye anggun erebuka deipsiliba, anggunce amutuku nirya talibuka unamlume. Tonda, aminyan talak, Allah arye, sik malye winin ninguk, talibuka wininyak ninye ati, weneplirye opliba, pia kum kipdeipnamle talak ara, anggun asing arye eipnamlume.
Mazmur 91:8 - Eipomek8 Anggun winibuka unamlum talak ara, anggun asing arye, amutuku nirya dinmalumba, ‘Sik amalye winilamak ninye, sik wenena ati, dolonyak dekna ati ara, ikin ning doprobikirye, dibinyake’ tenen, eipnamlume. Utenepmunce, sik malye wininyak ninye dipnamaka ara, anggun asing arye elinamlume. အခန်းကိုကြည့်ပါ။ |
Mazmur 91:8
9 ပူးပေါင်းရင်းမြစ်များ
Diba na nio, malye wininyak nang weik daunyak bukni, ance nati, pia melinilyama deice arye, mikip kinulule. Winipmanto ara, sapi basam yim weik ning, el kisok deice tace belelamle ning, mikip ulye touk, ance nati, mikip kilinilyame. Tonda, ance, ‘Anye bira, ninye deiyok kibuka, na mapu Israel yala nang taliplirye, sik ninye deiyoknye unamle’ tenen, akunum wipnimince, aning lakilina ati, na kisok deice, minyak zaitun mek akunum likdeipnulume.
Nyabikba, Musa birye tamubuka sikti, nyabuk. “Anggun ilil una kum asa, anggun tikmunce dinululume. Arup ara, Allah el si Yahweh arye anggun lyena ati winipnul ning eibuka kel biknamalume. Ati ara, anggunce Mesir ninye arup eipnamaluma ara, anggunce yuk talak tonap kum eipnamlume. Nirya dipnamake,” nyabuk.
Asum noutamak ara, Allah el si Yahweh arye Israel ninye lyeprobuk. Ara, Mesir ninye talibuka ulamika noutamak ap, tonda Mesir mutuku yin talin nang arye, ‘Israel ninye tomobuk opnuyap,’ tenebik ning ap, noutamak arye lyeprobuk. Tonda Mesir ninye laut mekwen noutamak dipmikba, sik nong laut mekwen kup-kup upmokak ara, Israel ninye arye eibik.
Bukni, sikce malye ninguk, talibuka winilamice nang ara, nyapnamlulume! “Anggunda bico, anggun wenena ati, ikin ning ton dopropnamlume. Anggunce yuk nang ati, ikin ning delilalum touk, anggun babye, ikin ning anggun dam yalyopura, dopropnamlume. Tonda, anggunce malye-malye pil dolamlum touk, anggun dam ara, ikin pia ning yanuka, anggun nong deice deipsilyeura, doropnamlume,” nyabuka wenepnamlyame.
Aning nirya winipniba, anggun Israel ninye nirya, anggun bidamnye asing arye ipmunce, nyapnamlume, “Se, dipkoprop, Allah Yahweh elda mikip weik arye Israel ninye unyap mutuku ap, yuk pera mutuku noutamak nirya ap, weik mambul pil dolule. Nun kum unyap mutuku noutamak babye, elce talibuka, mambul piluk dolule,” nyabuka nyanamlume.
‘Tuba kanye moupnamabe,’ nyapmasina ara, deiyok ning ton nyapnusine. Ara, malaikat ara, mitik mambul unyak bukni, Allah arye nyapdeibukba, sik malaikat arye tukwak ninye ati, nyalamik yupu nirya, adiparyuk kekebuka ulamik bukni, ayupu yaniltalamik ninye nirya ati, sik yanilamikce malye winilamik touk Allah arye, wenebuka olamuk. ‘Dauplye’ tenen, batakalongona kumce, adiparyuk aninye nirya ati wenebuka olamuke.
ကြော်ငြာတွေ