Atalak ara, Lewi yala nang arye deiyok koubuka, Allah ati moronmek. Moronmek nang sik si ara ani. Yesua ap, Kadmiel ap, Bani ap, Hasapnia ap, Serebya ap, Hodia ap, Sebanya ap, tonda Petahya ap arye, moronmek. Moronmekce, nyanmek, “Anggun nirya tiklulume. Anggun ni koprop Allah, el si Yahweh ati, si erepnamlume. Yahweh ara, minop arye aulamuka ani, wini talak babye, doyanamle talak babye, apia unamlanye, Allah el si erenamlume,” nyanmek. Sikce nyanmek yupu ara ani. “Nun ni Allah, an si weik mambule. An ap, an si ap ati, pia telebe. ‘Ninye mutuku-mutuku nirya, an si biketinge’ tenen, nyapkiyabe. Yuk-yuk ning, ance arisilyam ning nirya ati, ‘Aning ara mitik mambule’ tenen, ‘Telebe,’ nyaptibye bukni, an tonok ati ara, pia weik arye an si erenyabe. Yuk teleb ning nirya ara, an amu tam uliba, anda weik si erenanye deice tam ulyama anya arye, ‘Anda weik mambule,’ nyapkiyabe. Yuk ning nirya ara, mitik mambul uka. Ati ara, anti pia si erenamkiyabe,” nyabuka si erenmek.
Mazmur 89:52 - Eipomek52 Tonda, na ni Allah Yahweh anti, ‘Nun like,’ tenekinyak ninye arye, ninye deiyok kina ati, wipdeiplumnye Daud ati, sikce malye yupu nyabuka yep-yep anyake. Ara, dan sukum do nirya, el banmalebuk, eibikirye, yep-yep abuka, nalinauk unyake. အခန်းကိုကြည့်ပါ။ |
Mazmur 89:52
10 ပူးပေါင်းရင်းမြစ်များ
Tonda nyapsine. Nun nirya arye, nun ni Allah, nun Israel nang arye si erenyap Allah ara, el si Yahweh ati, “Anda pia telebnye ulyame,” nyabuka, el siuk erenamabe. Allah Yahweh ara, aning-aning min kum uamuk talak arye, dipdongobuka, danoutam talak nirya ap, dounamle talak nirya ap, eluk aulule. Pia Kam Unanye ulula ati, minop talak akunum ulamukce, danoutam talak ulamuka ani, wini talak tuba ulye touk, aminyan doupnamle talak babye, kam tuba unamle! Ati ara, nun Israel yala nang ap, tukwak mutuku unyak nang, yuk-yuk nang nirya ap ara, “Allah pia aunamle” tenen ati, ‘Amin’ nyanamabe. Tonda, nun nirya arye, “Yahweh anda, Pia Telebnye ulyame,” nyabuka, “El siuk pia erenamabe,” nyapne.
Ati, na on nang nirya, eipnikirye, ‘Moubuka, ikin ulule,’ nyabuka nalibuka, malye nyaninyake. Aning atonun, na aik dam unyak nang eipnikirye, ilil weik upliba, sikce, ‘Se, anye akunum nong bol, pia malyeuk ulule. Nun ton winipsilyak’ tenen, ‘El dam ton pia kum binamabe,’ tenenyake. Tonda, na kayapu nang arye, nati akunum eibuka, kel bikamnik nang nirya, eipnikirye, ‘Se, anye bira, pia weik uk dilamukba, elda akunum nong bol malye weik ulule,’ nyaninyake. Ati, yata nang do nirya, nun asik noutam bisik banmakirye, eipnikcopura, ‘Se, aning ara, nun deice dakdongopsilyak’ tenen, adiparyuk leibuka balonyake.
Tonda, sik yuk-yuk mutuku nang ara, anti, diba tenebuka kum bikikinyak nang ara, nun Israel nang dana-dana tam unyak nang ati, weik tonun wenepnalame. Na nio, anda aning-aning nirya talibuka, nun weik deiyoknye ulyama ati, sik yuk-yuk mutuku nang arye nunti, nalibuka, malye yupu weik nyalamsikce, akutulamsika atonun bukni, ‘Ance tabakuka, like tekbarye tabakuka, pia weik tonun, sik nong deice ikin ning delinalam’ tenen, moropkiabe.
‘Malye upnamak do?’ tenen, ‘Weik ikin winilden ning kum arepnamsilam’ tenen, moropkiyabe. Aning kum bukni, tonda, Pia Malye Uning Deiyoknye, ara Isa Mutuku Dongonye arye, ‘Malye ulisulul anya arye, malye winibibyak’ tenen, ‘Ance kalikuka disimince melinamsilam’ tenen, moropkiyabe. Ayupu nyabuka, Allah moronamlulume. Yesus arye el yupu kekenmek nang ati nyabuk. Nyabukce ayupu tonap nyabuk.
Aning ati ara, nun ni Allah, elda Weik Ninye Deiyoknye, Sisinanye minop dorapce dipdongobuka noutam talak ap, wini talak ap, aminyan do unamle talak ap nirya, pia unamle. Elda, pia kam ulul anya arye, kum diptue. Ninye asing arye pia kum eiptinge. Dipkoprop Allah ara, el tonoka, yuk ton kum ulule. Ati ara, ninye nirya arye, adiparyuk atalak babye, aminyan talak nirya babye, ‘El ti si erebuka, el si weik arye erepnamak’ tenen, Allah moronune. ‘Aning ara, dipkoprop unamle’ tenen, pia patanulul anya arye, Amin nyapne. Akunuma.