Mazmur 77:11 - Eipomek

¹¹ Winibuka tenepne ning ara, narye nyanune. “Se, aning-aning talibuka, deice tam erebuka, Pia Mikip Weik Deiyoknye ulinye, Allah bira, el sirik tam taruk ara, mikip weik ulamuk bukni, wini talak akunum mitang unmal do?’ tenepnarye, na imun kanye bonun deice arye, na talima dakalsanulule.

Mazmur 77:11 ပူးပေါင်းရင်းမြစ်များ

Kejadian 24:63

El li dam yanuka unmoka ani, tonok sum sintam ara, ‘Na yuk Allah ati tenenamne’ tenebukce, tonok wa win dam binuka bukmok. Bukmokce, kisok erebuka otam dildeyukce, unta basam bisik noutamak yanganmokba, eibuk.

1 Tawarikh 16:12

Se, nun apu koproba Yakub birye deiamsukba, dadeipdanin yanganyak nang ara, Allah el mambul weik yupu nyalamuk ning ap, elce ninye kum winipmanto ning pil dolamuk ning ara, lubakina kumce, aning nirya moubuka tenipmunce, ayupu peteren pil talipmunce, donamlume. Se anggunda, ‘Naʼ tenen, nang ululume. Anggun apu koproba Yakub, el si ara Israel birye deibukba, dadeipdanin yangalamikce, deiamsike. Allah arye wibuka akwamsuk nang, anggunda Allah arye anggun wininman ning eipnarye, kanye imun weik pil dolamlum ning nirya ati, pia moubuka tenemunce unamlume. Allah arye nyalamuk ning ap, pil dolamlum ning ap nirya ara, lubakina pia meme.

Mazmur 105:5

Allah arye, ninye kum winipmanto pil dolamuk ning ap, “Aninguk moubuka talipnamlume,” nyapdeiamsuk yupu ap, ninye yupu bokeiyamsuk ning nirya ara, moubuka tenepmunce, talibuka unamlume. Tonda, pia luba kum kipnamlulume.

Mazmur 111:4

Allah Yahweh arye, ninye kanye talima noutam pil dolyeura, ninye nirya arye, elce kum ninye kum winipmanto pil dosinyaka nirya ara, tuba tenenauk unyake. Aning nirya ara, pia kum luba kinyake. Aning nirya ara, pia ati, aupnamle. Nun ni koproba Allah ara, aning-aning nirya talilulnye ati, el kanye aryuk, nun talye kankan nang nirya ati, weik arye bico tenesilirye, nun patasulul ning nirya tenesilirye, melisulule.

Mazmur 143:5

Bukni, ikin unilye talak ara, minop talak winilamlum ning ati, tuba teninauk unune. Ara, ance akunum mambul pil, pia weik tonun dolamlum ning ara, tuba bikinune. Tonda, an taruk mikip deice arye, pil dolamlum ning nirya ara, tuba bikinune.

Mazmur 28:5

Deiyok ara, ani. Amalye wininyak nang ara, Allah Yahweh arye, mambul pil dolamlye ning ap, el taruk mikip arye winilamlye ning ap, ‘Aning nirya ara, dauplye, awinilye ning ati tenebuka, kum kekebibirye, kum bikinamabe,’ tenebuka unyake.

Mazmur 77:10

Deiyok ara, ‘Allah arye bico tenesilirye, teleb kibuka melisulul ning ara, akunum luba kibuka ati, aning tuba kum tenenamle do? Akumopura, nun malye winin ning ati, yu winibuk deice arye, ‘Narye sikti, tuba bico tenebuka, kum melinamsine,’ tenebuka, ‘Akunum bataksuk do?’ tenenune.

Mazmur 78:11

Tonda, Allah arye, sik melina ati, pil weik tonun melibuka, dolamuk ning nirya ara, sikda luba kinauk ulamikce, aning nirya ara, pia kum tenelamik. Atonun, Allah el weik tonun pia ninye dopman kum pil dolamuk ning nirya babye, luba kilamik.

Keluaran 15:11

Yatanye do? Ninye arye, ‘Aning ara Allah atonun’ tenebikirye, yuk ning si erenyak ning nirya ara, an Yahweh uminya atonun kum uptinge. An winilyam touk, yuk Isa Mutuku Dongonye, sik mikip koproba deice arye, kum winiptinge. Tonda, yuk nang nirya ara, an winiminya atonun kum wininyake. An tonok ara, pia diksukumuk ulyame. Pia telebuk ulyame. Pia telebnye, dirina weiknye umince, ninye kum winipmanto ning, mambul pil, ninye winipmanto kum pil weik dolyame. Yata ning do nirya, an winiminya atonun kum wininyake.

Yesaya 5:12

Sik anang arye, weik kwalya kwalibuka dinmace talak ara, mot sena ati, lelim len ning, el si kecapi ap, gambus ap, tonda rebana ap, suling ap onmakirye, kanye wangalamak mek, anggur mekuk dinyake. Wininyak deice sikce, ‘Se, nun ni Allah Yahweh, elce amambul pil donamleʼ tenen, sikce elti, moubuka bita tenebikirye, el taruk arye mambul pil dolamuk ning ati, si kum erenyake.