Mazmur 68:19 - Eipomek

¹⁹ Nun ni Allah, ance weik mutuku deice weleplum talak ara, ninye arye, yuk nang tomobuka, tapu koupdongobik nang weik, an Allah arye, anang dobuka, Yerusalem mutuku boyalume. Tonda, ninye arye anti, kanye deibikce, teleb karin ning weik tonun boyanuka, an si erebuka dona ati arepkik. Ton ning ara, min arye an Allah ati, ‘Allah ara, nun likeʼ tenen, an yupu yanilamik nang babye, atalak arye, an si erebuka dona ati, teleb karin ning dobuka, arepkik. Wini talak ara, an Allah Yahweh arye, Yerusalem mutuku noutam unamlume.

Mazmur 68:19 ပူးပေါင်းရင်းမြစ်များ

Mazmur 139:17

Allah Yahweh, ance tenenilyam ning ara, narye anirya kum bikmanto, pia weik mambul tenenune. Tonda aning nirya, narye nuktinya babye, pia weik anya arye, anirya nukuka, kum sirya daktinye.

Mazmur 32:7

Na ni Allah, anda nati, ‘Ikin ning doplyak’ tenen, melibuka lyenilyame. Ance nati, ‘Kanye imun ning, el deice uplyak’ tenen, na dam umince lyenilyame. Ance na opmanto talak nirya, melibuka lyenilyama ati ara, yuk ninye eibikirye, na dana-dana tam yakirye, antibuk, pia kanye deibikirye, “Se, Allah arye, nun kwit lyelolula ati ara, aning ara pia telebe,” nyabuka, kanye lon mot nyanyake. Anti si erekinyake. (Sela)

Mazmur 55:22

Anye birye, kekena pia teleb yupu nyanulul bukni, el kanye talima pum tam ara, ‘Narye anye biti, olbinyeura, anye opnamne,’ tenenulule. Diba, anye birye, pia namin yupu deice arye, teleb yupu nyanulul bukni, elce nyanulul yupu ara, dipkoprob ninye ona ati, parang ya atonun ulule. Nemalye aryuk, talye yupu uk nyanulule.

Mazmur 65:5

Ati ara, Allah ance, ‘Na si eren aik dam yanganamak’ tenen, wipdeipsulum ninye nirya ara, pia weik arye, kanye deibuka unamake. ‘Na dam yakirye, na siuk erebuka unamak’ tenen, akunum welisilyam ninye nirya, nun an dam yabirye, aning-aning nirya, kintinip deipsulum ninguk, talibuka ubirye, weik kanye deibuka unamabe. Ara, Allah an si eren aik, an uminyak, pia teleb sukum yanuka unamabe. Ati nun nirya arye, pin-pin kanye bobuka unamabe.

Yesaya 46:4

Nara, anggun deiyoknye Allah unune. Ununce, melilamsinya ani, wisi danamlume. Aning atonun pia melilamsinibuk, kul potong tiknamsile. Na Allah arye anggunti pia tuba-tuba bico tenesununce, kalikuka melisunune. Narye kwepdeiamsise ati, narye anggun melibuka bobinamsine. Minop talak arye melibuka lyepdopsise touk, tuba anggun patapsilye ning arelamsinirye, lyenamne.”

Ratapan 3:23

Allah arye, ‘Naʼ tenen nang ati ara, tuba telebuk kipdeipnamsine,’ tenesulul ning ara, asum-asum nirya, beren tam talak arye deiyok koubuka, tenena uk usilirye, telebuk kilisulule. Allah elce nunti bico tenesilirye, elce, “Winipnamsine,” nyasulul yupu nirya ara, dipkoprob nong upnamle. Kum bataknamle. Tuba weika arye, teleb kibuka melinamsile.

Efesus 1:3

Nun Weik Deiyoknye Yesus Kristus, el li kopropba Allah ati, “Telebe,” nyabuka pia nyanamabe. Kristus ap, kanye talima dukdongopsuka deice arye, akunum teleb kipdeipsuke. Ara, nun kanye talima teleb kilina ati patasilye ning nirya ara, im deice arye, akunum kintinibuka deiamsuke.