Mazmur 74:5 - Eipomek

⁵ Nun ni Allah, an si eren aik pum tam weikikce, weik yo wena ati, ya el si ara kapak ya doprobikce, ninye arye bai mutuku tiklamle cang yo binuka welamak touk, anyaik pum tam deiamupu ning nirya ara, akapak arye, aning nirya weplobikce, ulubuka sirya dakik.

Mazmur 74:5 ပူးပေါင်းရင်းမြစ်များ

1 Raja-Raja 5:6

Ati ara na kwit koproba Hiram, ance nyapdeipminba, an mutuku nang ara, weik cang kat yo, el si ara aras yo, Libanon mutuku noutam arye wibikirye boyanuka, apil donamake. Atalak ara, na mutuku nang ap, an mutuku nang ap, neika pil donamake. Pil donamaka ati, sik dekne ning arenamne. Ance, ‘Winibuka arena telebe,’ nyapminye ninguk arenamne. Na kwit an kele, an mutuku nang sik Sidonia tam nang ara, yo cakna kel weik nang unyake. Na mutuku nang mitik anun aryuk kel bikamik bukni, Sidon mutuku nang ara, weik kel nang unyake. Ati, ‘Anang arye melipnamak’ tenen, moropkine.” Raja Salomo birye nyabuka, asurat sekuka Raja Hiram dam dopdeibuk.

2 Tawarikh 2:14

Adopdeipnamananye el lin bira, Dan yala kilapu ati, el lin koproba ara Dan yala kil arye deiamuk. Tonda, el li bira, Tirus mutukunye ulamuk. Huram Habi bira, dekena weik ning, emas ap, perak ap, perunggu ap, kat ning besi ap, urasin teleb keil ap, yo ap, aning nirya ara, puturuna ap, memena ap ara, kel weiknye ulula ati, an dam dopdeipnamkine. Atonun, anye elda, im kalum baju bola kain biru ap, kain unggu ap, kain bi ning merah ap, ton urasin pia teleb kain el si lenan ning ap ara, elce abaju doproplirye, urasin teleb ning memeptue. Tonda, urasin teleb ubuka puturun ning dona ara, ninye arye moropne touk aning nirya ara doptue. Telebe na kwit Salomo, an amu tam pil melin nang ap, na tam nang arye, dopdeipnamkin pil melin nang ap, sik neika pil donamaka ati, dobuka arepne. Ara, na deiyoknye Salomo, anang ara, an ni koproba Raja Daud biti, el morolamuk touk pil dolamik nang ati, sik ap, an Salomo dipnalam pil don nang ap, neika pil donamake.