Mazmur 8:7 - Eipomek

⁷ Tonda, Allah ance ninye tukwak ninye kwepdeipsulumce, ‘Sikda tukwak mutuku ulul ning nirya talibuka deiyok nang unamak’ tenen, aning nirya ara, nun amu tam deipmunyeba, nun tukwak ninye arye, tukwak mutuku noutamak kam ulul ning aning-aning nirya, nuncuk talibuka, weik deiyok nang unyabe. Aning nirya ara, nun yan amu tam ululba, nunda aning nirya deice tam atonun unyabe.

Mazmur 8:7 ပူးပေါင်းရင်းမြစ်များ

Kejadian 1:26

Winibukopura, Allah arye, nyabuk. “Nun unyaba atonun ninye ton kwepdeinuyabe. Nun urasin atonun tukwak ninye kwepdeibibyeba, ninye arye, tukwak mutuku ning nirya ara, talibuka deiyok nang kibuka unamake. Ara, laut mekwen noutam ulye ning ap, mek pum bal ikan ap, tonda im deice lakuka balamle maka ayala-yala nirya ap, ninye arye weinamak ning yala nirya ap, tuku deice yanibuka banamle ning nirya ap, ara, tukwak mutuku im sirya, mutuku sirya unamle ning nirya ati, tukwak ninye talibikirye, deiyok nang kibuka unamake.” Allah arye nyabuk.

Kejadian 1:28

Kwepdeibukce, sikti, teleb yupu nyabuka, teleb kipdeibukce, nyabuk, “Anggun mapu weika arye, deipnin balamdumunya arye, tukwak ninye weik upnin banamake. Im sirya, mutuku sirya, mutuku-mutuku nirya binuka umunce, aning-aning nirya ati, malye kibuka talinamlume. Mekwen noutam ulye mek pum bal ikan ap, im deice lakuka balamle maka aning-aning nirya ap, tukwak yanibuka balamle kam ulamak ning nirya ap ati, talipmunce, deiyok nang kibuka unamlume.” Allah arye nyabuk.

Kejadian 2:20

Akam ulamuk ning nirya, Adam dam banmekba, elce aning ayala-yala nirya ati, sisibuka arebuk. Ara ninye arye, weilamak ning ap, im deice lakuka balamle maka yala nirya ap, talye buru tam ulye ning nirya ap, sisibuk. Adam arye, si sinmoka ani, akunum sirya dakuk bukni, el ap, koprop neika teleb ubuka upmanto ning, el melipmanto ning ton, kum eibuk.