Mazmur 68:13 - Eipomek

¹³ Ance nyaplumba, ninye arye kekebuka laka nyalamik yupu ara, ani. “Anggun kekeplulume! Israel nang arye, yuk-yuk mutuku talibuka, deiyok-deiyok kiamik nang ara, akunum obuka batakikce, sirya dakik. Sik yuk mutuku yin talin nang ara, akunum obuka, sirya dakika ati, sik amutuku nang arye, talilamik ning alubuka doprobikce, tamubuka amutuku boyanuka arepsikura, nun mutuku urasin teleb kilapu arye, sik aik pum bisik ara, yuk-yuk ning nirya, bokuka arelanyake.

Mazmur 68:13 ပူးပေါင်းရင်းမြစ်များ

Kejadian 49:14

Ninye arye mikip weik keledai basam bobuka, bona weik libuka, el balye tam koupdongobiceura, balamle talak ara, el dikdik sena ati, binuka winipliba, abona lin ning arye tuku barilule. Winilamle touk, Isakar an yala ninye aning atonun wininamake.

2 Raja-Raja 7:16

Samaria mutuku ulamik ninye nirya, ayupu kekebikce adiparyuk Aram yin talin nang talye bataka binmek ning aning-aning nirya binuka doprikce, dekna weik ning doprik. Winibika ati ara, atalak arye, deiyok koubuka, Allah el si Yahweh arye, ‘Wininamlume,’ nyabuk touk winibik. Ara, din ning el si gandum teiklamak ning teleb ning ara, 7.3 liter kwebuka deiamik ning ara, el dekna ara, uang perak mitik tonun ara 11 gram arye, dekik. Aning atonun, yuk din yala ning ara, el si jelai, 15 liter kwelamak ning ara, el dekna ara uang perak mitik tonun aryuk 11 gram arye, dekmek. Aning minop dekna weik arye, dekik bukni, arup arye, deiyok koubuka mitik tonun aryuk dekik. Aning nirya ara, Allah el si Yahweh arye, “Ambusum winipnamsile,” nyapdeibuk touk, dekik.

Mazmur 105:37

Weik ikin ning aning-aning nirya, Mesir mutuku ninye, sik deice akunum deibukura, Allah Yahweh el mapu Israel ninye ara, Mesir mutuku arye bobuka biyuk. Abobuka banuyik talak ara, Mesir mutuku ninye arye, ‘Minop bitinge’ tenen, Israel ninye ati, urasin teleb ning, dekna weik ning emas ap, perak ap arebikba, bobiyik. Ara, sik mikip weik ap, kil-kil deice ap aniryuk biyik. Israel ninye ayala-ayala nang nirya, neika biyik talak ara, tonoknye babye, anye bira mikip kume, mitang ati, nyabuka kum batakuk. Sik nirya mikip arye bindobik.

Mazmur 149:4

Deiyok ara, Yahweh arye wipdeiamsuk nang, el ‘Naʼ tenen nang ara, kanye deibuka unyabe. Tonda, yata nang do nirya, sikce sik bidamang kanye erelana kumce, sik talima namin asa ukirye, ‘Allah aryuk melipsutue,’ tenenyak nang ati, Allah arye teleb kilisululce, nun ikin usulul noutam ara, lobuka lyelosulule.

Mazmur 74:19

Se, nun ni Allah, nun Israel yala nang ara, mitang nang unyaba ati, ance bataksiminyopura, ‘Nun mal olan nang arye, adiparyuk yanuka opsikcak’ tenen, ance kaliknamsilame na nio! Winipmanto ara, bai tam ulamle maka, el si yalma maka, pia mitang ulamle touk, nun Israel yala nang ara, atonun mitang unyabe. Ati ara, ‘Ancuk, nunti lyepnamsilam’ tenen, moropkiabe! Diba, nunda bona yala-yala nirya talina kumce, talye bona uto-toa talina kum nanguk unyaba ati, ance nun Israel yala nang ati, kum luba kinamsilame na nio. ‘Tuba tonap tenepsimince, lyepnamsilam’ tenen, moropkiabe.

Mazmur 81:6

Tonda, nun apu koproba, Yusuf ap, el mapu silip nirya ati, Allah arye, ‘Aning ara, pia wininamlume,’ nyapdeibuk. Ara, Yusuf birye amutuku batakuka, Mesir mutuku ulamik nang ati, olbinamuk talak ara, Allah arye, ‘Aning wininamlume,’ nyapdeiamuk touk, wini talak nun babye atonun wininamabe. Allah arye, ‘Aning winipnamlume,’ nyapdeipsuk talak ara, ayupu min kum kekelamse. Asaf birye nyabuk.

Keluaran 1:14

Mesir mutuku nang arye, ‘Israel ninye, sik kanye imun kanye bobuka unamak’ tenen, wa pil aning-aning nirya ap, batu tehel memena ati, ikin pil weik tonap, sik nong deice delilamika deice arye, Israel ninye imun kanye bobuka ulamikce, weik engebuka ulamik. Winilamik bukni, Mesir mutuku ninye arye sikti, pia bico kum tenelamikce, “Ikin piluk doplulume,” nyabuka aruklamik.

