Mazmur 69:25 - Eipomek

²⁵ Na ni Allah, an yu teneminye ning ara, aninye sik nong deice deipminba, weika arye, weik uku dilamle touk, unamle.

Mazmur 69:25 ပူးပေါင်းရင်းမြစ်များ

1 Raja-Raja 9:8

Wini talak ara, ance dopnulum aik ara, urasin pia teleb aik ulule. Anyaik atonun ton kum ulule. Bukni, sik Israel ninye arye malye-malye ubikirye, na bataknicopura, narye anyaik batakniba, pia malye upnin banamle. Winiplyeura, uluplopnamake. Winiplyopura, anyaik dam banmace nang eibikirye, ‘Se, ara yata ati ubuk do?’ tenen, talima lukdakirye, nyapnamake. “Yata deiyok ati, Allah el si Yahweh arye, anyaik ap, amutuku ap, aninye ap ara, pia malye kipdeibuk do?” nyanamake.

Yesaya 5:1

Kekenmanulum buk, mot senmana ara, anggur tapu wa wina deiyoknye biti, bico uniliba, nyanmane. Na kayapu, anggur wa wina deiyoknye birye, wa wiamuka ati, mot senune. Mot sena deice arye nyapne. Bico tenenunye birye, mutuku bukamuka lilunak, tuku pia telebak anggur wa wibuk.

Yesaya 6:11

Nyabukopura, narye tamubuka asipdese. “Se, na ni Allah, kum kekepmanto unamak talak ara, yata talak arye talima kat ninye uk unamak do?” nyabuka asipdese. Asipdesiba, Allah arye, tamubuka nyapnuk. Amul arye kekena kum ap, asing arye el lina kum ap, talima kat ap unamak ara, weik tonun tonap pia aunamake. Ilil kum asa winilamice buk, sik wenena ati, narye nyapniba, yuk mutuku yu nang arye yacopura, sik aik dolamikce ning nirya, dakuka atu kiplopnamake. Sik aik ulamikcak nirya ara, ninye una kum ati, asik oldemuk upnamle. Sik wa wilamik ning nirya ara, yu nang arye alapdobikirye, yaniptabikiba, tuku nirya babye, malyeuk upnamle. Sik koulamak ning tonok ning babye, teleb ton kum upnamle. Aning nirya ara, kum danamle.

Matius 23:38

Aning ati ara, anggun Allah si erena ati arelbamunye aik ara, Allah arye batakliba, anyaik ara talye louk upnamle. Allah ara anyaik tuba kum unamle.

Lukas 13:35

Aning ati ara, anggun Allah ati arilbalalum aik ara, Allah arye bataklyeura, anyaik ara talye louk upnamle. Ara talye ati kume. Narye anggun batakuka bisinyopura, dotalak nirya ara, na ton kum eipnamnulume. Daulamunya ani, na si erenamnulum talak ara eipnamnulume. Atalak ara, anggunce, ‘Se, Ninye Lyenanye, Mesias nyanyapnye akunum yanmasile,’ tenen, biknamnulum talak ara, ayupu nyapnamnulume. ‘Allah el mikip ap, el si ap deice arye yanmasilinye bira, weik mambulnye anya arye, pia telebuk unamle,’ nyabuka, na si erenamnulum talak ara, atalakuk eipnamnulume. Yesus arye sik Farisi nang ati nyabuk.

Rasul 1:20

Peterus arye ayupu ton nyabuk. Buku Mazmur noutamak Daud sekuk yupu ara, ani. ‘El ululak sik nirya batakuka binamake. Tonoknye babye, el ululak kum unamlume.’ (Mazmur 69:25) ‘El dolamuk pil pununa ati, yuknye birye dolbinamle.’ (Mazmur 109:8) Peterus arye nyabuk.