Mazmur 77:19 - Eipomek19 Mikip weik kum yayukce, kumanya weik dobukba, amutuku palamuk ning nirya, lokuka pounmokce, bebeya lakuka piripna dobuka, amutuku nirya dirina weik ubukce, weik liman lebuka, lelim ton nyabuk. Aning nirya winibuka ati, atalak ara tukwak mutuku sirya, im nirya ara, lulukuka, long-long abukba, lulukunmok. အခန်းကိုကြည့်ပါ။ |
Minop talak, nun apu yapu Israel nang, sik dinmekak arye, weik laut mekwen cepdobukba, tuku mikuka deice ak, koubuka yanamik. Bukni, ‘Israel ninye opnuyap’ tenen, dobolbanmek nang, Mesir ninye ara, an mikip deice arye, mek siklipdongobuka oplume. Ninye arye keil dobuka, weik mek mekwen noutam donokikiba, mek pum bisik saklirye, mek lontik abuka dilamle atonun, Mesir ninye laut mekwen noutam kintinip deipmalum bisik wekelyayik talak ara, ance mambul pil domluma deice arye, anang sik nong deice mek siklipdongobuka, dibuk. Anang nirya obuka sirya daklume.
Aning atonun ton, Allah arye nati, ‘Anye biti aning winipnamne. Narye melipnyeba, anye birye wininamleʼ tenen, akunum kintinipnuk ning ara, dipkoprob aninguk, elce na deice wininulule. Aninguk kum bukni, Allah elce na deice ati, ‘Aning winiptinye, aning winipnamne,’ tenelul ning ara, pia weik ulule.
Allah el dam ara, weik dua ap, kuna ap aulule. Ara, ninye arye, el urasin kum elinamaka ati upnamle. Bukni, Allah arye aning-aning nirya talibuka ulula deiyok ara, diksukum winin ninguk talibuka winilule. Tonda, ninye nirya winilamice touk, akunum elilula ati, elce dipkoprob diksukum kibuka, yupu lipsisikuka bokeipsilirye, dengna arepnamsile.
Atalak uk weik laut mekwen tamubukce, Mesir mutuku yin talin nang ap, kuda deice bukuka yanganmek nang ap, Mesir mutuku weiknye, Firaun ap, el mapu yin talin nang ap arye, Israel nang ati, dobolbanmek nang nirya, laut mekwen noutamak dibik. Mekwen noutamak arye siknibuka obukba, tonoknye babye kam kum bukuk. Nirya dibik.
Se, na kwit capu. Allah elce kel kiyamuk ning ap, elce, ‘Deiyok ani’ tenen, moubuka tenelye ning ap ara, mambul weik ning ulule. Allah arye kel bikamuk ning nirya ara, kum nukmanto ulule. Elce, ‘Winipnamne. Teleb una ara ani,’ tenebuka yupu lepsisikuka bokolisilya ara, nun talye tukwak unyap ninye arye moubuka kum teneptibye. Allah el pil dolye ning ap, el winilul ning nirya ap, nun bidamang aryuk kum kel biktibye.