Mazmur 7:14 - Eipomek

¹⁴ Elce, el ninye on ning yuk-yuk nirya akunum kintinipmale. Tonda, el mal mouse ara, uku sekikiba, uku buk dilamle touk upmalce, akunum kintinipmale.

Mazmur 7:14 ပူးပေါင်းရင်းမြစ်များ

Ayub 15:20

Aning ara, na akunum bikamse. Sik malye un ninguk talibuka wininyak nang ara, kanye ikin ninguk bobuka, yuk nang deice deilinyake. Bukni, sik kam unyak talak nirya ara, ‘Se, aminyan talak yata wiripnamsil do?’ tenen, teniltonauk ukirye, ilil weik unyake. Anggunce, yuk nang ati, bico tenena pia kumce, anggun nong deice, teleb ning ton kum deilinyake. Ato nang ara, sik kam unyak talak ara, ‘Se, yata wiriptinye do?’ tenen, kanye bokoltonauk unyake.

Ayub 15:35

Winipmanto ara, kilapu arye, mi bomikca ani, sirya ara mi deililamak touk, sik amalye winin nang arye, sik kanye talima pum tam arye, ‘Nunda malye winin ninguk unamabe,’ tenepnikirye, malye ninguk wininyake. Sik kanye talima pum tam ara, malye un ninguk tenenyake ati, malye winin ninguk unyake.

Yesaya 33:11

Tonda anggunce, ‘Wininamabe,’ tenelulum ning nirya ara, talye-talye urdemuk winilulume. Anggunce winimunye ning nirya ara, nong kum upnamle. ‘Wininamabe,’ tenelamlum ning nirya ara, ninye arye maning tuplobikiba, kel-kel alamle touk, upnamle. Maning kel-kel alamle ning uku dinibikiba, uku arye dibuka uku sice kilamle touk, anggun babye atonun winipnamsile. Anggun mining isin mikip aryuk, uku disuturye, dibuka sirya daksutue atonun, anggun wininamlum ning deice arye, anggun bidamnye nong uk kum kipdeipdanamlume.

Ulangan 32:23

Nyabukce, ayupu ton nyabuk. Ninye arye, sik mal olan nang ati, mal sik dam yanuka dobikirye, maralamak touk, narye tup-tupa pia kanye imun ninguk, weika arye arepneba, dolonamake.

Yakobus 1:15

Pia patapliba tenenauk uplyopura, aminyan ara malye ning laka nong ulule. Malye un ning nong akunum kiplirye, neplyopura, dapia malye upra balamica ani, aminyan sirya talak ara, Allah arye uku din mutuku dopkwetepnamle. Dopkweteplyeura, uku pia dinamle.