Mazmur 71:23 - Eipomek

²³ Nara pin-pin kanye bopnirye, na sitang deice arye, “Anda pia teleb ulyame,” nyabuka, mot nyapnirye, an si erenamkine. Ance lyepropnulumba, na kum dipsa ati, na kanye talima noutam nirya arye, antibuk, mot nyanirye, “Anda pia telebuk winilyame,” nyabuka, an siuk erenamkine.

Mazmur 71:23 ပူးပေါင်းရင်းမြစ်များ

Kejadian 48:16

Na ikin ulamnuk ning nirya noutam arye lolamnuk Allah arye, ‘An mapu bitinye ati melibuka pia teleb updeipnamle’ tenen, nyapne. Tonda amapu bitinye ara, yuk ninye arye sikti, ‘E, amapu ara Israel birye deiamuk mapu ururake. Sik apu yapu ara Abraham ap, Isak ap ulamrik. Sikda ayala nang arye deibik,’ nyabuka ‘Pia nyanamake’ tenen, Allah moropne.” Israel birye nyabuk.

2 Samuel 4:9

Nyapdik bukni, Daud birye, sik Rekhab ap, Baana ap ati, tamubuka nyabuk. Na ni Allah Yahweh, kam una deiyoknye, pia kam ulula ati, na dipkoprob nyapsine. Allah elce, na kanye ikin ulamnuk talak nirya, melibuka lyelamnuke. El si deice arye nyapsine.

Mazmur 103:4

Aninguk kum bukni, Allah arye kum melipnutopura, dipkoprob malye wininyak ninye dibikiba, balamak sukumuk, el si ara Sheol, betinye bukni, Allah ati, diba tenenyak ninye ara, amutuku kum wekinyake. Allah elcuk nun diba teneyap ninye lyesulule. Anya arye, dipnyopura, diplamik ninye unyakak ara, kum binuka unamne. Nara, kamuk unamne. Tonda, Allah arye, bico tenenilirye, ‘Narye anggun, ‘Naʼ tenen nang ati, ‘Winipnamsine. Pia teleb kilinamsine,’ nyabuka, nyalin yupu deice nyapsise yupu nirya ara, pia dipkoprob wininamsine. Tonoknye babye, pia kum bataknamne. Winibuka nyapsuka ati, lyesulule. Adeice melilnamsilya deice arye, tuba-tuba teleb kilisulirye, pia kamuk unamyabe.

Mazmur 104:33

Aning nirya ati ara, na kam unamne talak ara, Allah Yahweh, el tibuk kinmanirye, mot senamne. Tonda, na tuba aunman talak ara, Allah ati, “Anda pia telebuk ulyame,” nyabuka, kanye lon mot senmanirye, kinamne.

Mazmur 34:22

Tonda yu kanye bobuka, pia malye winin ninguk talibuka, wininyak ninye ara, sikce amalye ninguk wininyaka deice arye, sik bidamnyeuk olanamake. Sik bidamnye, malye wininyaka deice arye dipnamake. Tonda, Allah ati dib tenebikirye, diksukumuk wininyak ninye ara, yuk nang arye sikti, wilibuka deibikirye, ‘Aninye nun like ati ara, olbinuyabe,’ tenebuka, unyak ninye nirya ara, Allah arye, sik aninye ati, wenebuka oplopnamlarya.

Mazmur 63:5

An tibuk weik kanye deipnirye, pin-pin upniliba, si erenamkine. Ara, ance na kanye talima pum tam tenen ning ara, pia teleb un ninguk arepniminba, teleb ninguk tenenuna ati, nyapne. Winipmanto ara, ninye arye, pia teleb din ning kwalibuka dibikirye, din boupliba batakikca deice arye, pia kanye deibuka, teleb ualamak touk, ance meliniminya deice arye, pia kanye delikunune.

Wahyu 5:9

Sik 24 wisi deiyok nang arye, Domba Mi Atonye el si erena ati, winiryuk mot senmekba, kekepse. Sikce mot nyanmek yupu ara, ani. “Anda pia diksukumuk uminya deice arye, an tonok arye asekna mambul ning dobuka, taplaklamak yo pea atonun ning daklobuka, abuku yokeipsutume. Deiyok ara, sik opkikba, an ining biyuka deice arye, ninye ayala-ayala kan-kan nirya arye, ‘Allah el na tenen ninye unamak’ tenen, ninye weika arye deklume. Akunum dekuka lyeplum ninye ara, im sirya, mutuku sirya nirya ap, ninye ayala-ayala nirya ap, ayupu-ayupu nirya ap, weik mutuku nang (negara-negara) nirya ap, noutamak arye ninye weik dekuka lyepluma ati, ancuk abuku yokeipsutume.