Mazmur 91:10 - Eipomek

¹⁰ Winibuka melipsilirye, kaliksilyopura, anggun unamlumak ap, anggun asik ap nirya ara, weik ikin ning ton, anggun damak usilibuk, pia kum dopropnamlume. Tonda, anggun unamlumak ara, kanye imun ning, anggun damak yanuka, anggun nong deice kum upnamsile.

Mazmur 91:10 ပူးပေါင်းရင်းမြစ်များ

Ayub 5:24

Allah arye melipkilyopura, an aik dobuka unamlamak ara, telebuk unalame. Atalak ara, an babye eipnamlame. Tonda, an weinamlam domba basam babye, an talinalam ning babye, tonok babye ton, kum wangapnalame. Allah arye bico tenesilye nang nirya babye, atonun unamabe.

Mazmur 121:7

Allah Yahweh arye, nun nirya ati, kalikuka melisilya deice arye, nun opmanto ning nirya ara, nun damak ton pia kum unamsile. Elce teleb ubuka melisilyeba, kamuk unamabe.

Amsal 12:21

Teleb ninguk talibuka unyak ninye, sik dam ara pia weik kanye imun ning ap, yuk ikin weik pirilen ning nirya ara, sik dam ton pia kum unamle. Bukni, malye un ninguk talibuka unyak nang ara, sik unamakak nirya ara, pia weik kanye imun ning ap, pia weik pirilen ning ap, tuba-tuba yangaliba, imun kanye bobuka unamake.

Roma 8:25

Bukni, nun min kum doprobupu ning ati, ‘Dan talak arepnamsil do?’ tenen, kintinibuka dinauk unamap talak noutamak nirya ara, kanye bokoltona ap, ‘Se,’ tenena ap kum diparyuk, teleb kanye bobuka, batakna kumce, pia talibuka unamabe.

Ulangan 7:15

“Tonda, Allah arye anggunti, anggun on ning do, uk ning ayala-yala nirya do, ‘Malye winin ning yalirye, uk diplyak’ tenen, el mikip arye anggunti, kalikuka melinamsilirye, kwetenamsile. Winipsiliba, aning nirya yukak bindopnamle. Tonda, anggunce dinmalum buk, Mesir mutuku ninye, sik wenena ati, sik nong deice, weik mambul uk dina deiyok ning, pirilen ning deiamuk ning ara, anggun dam ton pia kum upnamsile. Allah arye, ‘Na mapu malye ning yalyak’ tenen, kalikuka melipnamsil ati, nyapsine. Anggun dam ton, kanye imun ning weik kum delinamsil bukni, yuk mutuku nang arye, anggun Israel ninye ati, ‘Aninye nun like,’ tenenyak nang ati ara, Allah arye, sik nong deice, kanye imun ning delinamle,” Musa birye, Israel nang ati nyabuk.