Mazmur 8:8 - Eipomek

⁸ Ati ara, ninye tukwak ninye amu tam ululba, nunce deiyok talibuka, deice tam unyap ning ara ani. Ara, ninye arye weilamak kam ulul ning aning-aning nirya, talibuka deiyok nang unyabe. Ara, domba basam ap, sapi basam ap, ninye arye weilamak ning ap, tonda bai mutuku kam ulul ning ayala-yala nirya ap ara, ‘Ninye arye talinamake’ tenen, kwepdeiplumce, aning nirya nun amu tam deiamsulumba, talinyabe.

Mazmur 8:8 ပူးပေါင်းရင်းမြစ်များ

Ayub 38:39

Ayub ance, bai tam ulamle kam ning, el urasin ara, kus atonun ning, yu weik ning, el si singa kus nyalamak ning ara, el dina ati, yuk mitik bai tam kam ulul ning optumce, bobuka, yu singa kus kil ning damak, el din ning areptum do? Tonda, ance singa kus yim babye, el dina patalamle talak ara, din ning weik areptumba, bouptu do?

Ayub 40:15

Narye anti kwepdeipkise touk, yuk kam ulye ning, el nong weik yu ning ara, kwepdeipsiba, weik mek dam bukni, bai tam ulule. El nong ara, weik ning bukni, sapi basam arye, talye palamle maning dilamle touk, aninguk diplirye ulule. Aning ara, eipmince, moubuka tenipnamlyame.

Mazmur 148:10

Aning atonun, kam ning ayala-yala nirya, Allah arye kwepdeiamlumba, talye bai tam noutamak, kam unyak ning ayala-yala nirya ap, ninye arye weinyak ning ayala-yala nirya ap, tonda pol deice arye lakuka balalum maka, ayala-yala nirya ap, tonda bai tam kam ukirye mun deice balul ning ayala-yala nirya ap, anggun nirya arye, Allah el siuk erenamlulume.