Mazmur 78:60 - Eipomek

⁶⁰ Tonda, Allah arye tia ati, Silo mutuku noutam ulamuka ara, amutuku batakuka bindobuk. Ara, Allah el yu weik ubuka ati, tia talak arye, ‘Na ap, Israel nang ap, neika unamap’ tenen, el si eren aik ati, terpal arye, domik aik, el si ara, Ansinilin Tenda Aik, Silo mutuku noutam, tia ati dobik ning babye, Allah arye anyaik batakuka bindobuk.

Mazmur 78:60 ပူးပေါင်းရင်းမြစ်များ

Yosua 18:1

Allah arye Israel nang ati, “Amutuku nirya arepnamsine,” nyapdeiamuk mutuku, akunum binuka doprobik talak ara, sik Israel yala nang nirya bulubuka, Silo mutuku uk wekik. Winibikce, amutuku noutam ara, Allah ap, ninye ap epdanuka, Allah el si erena ati, tenda arye dolina aik kintinibuka deibik. Atalak ara, Kanaan noutam nirya ara, anyasik nirya, akunum obisibikce, amutuku nirya akunum dopromika ati, yuk tam nang ton, tonok nang babye, ton kum yanuka warikik. Talya urdem ulamik.

1 Samuel 1:3

Atalak ara, aketing tamun, aketing tamun nirya, Elkana birye, ‘Na ni Allah el si Yahweh, aning-aning deice tam ululnye, el si erenamne’ tenen, Ramataim mutuku arye, Allah arena ati, el weilamuk kam ning tonok-tonok dobuka, Silo mutuku balamuk. Atalak ara, Allah Yahweh el si eren aik pum tam pil dona deiyok nang ara, Eli el mapu bitinye, Hofini ap, Pineas ap ulamdik.