Mazmur 78:62 - Eipomek

⁶² Aning kum bukni, Israel nang arye, malye weik winilamika ati, Allah arye lo arebukba, sik mal olan nang arye yanuka, Israel nang yupa pia weik tonun, ninye on parang doyanarye, olamik. Israel yala nang arye, malye weik winilamik ning ati, Allah arye sikti, ‘Na like, sik daupmalye,’ tenebukce, sikti, kum kaliklamukce, mangkau kilamukba, ikin ning weik, sik dam yangalamuk.

Mazmur 78:62 ပူးပေါင်းရင်းမြစ်များ

Mazmur 89:38

El yala nang arye, amutuku talilbanamak talak nirya ara, yata im deice ulirye, el dirina pia ati, aulamle touk, ubuka ninye deiyok nang kibikirye, talipra banamake. Akunuma nyana ati, Selah nyapne. Allah arye nyabuk.

Yesaya 64:9

Ati, nun ni Allah Yahweh, ance nun malye winilamap ning ati, pia yu weik upkiliba derepnirye, ‘Wenepnamne’ tenen, ‘Aning ara, tuba kum tenenamsilyam’ tenen, moropkinyabe. Nunda ance wiamsulumce, an mapu koproba una ati, kintinip deiamsulumba, unyaba anya arye, nun malye wininyap ning ara, ‘Tuba kum tenenamsilam’ tenen, morokinyabe. Aning kum bukni, ‘Ance nunti tamubuka kanye deipsimince, nun ikin usilye ning ati, melinamsilam’ tenen, morokinyabe, na nio.

Yeremia 12:13

Winipmanto ara, na mapu Israel nang arye gandum yala akunum dokik bukni, el duk kum daknamake. Talya taca ninguk kipdeipnamake. Imun kanye deice arye, sik wa akunum piribuka wibik ning ara, nong ton pia kum ubuk. Winibuka ati, sikce, ‘Se yata ati upsil do?’ tenen, taram talipdanuka, talima dakalsakalule. Sikce, ‘Aning libibirye, dekeipyopura, bona talin nang unamapʼ tenen, pirilamik bukni, nong pia kum ubuke. Ati, na Allah arye sikti, yu upniliba, sik deice ikin ning deipnyopura, sik wa winyak ning ara, nong ton libuka kum dipnamaka ati, alye weik dakdanamake. Allah arye, na Yeremia dam yanuka nyapnuk.

Yeremia 12:7

Allah arye nyabuk. Na Allah arye Israel mutuku noutam unamak nang ati, tonap tuba kum tenenamne. Israel mutuku ara, na mutuku koprop ulul bukni, amutuku ara, akunum bataknamne. Tonda, na mapu sikti, bico tenelamse nang ara, narye dobuka, sik mal olan nang deiceuk deipnamne.

1 Samuel 4:2

Sik Pilistin yin talin nang nirya arye, ‘Israel mutuku ninye olbinamap’ tenen, akunum mikip dobuka, kintinibikopura, Pilistin nang ap, Israel ninye ap, mal olanmeka ani, Pilistin nang arye, Israel ninye nirya obuka, sirya dakik. Obuka sirya dakikce, Israel sik yin talin nang, yupa pia weik 4.000 nang obik. Ara, amal olanmeka deice arye oplobik.