Mazmur 88:14 - Eipomek

¹⁴ Sik akunum diamik nang ara, an winilyam ning, pia kum laka nyapting bukni, na ni Allah Yahweh, narye antibuk, “Se, na melibuka lyepnilyame,” nyabuka, engena deice arye, morokunune. Ara, beren tam talak nirya ara, na adiparyuk mapmanya ani, bukuka, anti, “Naio, ancuk melibuka lyepnilyame!” nyabuka, moropnyeura, narye morokinye yupu ara, an dam yangalule.

Mazmur 88:14 ပူးပေါင်းရင်းမြစ်များ

Ayub 13:24

Se, na nio. Anda yata deiyok ati, na duknunimince, na dam yanuka, pia kum melinilyam do? Tonda, yata deiyok ati, ance nati, ‘Anye bira, lik tenenilyamce, malyeuk winilula ati, elti, weik wenebuka opnamne,’ tenenilyam do?

Mazmur 13:1

Mazmur yupu deice mot nyana ati, Raja Daud birye sekuk. Ara, Allah yupu mot nyana deiyoknye arepnamika ati, amot sekuk.

Mazmur 43:2

Na ni Allah, anda, ninye melina deiyoknye ulyame. Winipmanto ara, ‘Yuk nang opsicak’ tenen, kwarabuka bikirye, weik keil poka domikca dam, duknulbalamak touk, ‘Lelipdongopnamnil’ tenen, nara minopce kwarabuka, an dam duknulyanganune. Bukni, yata deiyok ati bataknulum do? Winipnulumba, na mal olan nang arye, sik yu kanye, na deice delinikiba, kanye imun deiceuk unun do?

Mazmur 44:24

Aning ati ara, ‘Nun ni Allah, an bikmince, minopce nun dam yana melibuka lyepropnamsilam’ tenen, moropkiyabe. Na nio, anda nunti, ‘Pia kum batakanamsilam’ tenen, moropkiyabe. “Ati na nio, minopce nun dam yana melibuka lyepropsilyame!” moropkiyape.

Mazmur 44:9

Diba, yuk mikip ululnye biti, pia kum bukni, Allah an tonok, “Nun ni Allah elcuk lyelosulule,” nyabuka, an siuk pia erekinyabe. Ati na ni Allaho, nun Israel yala nang arye, an ap, an si ap ati, “Anda pia telebe,” nyabuka, an siuk pia erenamkiabe.

Mazmur 5:4

Se na ni Allah Yahweh, beren tam talak arye, na morokunun yupu ara, ance tuba kekenilyame. Beren tam talak nirya ara, an morona ati, teleb ning kintinip deipnirye, anti arelyanganune. Aning akunum arepkinyopura, ‘Allah Yahweh arye yata yupu nyapnunil do?’ tenen, dina ap, moubuka kekena ap unune.

Mazmur 69:17

Na ni Allah Yahweh, ance weik bico teneniminya deice arye, amoropne ning nirya, kekebuka melipnilyame. Anda pia telebuk umince, ninye ati weik arye kanye talima pum tam kanye deibuka bico tenebuka, melilyamnye uminya ati, ‘Na babye lyepnamnilam’ tenen, moropkine.

Matius 27:46

Inibukce kunadakmoka ani, keting winilye ton akunum ubukura, sintam jam 3 sore atonun, Yesus weik yupu arye nyabuka ngalukuk. El yupu deice arye nyabuk ning ara atia. “Eloi, Eloi lama sabaktani.” Yesus arye nyabuk. Anyabuk yupu deiyok ara ani. Ara, “Na ni Allah, na ni Allah yata ati batakuka lubakipmanilam do?” nyabuka ngalukuk.’ (Mazmur 22:1)