Mazmur 90:4 - Eipomek

⁴ Na ni Allah, ance tenelyam ning ara, keting tamun yupa pia weik, seribu tahun kiplyeura, ‘Ara tonok sum atonun uple,’ tenelyame. Tonda, keting tamun yupa weik, seribu tahun uplye babye, tonok sum atonun tenelule. Tonda keting tamun yupa weik, seribu tahun uplye babye, ara tonok lukunyan atonun tenelule.

Mazmur 90:4 ပူးပေါင်းရင်းမြစ်များ

Mazmur 39:5

Ara, ‘Se, na ni Allah Yahweh, yata talak ton kam unamne do? Na kam unamna talakk ara, ouku weik tonun ton, lo unamne do, mitik tonunuk do? Bukni, nun tukwak nang ara, keting tamun mitik tonun dem kam unyaba ati, ance aning lake nyapniminba, moubuka biknirye, telebuk wininamne.

Keluaran 14:24

Akunum bereknuyuk talak ara, Allah el si Yahweh arye weik uku buk ap, dua ap noutamak arye, Mesir mutuku mal olan nang banmekak eibukce, kanye walwal una deiyok ning arebukba, sik nirya kanye walwal ubukba, kanye teniltona uk unmek.

Matius 14:25

Sik amekwen deice tuba banmeka ani, bereknamalya ati, tulik bisik yalamle talak ubukura, Yesus mekwen deice yanibuka, el mapu banmekak biyuk.

Matius 24:43

Bukni, ‘Anggun moubuka kel kipnululum’ tenen, sirya daknamle talak winipnamsil ning atonun ning ati, winipmanto yupu nyapnusine. Aik deiyoknye birye, ‘Ubula donanye alukunyan noutamak, aketing deice arye ubula dolyanamanile’ tenen, kel kepmatu toura, mana kumce, pia kalikuka dinmatu ati ara, ubula donanye birye, el aik wekuka, el ning ubula kum doproptue.

Lukas 12:38

Yata pil don nang do nirya, sik deiyoknye lukunyan yanamalye ning babye, elda upmalya ani, lukunyan dukduk alamle talak yanamalye ning babye, sikce ‘Nun deiyoknye dan talak yanamle do?’ tenen, kintinipdeibuka dinmakibuk yalyopura, teleb ulinamle.

2 Peterus 3:8

Winipnamle bukni, na kayapu amambul nyapnusin yupu ara, luba kina pia kume. Ara, Allah el kanye ara, ‘Liki tonok sum ara, keting tamun yupa weik 1.000 tahun atouk ulule,’ tenelule. Atouk, ‘Keting tamun yupa weik, 1.000 tahun ara, liki tonok sum atouk ulule,’ tenelule.

Hakim-Hakim 7:19

Alukunyan bukni, sik Midian ninye kalikna nang wi talina ati, punulanmek talak, pia lukunyan duk-duk ara, Gideon ap, el neika banmek nang seratus nang ap, sik mal olan nang ulamik asik dam panalbiyik. Anyaik dam wekikce sik talipmik binggong yupu lena terompet nyabikce, kendi mek makau talipmika botobikba, aning pum bisik dongopmik weisa ara, uku buk laka pabuk.