Mazmur 69:17 - Eipomek

¹⁷ Na ni Allah Yahweh, ance weik bico teneniminya deice arye, amoropne ning nirya, kekebuka melipnilyame. Anda pia telebuk umince, ninye ati weik arye kanye talima pum tam kanye deibuka bico tenebuka, melilyamnye uminya ati, ‘Na babye lyepnamnilam’ tenen, moropkine.

Mazmur 69:17 ပူးပေါင်းရင်းမြစ်များ

Ayub 7:21

Yata deiyok ati, ance na malye unun ning nirya ara, adiparyuk lyebuka kum lyepnutum do? Na malye wininun ning ara, ance kum kipdeipnutuma ati do? Na ikin weik unmana ati, minopce akunum dipniba, tuku palipnikcopura, ance nati enmaniminya babye, ance pia kum eipnamnilame. Ayupu nirya ara, Ayub birye nyabuk.

Mazmur 102:2

Se, na ni Allah, an si Yahweh ati, na moropnukin yupu nirya ara, kekepnamnilam’ tenen, moropkine. Ara engebuka, malye nyanmance ngalukunman yupu ara, ‘An dam yatuba, ance kekeptum’ tenen, moropkine.

Mazmur 13:1

Mazmur yupu deice mot nyana ati, Raja Daud birye sekuk. Ara, Allah yupu mot nyana deiyoknye arepnamika ati, amot sekuk.

Mazmur 143:7

Na ni Yahweh, na talima pia mitang uniliba, kum winipmanto ununa ati, narye morokunun ning ati, ance minop kekepnimince, melipnamnilame na nio! Na nio, ikin unilye talak, narye anti moropkinyopura, ‘Ance luba kum kinamnilam’ tenen, moropkine na nio. Ance kum kekepnimince, luba kibuka batakniminyopura, sik akunum diamik nang unyak touk, unamne na nio!

Mazmur 143:9

Na ni Yahweh, ‘Na ona ati, yu nang arye, opnicak’ tenen, ‘Ancuk sik dam arye lyepnamnilam’ tenen, morokunune na nio! Ancuk nati, ‘Kalikuka melipnimince, teleb kibuka melipnamnilam’ tenen, an dam akunum bikbik abuka yanamse.

Mazmur 22:24

Ara, talye ati kum nyapsine. Deiyok ara, ninye imun kanye bobuka, unyak nang arye, Allah anti ilil upliba, amu tam unyakce, ikin ning weik dolonyak ninye ara, kum batakalyame. An ti, “Se, melipsilyame,” nyabuka, moropkice talak ara, ance nunti mangkau kibuka kum batakasilyam bukni, nunce moronyap ning kekebuka melisilyama ati ara, an siuk erenamkiyabe.

Mazmur 27:9

Ati ara, na batakanina meme. Narye moropkinye talak nirya ara, an urasin tamuna meme. Ance nati, yu upkiliba, urasin malye bonina meme. Aning ara, ancuk lyelonilyamnye ati, ‘Na batakniminyak’ tenen, moropkine. ‘Tonda nara, an amu tam pil donanye ununa anya arye, narye anti, nyapnamne ning ara, kekebuka namin kipniminyak’ tenen, nyapkine. Anda, na ni Allah, na Lyena Deiyoknye unilyama ati nyapkine.

Mazmur 40:13

Na nio, ‘Ance melibuka kalikinamnilyame,’ nyabuka moropmakin ning ara, talye ati kum nyapkine na nio. Weik ikin ning ap, malye winin ning ap, kanye imun ning aning-aning nirya ap, pia weik ulye noutamak unune. Tonda, narye malye wininye ning tuba tenenya deice arye, imun kanye bopne. Na malye wininye ning arye lelipniliba, ‘Teleb bisik ani’ tenen, moubuka, bita kel kum bikmanto unune. Winipmanto ara, na kisok potong kum nukmanto unilye touk, na malye winin ning, pia weik wininulul ati ara, na kanye talima pia ikin unulule. Na kanye talima noutamak, mikip kum unulule ati ara, kum winipmanto unune.

Mazmur 44:24

Aning ati ara, ‘Nun ni Allah, an bikmince, minopce nun dam yana melibuka lyepropnamsilam’ tenen, moropkiyabe. Na nio, anda nunti, ‘Pia kum batakanamsilam’ tenen, moropkiyabe. “Ati na nio, minopce nun dam yana melibuka lyepropsilyame!” moropkiyape.

Mazmur 66:14

Nara ikin weik ning, na dam yangalamnukba, imun kanye bobuka, ulamse talak ara, ‘Allah arye lyepnutu’ tenen, ‘Lyepniminyopura, winibuka-winibuka, an balye tam kipnirye, an teleb piluk donamkine,’ nyabuka, moropkise ning nirya ara, dipkoprob donamne! Tonda, imun kanye bobuka, ulamse talak ara, na si bambol deice arye, ‘Se, na nio, ance lyepnutumba, winibuka-winibuka winipnamne,’ nyabuka, nyamse ning nirya ara, dipkoprob aninguk talibuka wininamne!

Mazmur 70:1

Raja Daud birye, aMazmur mot sekukce, Allah yupu mot nyana deiyoknye biti, arebuk. Ara, ‘Allah si erebuka kina ati, kam ning obuka, elti, arepsi ning, tuba teninamne’ tenen ati, amot sekuk. Daud birye nyabuka, sekuk yupu ara, ani.

Ratapan 3:22

Nara, ton ap tenenun ning ara ani. Ara, Allah elce tuba nunti pia bico tenesulule. Tonda, Allah elce nunti, “Winipnamsine, anggunce na yupu talibuka upmunyeura, narye anggunti winibuka-winibuka teleb kipdeipnamsine,” nyabuka, nyalin yupu deice arye nyapdeipsuk ning nirya ara, kum bataknamle. Aning nirya dipkoprob nong upnamle. Allah arye, ‘Na tenen nang ati ara, tuba telebuk kipdeipnamsine,ʼ tenesulul ning ara, min kum winipmanto. Aning ara, pia ati aunamle.

Matius 26:38

“Na kanye talima ikin ubuka, pia ilil kanye bopmana ati, na kanye talima uk dimanilce, dipmanto upmane. Na talima uk pia dinmanila anya arye, na talima melildana ati, meneng dam asukumuk, mana kum, bunauk upnamalulume,” nyabuk.

Matius 27:46

Inibukce kunadakmoka ani, keting winilye ton akunum ubukura, sintam jam 3 sore atonun, Yesus weik yupu arye nyabuka ngalukuk. El yupu deice arye nyabuk ning ara atia. “Eloi, Eloi lama sabaktani.” Yesus arye nyabuk. Anyabuk yupu deiyok ara ani. Ara, “Na ni Allah, na ni Allah yata ati batakuka lubakipmanilam do?” nyabuka ngalukuk.’ (Mazmur 22:1)