Winipmanto ara, sik amalye weik wininyak nang ara, lengdar mabibirye, aning-aning elinyap bukni, bukipyopura, lengdar deice eipmapye ning, adiparyuk kum daliba, luba kilamap touk, sik anang babye, atonun upnamake. Lengdar mapmabibuk, lukunyan noutam ara, laka upmalya eipmapya ani, adiparyuk kum danalamle touk upnamake.
Mazmur 90:5 - Eipomek5 Ance ninye isin arepsulum ning, tamubuka dopropsiminye talak ara, winipmanto ara, lengdar mabikirye, kanye nep-nep alamak atonun unyabe. Tonda, maning kwapu bongobuka, tikaplya ani, sesal selolamleto, nun ninye babye, lik tonok kam unmapya ani, adiparyuk dibinyabe. အခန်းကိုကြည့်ပါ။ |
Mazmur 90:5
16 ပူးပေါင်းရင်းမြစ်များ
Sik anang ara, sik dibin talak min kum upmalyebuk, Allah arye anang ara mikip arye libuka, doprobukba, kum dayuk. Winipmanto ara, ninye arye aik domikce bukni, talye karin arye weik mok ceplirye, mek obuka yangalirye, aik ap, anyaik ayukumna yo ap nirya ara, bobolamle touk, Allah arye anang nirya ara, minopce akunum kum kipdeibuke.
Ninye tukwak nang ara, mikip kum mitanguk unyaba anya arye, minopce dibinyabe. Ninye ara, beren tam talak uk kam unyak bukni, keting noutam ara, nirya debuka yamunyake. Dibicopura, tuba tamubuka tonap diamikce, nang kum elinyabe. Ton nang ara dibicopura, yuk nang arye anang ati, tuba tenena kumce, luba kildongonyake.
Na kam tuba unun talak asum-asum nirya ara, sik kumce, pia minopce sirya dakalolule. Winipmanto ara, pia kanam ning, pina atonun arye, mekwen deice balamle ning, el si ara perau, pina arye kintinibuka mekwen deice deibikiba, aning ara, mek mikip arye minopce bobalamle. Aning atonun ton, na kam tuba unye talak babye, atonun unulule. Minopce bikbik abuka kum danin balule. Tonda Bib maka, el din ning eiplirye, pia minop lakuka yalirye, koulukuka olamle touk, na kam una ara, uku pia kum upnin banamle.
Winipmanto ara, ninye arye, lengdar mabikirye, aning-aning ayala-ayala nirya elinyak bukni, mapmakca ani, bukikirye, adiparyuk, sik asum lengdar deice arye eipmakce ning, lak noutam kum upliba, kum eipmanto ati ara, luba kilongolamak touk, wininamake. Ara, Allah Yahweh, ance aninye sik wenena ati, yanamlam talak ara, sik malye unyak ninye nirya, adiparyuk kum daneipnamlyame. Lengdar mapmakca ani, bukikirye, luba kilongolamak touk kibuka, an adiparyuk aninye ati wenepmince, kum daneipnamlyame.
Nara, dibin dam akunum besi. Domba basam wein nang arye, sik kain doltakne tenda aik ulultakalamaka atonun, na kam una deiyok ning ara, kanam aryuk kum winipmanto upnuke. Tonda winipmanto ton, baju win nang arye, cang baju akunum winmakca ani, sikce, ‘Abaju cang ara, akunuma,’ tenebikcopura, adiparyuk kunting arye sekeltakanyak touk, Allah arye, na kam un talak sekmanto upnuke. Asum-asum nirya ara, Allah arye nati, ‘El awinilye ning nirya ara, kum kipdeipnamne, tenepnuke,’ tenipsirye nyapse.
Nara, kanye imun weik uk dilamnukba, lukunyan noutam nirya babye, beren tam babye nirya ara, ‘Se, melibuka kwetepnilyame!’ nyabuka moropsirye ngalukunmase. ‘Yu kus atonun ning, el si singa arye, ninye yok nirya malye kibuka karulamle touk upnile,’ tenelamse. ‘Allah arye na kam una ara, asukumuk deipnamnilce, upnila,’ tenepse.
Ninye yupu atonun deice arye nyapnuke. “Allah arye nyanamsil yupu ara, lakak arye laka nyanamlulume,” nyabukba, narye, ‘Ati, yata yupu nyanamne do?’ nyabuka asipdese. Asipdesiba, elce nyapnuke. “Tukwak unyak ninye nirya ara, talye palamle mutmuta atonun ululume. Tonda keta on ning keta opmaliba, like bitinyeto, winilyeto ara, urasin teleb upmalya ani, adiparyuk sesal lebuka koluplirye, akapsakliba, kum ulul touk, tukwak ninye nirya babye aning atonun unyake.
“Allah el yupu pia unamle,” nyapsin yupu ati ara, ayupu dipdelulume. Yesaya arye sekeiyamsuk yupu ara ani. ‘Ninye tukwak nang nirya ara, mutmuta atonun unyake. Sik urasin teleb unyaka ap, sikce memenyak ning teleb ning nirya ap, dolkua deice kita popmalya ani, kuluplyeura, dakalsakalamle touk unyake.’
ကြော်ငြာတွေ