Mazmur 78:2 - Eipomek

² Narye, winipmanto yupu atonun bukni, el si ara amsal deice, ayupu nyapnusine. Narye nyapnusin yupu ara, minop talak arye nyalamnikba, kekelamsa ati, minop kanam asa aryuk, kum kekeplume. Moubuka kekepmunyopura, ‘E, deiyok ara ani,’ tenen, biknamlume.

Mazmur 78:2 ပူးပေါင်းရင်းမြစ်များ

Mazmur 49:4

Narye nyapnusin yupu ara, kel weik bikina deice arye nyapnusine. Ara, na kanye pum noutam arye, moubuka tenipse ning ara, nyapsiniba, kekepmunyopura, anggun babye, kel weik nang unamlume.

Mazmur 49:5

Nara, kel weik nang arye nyanyak yupu ara, moubuka kekenune. Ayupu ara, ikin kanye boptibirye, nong noutamak ara, kum kekeptibye bukni, kitar atonun ning, el si ara kecapi, lelim deice arye mot nyapsinirye, laka nyapsinyopura, kel weik yupu, nong moubuka biknamlume.

Amsal 1:6

Anyapnusin yupu nirya ara, pia weik arye kel bikmunyopura, domon yupu ikin weik ning ap, winipmanto yupu ap, deiyok ning aupmatu babye, moubuka kel bikinamlume. Tonda, pia weik kel bikamik nang arye, domon yupu nyanyak yupu ap, duknubuka nyanyak yupu ap ara, ‘E, ayupu deiyok ara, ani’ tenen, pia weik arye kel bikinamlume.

Yesaya 46:9

Ara, minop talak na Allah arye pil dolamseba, winipra yangalamuk ning tuba tonap, aning nirya moubuka tenepmunce, kel kinamlulume. Winipmunce, ‘Allah ara el tonok ulule. Elcuk aning nirya winyamuk’ tenen, na siuk kel kipnumunce, erenamnulume. Ara, na ununa atonye bira, yuk Allah ton kum ulule. Na tonok unune,” Allah arye nyabuk.

Markus 4:34

Ninye nirya ati ara, Yesus arye peterelamuk talak nirya ara, domona yupu deice ton peterelamuk bukni, elce wipdeibuk mapu 12 nang ap, sik yuk ulamik talak ara, peterelamuk ning nirya, lak deice arye laka nyabuka nong noutamak ning babye, peterelamuk.

Ulangan 29:28

“Allah Yahweh, el yu weik ubukba, aning ara, adiparyuk winilamuk. Tonda, Allah el yu pia weik ubuka deice arye, sik Israel nang amutuku ulamika ani, amutuku noutam arye dobuka, sik yuk ninye asik nang mutuku donoknamuke. Winibukura, sik Israel nang nirya ara, yuk nang mutuku binuka, ulamike,” nyanamake.