Yesaya 33:23

Kum mikip deice balamle mek liya yo noutamak ara, cang yo ikamlumce, ‘Lontoksilyak’ tenen, ayo dup tapu kicamlumce, mek liya yo sirya dana-dana tapu kirikamlum ning ara, akunum surukmasile. Atapu akunum surukmasila ati, acang yo ara kat kum upnamsile. Lontokna uk unamsile. Tonda, amek liya yo deice kiriklalum baju bol babye, surukmasutua ati, kumanya mikip arye dakuka kum bobisutue. Ati, ila tuba tonap, anggun Asyur mutuku nang arye, nunti kum olyasutume. Allah arye anggun nirya akunum wenebuka oplopsuka ati, nyapsine. Ati ara, anggunce nun ning ubula dalubuka dololamsulum ning nirya ara, ila tuba nun bidamang tamubuka doprobibirye, bokuka arelanamabe. Yan malye uamliba, teleb kibuka kum binmanto ulamikce ninye babye, aning bokuka dopropnamake.

Bilangan 31:27

Adalubuka boyanmace ning nirya, akunum nukmunyeura, adiparyuk anggunce bokmunce, neik toto kibuka meice kukdeipnamlulume. Abokuka deipmamunye ning ara, ton tam ning ara, sik yin talen nang mal olan dam binmace nang ati, arepnulyame. Atonun, ton tam ning ara, Israel ninye talye tuba, sik asik dam daunmace ninye ati, arepnulyame.

Lukas 15:16

Basam weinanye kipdeibukura, basam weilamuk talak ara, yuk nang arye el din ning kum arilamik ati, ‘Abasam dina dilamikce, dina si sekdoba mitik-mitikauk bulubuka diptinye,’ tenelamukce dilamuk.

Lukas 15:22

Nyabuk bukni, ami el li birye, el pil melina nang ati ayupu nyabuk. “Anggunda, ‘Weik nang kipnamap’ tenen, arilamak cang baju, el si juba ati, pia teleb ning ara, minopce dobuka yamunce, na mi ati ongopdeipnulume. Tonda, ‘Anyaik deiyoknye atonun ulule, tenepnamake’ tenen, taruk dukdongon ning dobuka boyamunce ongopdeipnamlulume. Tonda, ‘Anye bira, talye melinanye kume, weiknye ulule, tenepnamak’ tenen, el yan ongon sandal boyamunce ongopdeiplulume.

1 Korintus 12:2

Anggun nirya kele. Allah min kum dib tenyamlum talak ara, yatato ninye ulamlum do? Yuk ninye arye, peterelamsik deice arye, dipkoprop teleb una kum bukni, yuk malye bisik dobuka bobinamsikba, anggunce talye ning ati, isa si erebuka ulalume. Anggun taruk arye, puturubuka delilalum ning ati, ‘Nun ni,’ nyabuka, aning si erelamlum bukni, aning nirya ara, yupu tonok babye kum nyapmanto ulamuk.

Titus 3:3

Aning peterelamlyam deiyok ara ani. Ara, minop talak nun babye kanye bona kum arye, walwal ulamubu. Ara, malye kibuka, ninye deiyok nang yupu ap, Allah yupu ap, kum kekelamubu. Yata malye winin ning do, malye patan do, malye kanye tenena do nirya, amalye ninguk patalamsuka deice arye, yukulamsukce, nun malye ning winina deice arye, tapu kouamsukba, pia malye ulamubu. Atilila ning diba tenelamuburye, yuk nang ati, yu weik ubuka, waldana ap, oldana ap, ulamubu. Tonda, yuk nang ning ati, ‘Se sik ning ara, naryuk doproptinye’ tenen, kanye talima engena ap, ulamuburye, nun nirya arye, yuk nang nirya ati, lik upsinabuk, ‘Pia lik,’ tenelalamubu.

Yosua 10:16

Bukni, Amori yala nang, sik deiyok nang pamubarye, Raja nang bura saka biyik. Makeda mutuku keil deiya pum tam, binuka duknupmek.

Hakim-Hakim 5:16

Anggun nirya ara, yata deiyok ati, anggunda doltakna aik dam, uku peikuka talye urdemuk ululum do? Ara, ‘Domba basam wein nang arye, sik domba basam yukubikiba kekeptibye’ tenen, nun batakuka talye dikdik sebuka daulamlum do? Dipkoprop Ruben yala nang ulamik tam nirya ara, sik teniltona deice kum melibuka yayik.

Hakim-Hakim 5:19

Atalak ara, Kanaan mutuku weik deiyok nang yayikce opmandasike. Sik Kanaan mutuku weik deiyok nang ara, Taanak mutuku yanuka opmandasike. Ara, Megido mek puak anyuk mal olalamik bukni, ‘Kat ning perak ap, anang talinyak ning, dekna weik ning dalubuka dopropnamap’ tenen, yangalamikce opmandasike bukni, obuka sirya kum daksikce, tonok ning babye ton kum dalubuka dololamik.