Mazmur 73:20 - Eipomek

²⁰ Winipmanto ara, ninye arye, lengdar mabikirye, aning-aning ayala-ayala nirya elinyak bukni, mapmakca ani, bukikirye, adiparyuk, sik asum lengdar deice arye eipmakce ning, lak noutam kum upliba, kum eipmanto ati ara, luba kilongolamak touk, wininamake. Ara, Allah Yahweh, ance aninye sik wenena ati, yanamlam talak ara, sik malye unyak ninye nirya, adiparyuk kum daneipnamlyame. Lengdar mapmakca ani, bukikirye, luba kilongolamak touk kibuka, an adiparyuk aninye ati wenepmince, kum daneipnamlyame.

Mazmur 73:20 ပူးပေါင်းရင်းမြစ်များ

Ayub 20:8

Winipmanto ara, sik amalye weik wininyak nang ara, lengdar mabibirye, aning-aning elinyap bukni, bukipyopura, lengdar deice eipmapye ning, adiparyuk kum daliba, luba kilamap touk, sik anang babye, atonun upnamake. Lengdar mapmabibuk, lukunyan noutam ara, laka upmalya eipmapya ani, adiparyuk kum danalamle touk upnamake.

Mazmur 39:6

Na kele, ance nati, ‘Anye bira, keting tamun mitik tonun dem kam unamle,’ akunum tenepnulume. Ati ara, na kam unamne keting tamun nuktinyopura, mitik tonunuk kipnamle. Tonda, ance teneplum ning ara, ‘Ninye tukwak unyak talak ara, pia mitik tonun kam unyake,’ tenesilyame. Winipmanto ara, ninye tukwak nang nirya, kam unyap keting tamun ara, tonok ulule. Ninye isin ara, mok puru yo bok deice palipmalya miklamle touk ulule. Pia mitik tonun dem ulule.

Mazmur 7:6

Ara, narye yuk nang ati, dipkoprob malye ning akunum wamtinye toura, Allah ance lo areptumba, na ona ati yu nang arye, dobolyanitingce, na yanuka tomopnitinge. Yu nang arye tomopnitingce, opnitingopura, na nong ara, tuku deice deiplopnitingce, yan yaniptinge. Diba, na malye wamtinye toura, yu nang arye, opnikirye, na nong ara, tuku sung-sunga deice noutam lakauk deiplopnitinge. Bukni, narye yuk nang ati, malye kum winipse.

Mazmur 78:65

Ikin ning pia weik, Israel nang deice yangalamukak, imun kanye bobuka ulamik bukni, atalak ara, Allah ara aning-aning nirya talelirye, mikip pia weiknye, tonap bukukce, ‘Israel nang lyepnamne’ tenen, kintinibuka yayuk. Winipmanto ara, ninye arye kanye wangalamak mek weik tonun dibikiba, kanye bona kumce mapmakca ani, aminyan talak tamubuka bukikirye, talye yupu weik arye minop nyalamaka atonun, Allah arye, sik Israel nang dam yanuka minopce lyeprobuk.

Mazmur 90:5

Ance ninye isin arepsulum ning, tamubuka dopropsiminye talak ara, winipmanto ara, lengdar mabikirye, kanye nep-nep alamak atonun unyabe. Tonda, maning kwapu bongobuka, tikaplya ani, sesal selolamleto, nun ninye babye, lik tonok kam unmapya ani, adiparyuk dibinyabe.