Mazmur 78:9 - Eipomek

⁹ Winipmanto ara, Israel nang bukni, sik Efraim yala nang ara, ‘Allah melipsilya deice arye, nun mal olan nang ati, mal olalbinamab,’ tenebik. Bukni, sikce amal olan talak ara, ilil ubukba, tamubikce, bikbik abuka bindobik.

Mazmur 78:9 ပူးပေါင်းရင်းမြစ်များ

1 Tawarikh 12:2

Ayanganmek nang nirya ara, sik Benyamin yala nang ulamika ati, ninye deiyoknye Raja Saul ulamuk touk, el yala nanguk ulamik. Sik ayanganmek nang nirya ara, ninye ona ati, keil dikdongobuka donyak ning el si kartapel dona ap, tonda yin arye dipdongobuka dolamak mal dona ap, weik kel nang ulamik. Sikce sik sirik taruk deice babye, kwanim taruk deice arye dona babye, sik pia weik kel nang ulamikce, Daud melina ati yanganmek.

Mazmur 78:57

Ara, sik apu yapu arye, malye weik winilamik touk, atalak ulamik Israel nang babye, Allah ati tuba diba kum tenelamikce, elti, batakuka, malyeuk winilamik. Winipmanto ara, ninye on kwatima ara, kwalipmalye mal arye dobikiba, moubuka, kum bikilbitue atonun, sik anang, sik kanye talima nirya ara, akunum kwalibukba, Allah ati, diba kum tenelamikce, el yupu tuba talibuka kum dobolbalamik.

Lukas 22:33

Yesus arye nyabukura, Peterus arye tamubuka nyabuk. “Kume naio, wenena aik dongopniting babye, na opnitinga babye, na kanye ara aning telebuka. Na ap an ap, neika unaname” nyabuk.

Hakim-Hakim 20:39

Bukni, atalak aryuk sik Benyamin tam yin talin nang arye sik Israel yala yin talin nang ati, olanmeka ani, tiga puluh (30) nang obik. Tonda, sik Benyamin yala nang arye, ‘E, min sum arye, nunce sik Israel yala nang obuka sirya dakmapu touk, arup babye atouk akunum winipmabe,’ tenebik.

Hakim-Hakim 9:28

Ebed elce deiamuknye, Gaal birye nyabuk, “Nunda, yata nang ubirye, Abimelek el yupu dem kekebuka, el amu tamuk unamap do? Elda yata tonye ulya ati do? Abimelek bira, el li koprop ara, Yerubaal ulamuk. Ati, elda Gideon tamnye ulula anya arye, nun tamnye kum ulule. Tonda, Abimelek birye Zebul wipdeibukba, elce deiyok kibukabukce, nun mutuku deiyoknye Gubenur atouk usulule. Dipkoprob teleb ning ara, nunda, nun apu koproba, Hemor birye deiamukba, dadeipdanin yangalamik nang, sik el tam nanguk, sik amu tam uptibye. Sik atam nang aryuk, nun deiyok nang talipsitingba, sik amu tam uptibye. Hemor bira, Sikhem mutuku unyap nang ara, nun apu ulamuka ati, el tam nang aryuk nun talipsitinge,” nyabik.

1 Samuel 31:1

Atalak ara, sik Pilistin yala nang arye, Israel yala ninye ati, ‘Obuka, sirya daknuyap’ tenen, olyanmek. Olanmekba, sik Israel ninye ilil ubukba, bikbik abuka biyik bukni, Pilistin nang arye, ninye weik obik. Ara, mutuku si Gilboa mutuku deice arye, Israel ninye weik obik. Obikba, Saul ap, el mapu koproba ap, el melin nang ap, nirya bikbik abuka bindobik.

1 Samuel 4:10

“Winipnamabe,” nyabikba, sik nirya kintinibikce, Pilistin nang ap, Israel ninye ap, mal olanmeka ani, Pilistin nang arye Israel ninye nirya, obuka sirya dakik. Sik Israel ninye yin talin nang ara, pia weik, tiga puluh ribu (30.000) nang oplobik. Winibuka obikce, tuba batakdongobik nang nirya ara, tamubuka sik baju bol doltakna tenda aik yuk-yuk ulamik touk, bikbik abuka yandobik.