Mazmur 88:18 - Eipomek

¹⁸ Ara, asum-asum nirya noutam ara, na wenena ati arenilyam ikin ning ara, na dana-dana tam nirya, antanap dongobuka yanganulule. Winipmanto ara, weik mek opnin banmalirye, dana-dana tam ulul ning nirya dilamle touk unulule. Ara, tonok tam arye kum yanganulule. Aning kum bukni, na dana-dana tam nirya arye, aikin ning na dam yanganilirye, dinikilongonulule.

Mazmur 88:18 ပူးပေါင်းရင်းမြစ်များ

Mazmur 118:10

Minop talak ara, na mal olan nang weik yangalamikce, yanuka weik arye, wareklamnik bukni, Allah Yahweh, el mikip weik deice arye meliamnukba, Allah Yahweh, el si deice arye, sik aolyangalamnik nang nirya ati obuka, sirya daklamse.

Mazmur 118:11

Ara, tonok bisik aryuk kum yangalamik. Dana-dana bisik ap, itam bisik ap, outam bisik ap nirya yangalamikce, yanuka wareklamnik. Bukni, winilamnik talak nirya ara, Allah Yahweh el mikip weik deice arye meliamnukba, Allah Yahweh, el si deice arye, sik aolyangalamnik nang nirya ati, olbisilamse.

Mazmur 31:11

Aning ara, talye ati kum nyapne. Deiyok ara, ikin weik uniliba, imun kanye bobuka ununa ati, na kam unye talak nirya, engenauk unune. Tonda, asum-asum nirya ap, aketing tamun, aketing tamun noutam nirya ara, narye ‘Se, yata winiptinye do?’ nyabuka ngalukunauk unune. Tonda, asum-asum nirya ap, aketing tamun, aketing tamun noutam nirya ara, narye, ‘Se, yata winiptinye do?’ tenen, malye nyabuka unune. Na nong ap, na nong noutam unilye yok nirya ara, pia mitanguk unulula ati, winipmanto ara, na yok babye, pia kum danin banulule.

Mazmur 38:11

Tonda, na talima noutam ara, weik tonun nyalanauk unulule. Wininirye, isin welepnilirye, na nong mikip ara, akunum kum danmanile. Tonda, na asing babye, akunum kupnamnila ati, eipmanto kum unamne.

Mazmur 88:8

Ara, na malye winilamse ning wenena ati, yu weik upkukba, na nong deice, ikin ning pia weik arye deipnulume. Ara, an yu deice arye, ikin weik arye areniminyeba, nara kum winipmanto unune. Winipmanto ara, laut mekwen noutam, mek weik arye deibuka, welepnin yangalamle atonun, ikin ning ara, na dam tuba yanganulule.