Mazmur 77:5 - Eipomek

⁵ Na ni Allah, ance ikin ning arenilyame deice arye, lukunyan babye, kum manune. Tonda, pia imun kanye bobuka ununa ati, yupu tonok ning babye, kum nyaptinye.

Mazmur 77:5 ပူးပေါင်းရင်းမြစ်များ

Mazmur 102:8

Lukunyan noutam ara, mapmanye talak ara, na pia kum mapmanto unune. Asing lanauk unune. Tonda, tonok mitik maka, ninye aik deice tam, el yuk bukapya ani, adiparyuk lakuka balamle touk unune. Nara, na babye pia yuk unune. Yuk nang ap neika una pia kum unune.

Mazmur 143:5

Bukni, ikin unilye talak ara, minop talak winilamlum ning ati, tuba teninauk unune. Ara, ance akunum mambul pil, pia weik tonun dolamlum ning ara, tuba bikinune. Tonda, an taruk mikip deice arye, pil dolamlum ning nirya ara, tuba bikinune.

Mazmur 44:1

Israel yala nang peterena ati, Korah yalanye tonoknye, aMazmur yupu mot sekuk. Sekuk ning ara, Allah yupu mot nyana deiyoknye biti arebuk. Anye birye nyabuk yupu ara, ani.

Yesaya 51:9

Allah arye ayupu nyapdeibukba, sik Israel nang arye nyabik. “Se, nun ni Allah Yahweh, an adiparyuk kekepsimince, melibuka lyepsilyame! Na nio, an mikip weik deice aryuk, nun lyepdopsilyame! Minop talak ance nun apu yapu ati, melibuka lyepdonlum touk, nunce, ‘Adiparyuk tikibirye, nun atalak unyap nang ati ton, yanuka lyepdopsutumʼ tenen, moropkiyabe. Ura, nun ni Allah anti, nun apu yapu arye, ‘Nun ni koproba Allah, melipsilyame!’ nyabuka, moropkikba, yu weik ulamuk isa kwatima, akam ulamuk ning, el si Rahab, akunum parang ya arye sekuka omuka deiyoknye birye, yatanye birye do? Kume, yuknye birye kume. An Allah aryuk, weik laut mekwen noutam kam ulamuk kwatima, el si Naga Laut, weik laut mekwen pum tam arye lukuka oplumba, diamuke.

Ulangan 32:7

Ati ara, minop talak anggun nong ninye winilamik ning, tuba tonap tenilenamlulume. Minop talak ulamik ninye ati, tenilenamlulume. Tonda, anggun kel kina ati, anggun ni yapu ap, sik wisi-wisi nang ap, ulamik talak Allah arye pil dolamuk ning ati, asipdemunba, sikce laka nyapnamsiake.